تنظيفي للفلتر السبور ،،

[smsm_nabawy]

بسم الله الرحمن الرحيم
السلام عليكم ورحمة الله وبركاته

شبااب ،، انا بنظف الفلتر السبور بتاعي بطريقة شوية عجيبة

هو مكملش معايا 3 شهور ،، بس كل أسبوعين ،، بفكه ،، و أطلع البيت ،، أشغل المكنسة الكهربا ،، هيا فيها ميزتين ،، طرد و شفط ،، بشغل الطرد على أقوى حاجة ،، و أدخل الدراع جوا الفلتر ،، بظبط ،، كاني مركبه في ماسورة الفلتر اللي في الكبود ،، و أفضل بطرد هوا فيه لمده كده ،، و بعد كده ،، أحول الماسورة على المدخل بتاع الفط ،، و أحد اليد بتاعت الستاير و كده ،، هيا بتبقى صغيرة و فيها شعر كثثثييييييف و كتيييير ،، كأنك جايب فرشة من بتوع البوية كده ،، بس الشعر ده ناعم شوية و بشغل المكنة على أعلى قدرة شفط ،، و بشفط و بنظف الفلتر ،، كأني بنظفة بفرشة عادية من غير مكنسة ،، و بحاول أخلي الشعر ده ينظغ السلك اللي مغلف الفيبر بتاع الفلتر نفسه ،،

النتيجة ،، لما عملت الحكاية دي مرة ،، يعني في أول أسبوعين ،، الفلتر حسيت أنه رجع كأني لسه مركبة و شوية كمان ،، و حالياً بعد مرور أكتر من شهر ،، الفلتر أدائه معايا تماام أوي ،، و هوا هوا ،، نفس التسارع و الصوت ،، و مش حاسس انه قل خالص ،، بخلاف ناس قالت أنها لما بتغسله أكتر من مرة بيقل أدائه شوية ،، بس الحمد لله معايا مش حاسس بكده ،،

ناقص بس أجرب حوار الزيت ده ،، بس لسة معملتوش لسببين

1-معرفش أجيبه منين
2-لو حطيته ،، حطر عشان أنظفه أني أغسل الفلتر ،، و مش حيبقى في لازمة للكويك دراي كليين اللي بعمله ده بقى

المهم ،، الغرض من الموضوع ده الطويل الممل ده ،، هو حاجتين ،،

رأيكم في الطريقة ،،

و هل حد يعرف الزيت ده أجيبه منين في الأسكندرية ،، و هل فعلاً بيعمل حاجة ،، و اللي جربه ،، هل فترة التنظيف المعتادة بتاعتك ،، اتأثؤت ،، بمعنى ،، هل بدل متنظف الفلتر كل شهر ،، غيرت المدة و خليتها كل شهر و حبه ،، أو أقل من شهر ،، و لما بتنظفه ،، بتحس أن الزيت ساعد فعلاً ،،، و طريقة الأستخدام

[M_Nabil]

هو الفلتر اللى عندك k&n ؟

الزيت بيتباع عند محلات الاكسسوارات والكماليات اللى بيبيعوا الفلتر الاسبور بيبقى 2 عبوة واحدة منظف و الثانية زيت سعرهم تقريباً بـ 150 أو 160 جنية

لو عاوز حاجه أوفر شوية تجيب شوية زيت باور وبعد ما تنظف الفلتر تسيبه ينشف و تدهن طبقة خفيفة منه بفرشه وتركبة

[smsm_nabawy]

تسلم ايدك ،، بس بعد اذنك ،، ايه زيت الباور ده ؟؟ هو اسمه كده ، ولا قصدك زيت الباور بتاع الباور ستيرينج ؟؟

[caboo_1]

ممكن زيت الباور او الفرامل وده تدهنة بفرشاه ناعمة ويتغسل بيمة وصابون او تنر

[smsm_nabawy]

ألف شكر شبااااب :)))

[misoalex]

الفلتر الى عندك صينى يا سمسم اوعى تعمل فيه اى حاجه من الكلام بتاع الزيت والغسيل وكده اعتقد ده لو جه عليه زيت فرامل حيسيح هههههههههههه

حيبوظ لان الخامه بتاعته على ادها خالص

الk&n بس هو الى بيتحطله زيت وليه كلينر

وممكن تغسله عادى بالميه وشويه صابون سايل وفرشه

والطريقه بتاعه المكنسه دى جميله والاجمل لو تنضفه عند بتاع كاوتش لان الكباس بتاع الهو الى عنده جباااااااااااااااار وقوه الهوا بتاعته جامده جدا حتطلع اى تراب
ولما يتوسخ اوى ابقى اغسله فى جردل فيه ميه وصابون كل 6 شهور مثلا ولا حاجه

وهو اصلا الصينى عمره الافتراضى مش كتير برضه

[smsm_nabawy]

أهاا ،، شكراً على النصيحة يا ميسووو يا مظبطني أنت ،، ميسو بجد أأنا عايز أقابلك ،، انت بتنزل في أيام معينة ولا حاجة ؟!!

[misoalex]

أهاا ،، شكراً على النصيحة يا ميسووو يا مظبطني أنت ،، ميسو بجد أأنا عايز أقابلك ،، انت بتنزل في أيام معينة ولا حاجة ؟!!

بص لو انت بتسهر يبقى ممكن اقابلك فى اى يوم باليل
وبعدين انا جمبك فى فكتوريا او الساعه ايهما اقرب ليك

[smsm_nabawy]

الاتنين :))