إعـــــــلان

Collapse

.

,
See more
See less

LED Speedometer, work log

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    LED Speedometer, work log

    السلام عليكم

    ده فيديو للشكل النهائي

    [youtube]http://www.youtube.com/watch?v=wAUQjoejmOM[/youtube]
    r=r===========
    ============

    rr
    اشتريت الحاجة اللي هاعمل بيها دايرة عداد السرعة بنفس طريقة عداد الـ RPM. المشكلة كانت في السنسور اللي يحول سرعة العربية لإشارة كهربية و الموضوع ده فيه بعض الأفكار اللي انتهت باستخدام موتور CD-ROM قديم و بعدين استقريت على موتور برينتر قديمة stepper motor
    http://www.nilemotors.net/Nile/188789-a.html (خبراء الاستيراد و قطع الغيار، إيه أنسب حاجة تستخدم كحساس سرعة)
    الموضوع القديم راح طبعاً و قلنا ممكن نستخدم حساس سرعة من أي عربية جديدة أو variable reluctance magnetic pick up sensor و ده زي أي حساس ABS في عربياتكم و ممكن Optical عن طريق الانفرا ريد و ممكن hall effect sensors يعني الموضوع كبير شوية
    اشتريت الحاجة اللي هاعمل بيها دايرة عداد السرعة بنفس طريقة عداد الـ RPM. المشكلة كانت في السنسور اللي يحول سرعة العربية لإشارة كهربية و الموضوع ده فيه بعض الأفكار اللي انتهت باستخدام موتور CD-ROM قديم و بعدين استقريت على موتور برينتر قديمة stepper motor

    دلوقتي ايه رأيكم في الشكل ده؟
    أنزل أطبعه ولا حد عنده تعديل



    و ده أثناء تجربة موتور السي دي روم على دايرة ال RPM اللي عندي و هي نفس الدائرة اللي هاعمل زيها زي ما قلت في الأول

    [YOUTUBE]http://www.youtube.com/watch?v=tGmpsLez04k[/YOUTUBE]


    ===============================

    بدأت شغل




    عملت الجزء الأول من الدائرة في مساحة صغيرة مقارنة باللي عملتها قبل كده، لأن مكان عداد السرعة محدود شوية



    و خليت الريوستات برة و وصلتها بسلك، دي اللي هاعمل بيها معايرة للعداد بعد كده



    وديت الصورة دي للاستوديو



    بعدين بدأت أحدد مكان اللمبات على البورد و أعلم مكان كل واحدة بقلم من الخلف





    الخطوة الجاية هاوصل الأيسيهات الثلاثة الخاصة بالليدات الـ30 ، و هاجيب الصور من الاستديو بالليل و ربنا يسهل و أخلص بكرة

    =====================================

    عملت الجزء التاني من الدايرة، الأيسيهات الثلاثة LM3914 و أزعم أني مصغر المساحة على قد ما أقدر



    أنزل دلوقتي أجمع الأجزاء و أوصلها بالـ LEDs و أجرب

    ========================================

    جمعت كل شئ و حصل خطأ ساذج جداً كلفني ساعة و نصف على ما عدلته تاني. بعدين عملت إضاءة خلفية للعداد تشتغل مع الكونتاكت و دي لازم تتعمل قبل ما أوصل باقي الحاجات لأن مش هيبقى في مكان أشتغل عشانها تاني.
    بعدين أجرب، مافيش ولا لمبة بتشتغل!!!! أجيب الأفوميتر ألاقي نفسي نسيت أوصل التغذية بتاعة اللمبات شخصياً
    و تمت التجربة بنجاح لكن واضح أن في مشكلة في الأي سي رقم 2 لأن الليدات بتوعها 9 مش بينوروا
    بصراحة ما كانش فيا دماغ تاني دلوقتي عايز أنام و أكمل بكرة
    أبقى أشيك عليها تاني و نشوف العيب فين بالضبط






    [YOUTUBE]http://www.youtube.com/watch?v=La28ShR9vr0[/YOUTUBE]

    برجاء عدم الرد قبل انتهاء كتابة الموضوع
    [CENTER][B][SIZE="5"]مدونتي http://historyneverdies.blogspot.com[/SIZE]
    [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]
    الكلمات الدلالية (Tags): led, log, speedometer, work
  • #2
    الحلوة اتكلمت

    كنت ناسي سلك واصل بين الأي سي الأولى و الثانية و الشك في الأي سي رقم 2 كلفني أني اشتريت واحدة تانية و ركبتها مكان القديمة اللي من حسرتي افتكرتها اتحرقت. ما علينا

    دلوقتي فاضل حاجتين أساسيتين
    1- تركيب السنسور مع واير السرعة و المعايرة
    2- تركيب العداد في مكانه

    [YOUTUBE]http://www.youtube.com/watch?v=UuR9ERaUgi0[/YOUTUBE]

    ===============================
    ===============================
    [CENTER][B][SIZE="5"]مدونتي http://historyneverdies.blogspot.com[/SIZE]
    [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

    Comment

    • #3
      الواير حركته على السرعات البطيئة بالذات مش منتظمة و أنا جربت الدايرة على طرف واير السرعة لكن لاحظ أنه كان مائل على الموتور (السنسور). عموماً أنا في دماغي النهاردة أنزل أشوف هاركب الموتور ازاي في ترس السرعة بتاع الفتيس دايركت من غير الواير اللي بيرعش ده

      [YOUTUBE]http://www.youtube.com/watch?v=tL6b0ad3udc[/YOUTUBE]
      [CENTER][B][SIZE="5"]مدونتي http://historyneverdies.blogspot.com[/SIZE]
      [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

      Comment

      • #4
        أسيب لكم الفيديو ده على ما أرجع لكم. نازل دلوقتي مشوار و هاشوف أركب السنسور ازاي في الفتيس

        [YOUTUBE]http://www.youtube.com/watch?v=fhxCAZezDpU[/YOUTUBE]
        [CENTER][B][SIZE="5"]مدونتي http://historyneverdies.blogspot.com[/SIZE]
        [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

        Comment

        • #5

          رجعت

          أولا: أنا مش مجنون، أنا في دماغي حاجة و هاعملها

          أيوة رفعت الموتور (موتور العربية مش البرينتر) و نزلت الفتيس




          كنت متوقع أن الموضوع هيكون مجرد بنطة لحام عند بتاع الشكمانات. رحت له الصبح و خدته على جنب و الموضوع كذا كذا. نزلت معاه تحت و بصيت على الفتيس و شرحت له الوضع، قال لي أجيب الميكانيكي الأول. رحت للميكانيكي (على بعد 10 متر) و شرحت الموضوع برضه راح من غير ما يبص قال لي "الفتيس هيتحل!!!!"
          بصراحة الراجل بيتكلم صح لأن الشغل لازم يكون مظبوط و فك الفتيس و (البيبة) و هي اللي بتاخد حركة من ترس في عمود الفتيس و تنقلها برة لواير السرعة سابقاً



          بص للسنسور بتاعي و بص للعمود بتاع البيبة، راح باعت صبي جاب له فتيس تاني و خلع البيبة بتاعته و ركب العمود بتاع دي مكان بتاعتي. البيبة بتاعتي كان تجويفها مربع، بينما الثانية كان تجويفها مسطح زي المفك العادة و دي أسهل في الشغل و أقوى و أعرض



          نقل على السنسور بتاعي و راح مشغل الصاروخ و قعد يبرد في الترس بتاعه عشان يبات داخل البيبة. بات.
          بعدين عمل شق عمودي من فوق الترس، و راح جايب حتة صفيح و تانيها و مظبطها بحيث تدخل من ناحية في البيبة و من الناحية التانية في السنسور. جميل



          ناقص إيه؟ نوسطن السنسور و نثبته في الفتيس
          رحت لمخرطة و عمل خرم 4مم في الفتيس و جبت مسمار معدي في السنسور و خرم الفتيس و رحت قافله بصامولة
          و جربت الحركة بإيدي من داخل الفتيس، لفيت الترس لقيته بيلف بسلاسة و حلو جداً و السنسور استحمل كل اللي اتعمل فيه و لسه بيطلع كهرباء

          طبعاً مع كل مرة الميكانيكي يشغل الصاروخ، و الخراط يشغل المثقاب. أقول السنسور مش هيشتغل تاني مع كمية الحرارة اللي اتولدت دي أو هيقفش بالرايش اللي دخل فيه و طلعته بعد عناء

          حالياً العربية بايتة عند الميكانيكي لأني اتأخرت عليه على ما رجعت من المخرطة
          و نكمل بكرة و هااااااااانت جداً

          و شكراً مقدماً للميكانيكي اللي شغل مخه و قبل الشغلانة و عايز يعملها صح و بدون ذرة لحام

          ===========================================
          ===========================================

          الغرض من تنزيل الفتيس:
          1- تغيير عمود البيبة من المربع إلى المسطح
          2- عمل خرم في جسم الفتيس لتثبيت السنسور

          هو أنا مالحقتش أصور لكم البيبة دي عاملة ازاي لما طلعوها برة، هي عبارة عن عامود معدني بالداخل بأحد طرفيه يوصل الواير للخارج و طرفه الداخلي عليه ترس مائل بياخد حركته من عمود الفتيس اللي رايح لعامود الكردان
          عامود البيبة محاط بجسم أسطواني فايبر مش معدني و بيتحكم في مكانه بمسمار من الخارج (واضح في الصورة)


          بعد كده لو احتجت أخلع/أغير السنسور أو حتى أرجع أركب واير عادي مش هاحتاج تنزيل فتيس ولا مكنة تاني. كله شغل مسامير اخلع و ركب و الميزة أنه مافيش ولا لحام. و السنسور ده أو غيره ينفع مستقبلاً لعداد seven segment و لو هاعمل عداد كيلومتر odometer كمان عادي و أبقى ريحت نفسي من السنسور و حواراته

          دي صورة بعد التركيب من تحت العربية. واضح السنسور متثبت في الفتيس بمسمار و صامولة من نقطة واحدة و ده كفاية. بعدين أنا ملأت الفراغات بينه و بين الفتيس بلحام Epoxy لزيادة التثبيت و العزل كمان




          ده فيديو قبل المعايرة

          [YOUTUBE]http://www.youtube.com/watch?v=doJEW_z5DtU[/YOUTUBE]
          [CENTER][B][SIZE="5"]مدونتي http://historyneverdies.blogspot.com[/SIZE]
          [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

          Comment

          • #6
            اتضح عيب مهم جداً في الإشارة اللي طالعة من السنسور تخليه ينفع لعجلة ببدالات مش عربية :(
            واضح أن الإشارة على سرعة أكبر من 50 تقريباً بتكون سريعة جداً أو ضعيفة جداً للدرجة اللي بتخللي الـ LM2917 تترجمها غلط و تبقى الزيادة في فرق الجهد الخارج منها مش متناسبة مع السرعة.



            يعني الموضوع باظ ولا إيه؟؟؟؟ رجعت بالأفوميتر أشوف شكل الإشارة اللي طالعة من السنسور إيه ممكن نطلع بحاجة جديدة. لقيت خاصية تانية ممكن تستغل كويس و هي أن الموتور لما يلف بيشتغل كمولد و بيطلع كهرباء AC وجدت أنها متناسبة بشكل خطي و بانتظام مع سرعة العربية. طيب إيه العته اللي كنت فيه ده؟ ما هو انت عندك voltage متناسب مع السرعة إيه اللي يخليك تعمل دايرة frequency to voltage؟ و لقيت أنه على الرابع و على RPM 4500 فرق الجهد تقريباً 28 فولت. جريت بمعنى كلمة جريت على ال datasheet بتاع ال LM3914 أشوف أقصى فرق جهد تتحمله كإشارة لقيته 35فولت

            رحت موصل الإشارة بمقاومة متغيرة 47Kohm و منها على PINs no 5 بتاعة ال LM3914 و جرب يا عمنا.


            دي الدائرة بعد التعديل على صورة newhansol
            على فكرة أول LED بينور مع الكونتاكت على طول، أنا ما وصلتوش



            عايرته على الطريق باستخدام GPS الموبايل بحيث لما السرعة على الموبايل 90 ظبطت العداد عندي على 100

            و عملت لكم فيديو قصير و فيديو طويل. و العداد شغال مع المارشدير كمان

            DONE!!!

            [YOUTUBE]http://www.youtube.com/watch?v=wAUQjoejmOM[/YOUTUBE]

            بالنسبة للتكلفة سؤال مهم طبعاً

            مكونات الدائرة :
            55 جنيه

            ميكانيكي: فك و تركيب الموتور و الفتيس
            100 جنيه

            مخرطة:
            5 جنيه


            السنسور:
            موتور برينتر ink jet قديمة

            طبعاً غير الوقت و المجهود و شوية رفايع كده

            موضوع فك الموتور و الفتيس ده يشفع له عدة حاجات منها أني مش محتاج أكرره، و الخرم اللي اتعمل ده ساهم في التثبيت بشكل ممتاز، و بعد كده ممكن أركب أي سنسور غير ده (يتعمل له قاعدة و يركب بنفس المسمار) + أني ممكن في أي وقت أرجع أشتغل بواير
            [CENTER][B][SIZE="5"]مدونتي http://historyneverdies.blogspot.com[/SIZE]
            [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

            Comment

            • #7
              و بكده انتهى الموضوع. المشروع اللي بعده عداد ديجيتال باستخدام seven segment display


              [YOUTUBE]http://www.youtube.com/watch?v=sLOTYrvvj_g[/YOUTUBE]
              [CENTER][B][SIZE="5"]مدونتي http://historyneverdies.blogspot.com[/SIZE]
              [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

              Comment

              • #8
                هو انا بصراحة مش فاهم حاجة بس شكلك تعبت فيه قوي و قلبك جامد بصراحة =)
                يجب تعديل حجم الصورة

                Comment

                • #9
                  امال لو شوفت الشغل التقيل بقى فى الSeven Segment
                  على فكره انا لاقيته منزل الموضوع ده فى منتدى اليكترونيات اجنبى مش فاكر اسمه بصراحه و حتى كتبتله تعليق هناك مش فاكر قرا ولا لاء

                  بس السؤال دلوقتى ... انتا عامل الدايره بتعت السيفن سجمنت واليدات فى دايرتين منفصلتين ؟؟؟ لأن لو كده يبقى حتقرفك فى المعايره لأنك حتبقى بتعاير عدادين مع بعض
                  او تعاير واحد فيهم على سرعة العربيه و التانى تعايره على الاولانى

                  Comment

                  • #10
                    المشاركة الأصلية كتبت بواسطة gebreel مشاهدة المشاركة
                    هو انا بصراحة مش فاهم حاجة بس شكلك تعبت فيه قوي و قلبك جامد بصراحة =)
                    المهم عجبك :)
                    المشاركة الأصلية كتبت بواسطة khaled_sabry مشاهدة المشاركة
                    امال لو شوفت الشغل التقيل بقى فى الSeven Segment
                    على فكره انا لاقيته منزل الموضوع ده فى منتدى اليكترونيات اجنبى مش فاكر اسمه بصراحه و حتى كتبتله تعليق هناك مش فاكر قرا ولا لاء

                    بس السؤال دلوقتى ... انتا عامل الدايره بتعت السيفن سجمنت واليدات فى دايرتين منفصلتين ؟؟؟ لأن لو كده يبقى حتقرفك فى المعايره لأنك حتبقى بتعاير عدادين مع بعض
                    او تعاير واحد فيهم على سرعة العربيه و التانى تعايره على الاولانى
                    أيوة أنا كتبت الموضوع على instructables و طبعاً رديت عليك هناك بأمارة الـ corolla man
                    و الدائرتين منفصلتين تماماً حتى الإشارة كل دائرة واخدة فردتين سلك مختلفين من ال stepper motor (الموتور له ملفين منفصلين و لكل ملف سلكين يعني عندك إشارتين منفصلتين) و المعايرة للأولاني كانت بال GPS و التاني عايرته على الأولاني و ماشيين مع بعض تماماً على فكرة و في فيديو هابقى أرفعه مع الموضوع الجديد

                    شوية صور عالماشي


































                    [CENTER][B][SIZE="5"]مدونتي http://historyneverdies.blogspot.com[/SIZE]
                    [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

                    Comment

                    • #11
                      بجد موضوع تحفه
                      تسلم ايدك
                      [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                      [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                      [CENTER][SIZE=3][COLOR=black]محمد الطنانى[/COLOR][/SIZE][/CENTER]

                      Comment

                      • #12
                        تصدق وتؤمن بالله
                        انا كنت نايم امبارح بحلم باللى حضرتك عملته
                        وعمال اتخيل فى الفكره طبعا مجرد خيال مش اكتر
                        وسبحان الله النهارده وبالصدفة اشوف موضوعك


                        السؤال بقى ممكن تعمل كده لحد تانى(بمقابل طبعا) ولا المشروع حصرى لحضرتك وغير قابل للتجارة
                        على فكرة فى اول الموضوع صورة العداد ع الورق جميلة ولما كملت الموضوع وشوفت اللمبات باينة ماستظرفتهاش (كلمه مكلكعه اوى) ونسيت الصورة الاولانية لكن لما وصلت اخر الموضع انبهرت بدقة التنفيذ
                        بالتوفيق ان شاء الله وابقى جاوبنى على سؤالى

                        Comment

                        • #13
                          تصدق أنا قعدت أحلم بيه من 5 شهور و أكتر، و حاولت و فشلت لحد ما وصلت للي حضرتك شايفه ده

                          و هو مش حصري ولا حاجة، المشكلة أنه عشان أعمل واحد تاني محتاج آخد أجازة من الشغل :)
                          [CENTER][B][SIZE="5"]مدونتي http://historyneverdies.blogspot.com[/SIZE]
                          [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

                          Comment

                          • #14
                            مبروك يادكتور
                            الف مبروك والله ينور عليك
                            وماشاء الله تبارك الله
                            تمت بخير بس ايه رايك في فكرة الشاشه السفن سجمن جوه عداد السرعه مش احسن ومياك احساس احلى من الابره وهيى بتلف
                            هههههههههههههههههههههههههههههههههههههههههههههههههه
                            بجد ربنا يزيدك لانك انسان معطاء وبتحب تبذل المعلومات

                            Comment

                            • #15
                              ما هي اتعملت فعلاً
                              شوف الموضوع الجديد
                              نايل موتورز - NileMotors.net
                              http://www.nilemotors.net/Nile/187878-my-digital-speedometer-rpm-thermometer.html
                              [CENTER][B][SIZE="5"]مدونتي http://historyneverdies.blogspot.com[/SIZE]
                              [SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]

                              Comment

                              السابق 1 2 template التالي
                              Working...
                              X