اللمبة الجديدة بتسخن الفانوس وعايز نصيحة

[wisenada]

السلام عليكم ورحمة الله وبركاته

عربيتى إلانترا 2008 ... لمبة الفانوس الواطى اتحرقت ... وأنا من فترة عايز اشترى لمبات إضاء بيضاء .. فقلت بالمرة بدل ما أغير لمبة واحدة أغير الطقم كله 4 لمبات يعنى (وطبعاً انتوا عارفين إلانترا كل فانوس فيه 2 تجويف واحد للواطى وواحد للعالى).

اللمبات اللى كانت جاية فى العربية h7 / فيليبس / 55 وات / ألمانى.

رحت اشتريت من عند واحد فى جسر السويس ,أكد لى إن اللمبات الجديدة تنفع بدون مشاكل فى العربية برغم إنه شاف القديمة ..
إدانى لمبات إسمها goy / ألمانى / h7 / بس هى 100 وات / زرقاء (علشان تدى نور أبيض)

المهم ركبتها .. وجربت .. عجبتى الإضاءة وقوتها وتغطية الأرض كويس بدون ما تضايق اللى مقابلنى.

بس جيت أحسس على الفانوس لقيته سخن أكتر من المعتاد ...
خلعت واحدة من الجديدة وحطيت واحدة من اللى جاية فى العربية (يعنى فانوس كده وفانوس كده) .. علشان أقارن وفعلاً لقيت الجديدة بتسخن الفانوس أكتر.

عفواً للإطالة ... ولكن أريد النصيحة ...

عايز إضاء بيضاء بدون مشكلة تسخين الفانوس .. لو حد يقدر يساعدنى.

تحياتى
محمد

[MuhamedNabil]

^^watt ^^ = temperature
extreme power - philips / night breaker - osram دول 55w و فى حجات تانية فيليبس

[wisenada]

^^watt ^^ = temperature
extreme power - philips / night breaker - osram دول 55w و فى حجات تانية فيليبس

أخى الكريم محمد نبيل
أولاً أشكرك على الرد والاهتمام ..

ثانياً: أنا مش حريف فى الحاجات دى علشان كده سألت ..

إذا كان أحد من الأخوة لديه تجربة كويسة مع لمبة تعطى نور كويس وما بتخسنش ممكن يقول لى وله الشكر.

وسمعت إن لمبات الأوسرام Osram مش بتسخن .. فهل هذا صحيح؟

والشكر موصول لحضرتك للإهتمام مرة أخرى.

تحياتى
محمد

[FunnyMickey]

انا مجرب الفيليبس
دايموند فيجن
55/60
ولا بتسخن ولا اي حاجه

[saadelden]

انا مركب لمبتين 260/200 يعني المفروض دفايه
بس ماببيسخنوش الفانوس اوي

[sas5]

اخى خلى بالك لان وش الفانوس غالبا مصنوع من بلاستيك وممكن يسيح لو استخدمت الاضاه لمده طويله
حدثت معى منذ 15 سنه تقريبا مع فوانيس عربيه مازدا

[khaled_yassin]

اخى خلى بالك لان وش الفانوس غالبا مصنوع من بلاستيك وممكن يسيح لو استخدمت الاضاه لمده طويله
حدثت معى منذ 15 سنه تقريبا مع فوانيس عربيه مازدا

15 سنه!!! ربنا يديلك طولة العمر

[wisenada]

انا مجرب الفيليبس
دايموند فيجن
55/60
ولا بتسخن ولا اي حاجه

وهل نورها أبيض ولا أصفر ؟؟ .. وشدة الإضاءة أخبارها ايه مع حضرتك؟

انا مركب لمبتين 260/200 يعني المفروض دفايه
بس ماببيسخنوش الفانوس اوي

مش عارف معنى 200/260 .. ممكن حضرتك تقوللى الفولت بتاعها كام؟ .. والإضاءة بيضاء ولاصفراء؟

اخى خلى بالك لان وش الفانوس غالبا مصنوع من بلاستيك وممكن يسيح لو استخدمت الاضاه لمده طويله
حدثت معى منذ 15 سنه تقريبا مع فوانيس عربيه مازدا

أشكر حضرتك على النصيحة .. ما هو ده بالضبط اللى أنا خايف منه ،، علشان كده سألت حضراتكم لإنى مش حمل فانوسين خبطة واحدة بدون داعى.

أما موضوع الـ 15 سنة مع المازدا .. فأنا أعتقد أن صناعة الألياف تطورت فى المدة الطويلة دى بشكل كبير .. يعنى الفوانيس دلوقتى تتحمل أكتر كتير من زمان.

تحياتى وشكرى لحضراتكم
محمد

[sas5]

وهل نورها أبيض ولا أصفر ؟؟ .. وشدة الإضاءة أخبارها ايه مع حضرتك؟





مش عارف معنى 200/260 .. ممكن حضرتك تقوللى الفولت بتاعها كام؟ .. والإضاءة بيضاء ولاصفراء؟




أشكر حضرتك على النصيحة .. ما هو ده بالضبط اللى أنا خايف منه ،، علشان كده سألت حضراتكم لإنى مش حمل فانوسين خبطة واحدة بدون داعى.

أما موضوع الـ 15 سنة مع المازدا .. فأنا أعتقد أن صناعة الألياف تطورت فى المدة الطويلة دى بشكل كبير .. يعنى الفوانيس دلوقتى تتحمل أكتر كتير من زمان.

تحياتى وشكرى لحضراتكم
محمد

التجربه هى خير برهان
دعنا نجرب بحضرتك - امشى مشاور طويل لمده ساعتين اوثلاثه على النور
ولنرى النتائج وهل حدث تطور فعلا ام لا

[wisenada]

أنا فعلاً مشيت بيها حوالى ثلاث ساعات .. ولقيت الفانوس اللى فيه اللمبة الجديدة سخن أكتر بكتير من اللى فيه اللمبة القديمة (الأصلية بتاعة العربية).
كان الفانوس سخن لدرجة إنك تقدر بالكاد تحط إيدك عليه بس مش لدرجة إنه يلسع إيدك.

بس لاحظ إن أحنا فى الشتاء والجو برد .. يعنى ممكن الفانوس يتحمل الأيام دى بس ع المدى البعيد يبوظ .. خاصة فى الصيف.

تحياتى
محمد

[MuhamedNabil]

اسف على عدم التفصيل , الوات بتاع اللمبة لما يزيد الحرارة حتزيد بردوه لان البيقوى النور هو ان الكويل الجوة اللمبة التوهج فيه بيزيد عشان يدى اضاءة اكترعن طريق استهلاك امبير اعلى و برده بيحمل على اسلاك العربية , ممكن فى اللمبات H4 متحسيش لان الفانوس كبير و لمبة وحدة فى فانوس كبير مش زى عندك اللمبة الواطى مكنها مش كبير ,الاهم من كده ان ممكن الكروم بتاع الفانوس يتحرق و الاضاءة سعتها حتقل كتير. يبقى الحل انك تشترى لمبة 55w زى البتنزل فى العربية بس بتكون التكنولوجيا اعلى مثلا الغاز البيضاف فى اللمبة بيدى اضاءة افضل و احينا الزجاج بتاع اللمبة نفسه بيكون مختلف
النوع ده تلاقيه فى philips / Osram

[wisenada]

اسف على عدم التفصيل , الوات بتاع اللمبة لما يزيد الحرارة حتزيد بردوه لان البيقوى النور هو ان الكويل الجوة اللمبة التوهج فيه بيزيد عشان يدى اضاءة اكترعن طريق استهلاك امبير اعلى و برده بيحمل على اسلاك العربية , ممكن فى اللمبات h4 متحسيش لان الفانوس كبير و لمبة وحدة فى فانوس كبير مش زى عندك اللمبة الواطى مكنها مش كبير ,الاهم من كده ان ممكن الكروم بتاع الفانوس يتحرق و الاضاءة سعتها حتقل كتير. يبقى الحل انك تشترى لمبة 55w زى البتنزل فى العربية بس بتكون التكنولوجيا اعلى مثلا الغاز البيضاف فى اللمبة بيدى اضاءة افضل و احينا الزجاج بتاع اللمبة نفسه بيكون مختلف
النوع ده تلاقيه فى philips / osram

أشكر حضرتك على التوضيح والتفصيل ..
على العموم أنا عندى ميعاد بكرة مع فنى أثق فى مهارته فى الكهرباء والإلكترونيات .. سوف أخبركم بما توصلت إليه معه.

تحياتى
محمد

[misoalex]

طبيعى على فكره كل ال 100 وات كده

ولو حطيتها فى الفوجات حتسيحها

لازم الفانوس يبقى زجاج او انت وحظك بقى

الاحسن ترجع للقديمه تانى مدام خايف على الفانوس ومش عاوز تغامر

[wisenada]

طبيعى على فكره كل ال 100 وات كده

ولو حطيتها فى الفوجات حتسيحها

لازم الفانوس يبقى زجاج او انت وحظك بقى

الاحسن ترجع للقديمه تانى مدام خايف على الفانوس ومش عاوز تغامر

أخى misoalex

أشكرك للنصيحة .. وهذا فعلاً ما قاله لى الفنى الذى كنت على موعد معه بالأمس ..
ولكنه أيضاً قال لى أن ذلك لأننى لا أحب المغامرة بالفوانيس .. وأن فوانيس الالنترا قوية وتتحمل الحرارة التى عاينها .. وقد نويت العودة للمبات القديمة لحين الوصول لنوع إضاءة بيضاء بدون مشكلة الحرارة.

تحياتى .. وأشكر كل الأخوة الذين اهتموا بالموضوع والمساهمة فيه
محمد

[sas5]

فيه حل تانى اخى العزيز انا جربته ايضا منذ عشر سنوات وكان لدى كيا سيفيا وكانت اللمبات الاصليه بتاعتها 55
فعلى ماتذكر اننى غيرت بنوع اعلى على ما اعتقد 65 او 70 ولم يحدث شى لمده سنوات ولم يكن بها حراره