الأنذار الولف اتجنن لوحدو بعد 6 ايام !

[semsem_uno]

السلام عليكم يا شباب
الموضوع ان انا اشتريت انذار ولف و مركبه علي سنتر سيمفوني عندي من فترة
و العربية فيات اونو basic
المهم بعد 5 او 6 ايام (اللي هو النهاردة) صاحي الساعة 8 الصبح على صوتها عاملة فضيحة ! تقريبا جالها كابوس
نزلت جري و بدوس علي الريموت ينور لكن الأنذار زي ما هو ادوس بردو زي ماهو و كمان لما ادوس علي اللي بيفتح يعيد من الصوت الأول تاني (السارينة بتاعتو 6 اصوات) لكن مفيش حاجة تفتح فضلت وراه فتح و بردو عاملة فضيحة
فين و فين جمع معايا و اتخرس رحت فاتح الباب و سبته موارب و دخلت وطيت السنسور (مع اني اصلا مكنتش معليه اوي و صوت العربيات مش بيأثر) و قفلت تاني و خلاص ماشي

يادوب خطوتين لقيتها بتندهلي !!!

نفس الليلة اللي انا نازل علشانها و عملت نفس الليلة ديه علشان ادخل تاني و اسايسو و ادوس اكتر من مرة لحد ما فتحت و فتحت الكبوت و فصلت السارينة و قفلت كل حاجة تاني و اول ما قفلت العربية نفس الفيلم الهندي تاني بس طبعا من غير الصوت لأن السارينة مفصولة و لحد دلوقتي سايبها بتنور اشارات مع نفسها مش عايزة تسكت

اعمل ايه و كده يبقي في ايه ؟؟

[HeMa_LanCeR]

متأكد ان مافيش باب مفتوح ومعلق؟؟

[semsem_uno]

متأكد ان مافيش باب مفتوح ومعلق؟؟

والله العظيم ما في حاجة معلقة ولا باب مفتوح ولا اي حاجة

[YaSSerwIN]

جرب اقفل الأنذار من الريموت وبعضها افتح الباب لمدة دقيقتين كدة وبعدة اقفله وجرب الأنذار

[semsem_uno]

جرب اقفل الأنذار من الريموت وبعضها افتح الباب لمدة دقيقتين كدة وبعدة اقفله وجرب الأنذار

منا لو قفلت الأنذار السنتر هيقفل معاه يبقي افتحه ازاي

لو قصدك اطفيه يعني من الريموت و اسيب الباب دقيقتين يبقي انا عملت كده لما فضلت اسايسو لحد ما فتح و رحت بعدها سايب الباب اكتر من دقيقتين لحد ما افك السارينة

[YaSSerwIN]

ايوة قصدى تدوس على زرار ال unlock وبعدها تفتح الباب دقيقتين وبعد كدة جرب الأنذار لأن المشكلة دة كانت بتحصل معايا فى عربية كان راكب فيها ولف بردك

وهيا ان الأنذار فى نظام امان انك لو نسيت تقفل العربية بيقفلها لوحده

[misoalex]

انت غسلت العربيه ؟؟

واخبار زراير الباب ايه الزراير الى فى القوايم الى بتنور نور الصالون وانت بتفتح الباب
واخبار نور الصالون ايه برضه لو سلك لمبه الصالون ملمس ارضى الانزار يعمل كده

وحصلت معايا وطلع سلك لمبه الصالون الى مدفون جوه القايم ملمس ارضى وطبع الانزار اعتقد ان كده الباب اتفتح وهاتك يا صويييييييييت والبطاريه فضيت من كتر مهو اشتغل

[semsem_uno]

انت غسلت العربيه ؟؟

واخبار زراير الباب ايه الزراير الى فى القوايم الى بتنور نور الصالون وانت بتفتح الباب
واخبار نور الصالون ايه برضه لو سلك لمبه الصالون ملمس ارضى الانزار يعمل كده

وحصلت معايا وطلع سلك لمبه الصالون الى مدفون جوه القايم ملمس ارضى وطبع الانزار اعتقد ان كده الباب اتفتح وهاتك يا صويييييييييت والبطاريه فضيت من كتر مهو اشتغل

والله يا جماعة المشكلة ان كل ده سليم للأسف
و هي دلوقتي اتظبطت لوحدها (ربنا يهديها )
و لأ مجاش عليها مية خالص ولا اي حاجة
ده حصل حاجة تانية كمان بس باليل في اليوم ده و هي ان مكانتش بتستقبل من ولا ريموت (لا الspare ولا الأساسي)
و بردو تاني يوم اتظبطت و بقت تقبل لوحدها

[magyver]

فيها عفريييت

[msafa]

هقولك على اللي حصل معايا
هو غريب شوية، لما اشتريت عربيتي الراجل شال منها شوية حاجات منهم لمبة الصالون الليدات

المهم الانذار علق و اضريت اغيره و برضه فضل نعلق فين و فين لما اكتشفت ان لمبة الصالون في مرحلة معينة بتدي ايحاء ان في باب مفتوح

ركبت لمبة جديدة و الموضوع اطظبت :)

[salsat]

السلام عليكم
باشا المشكلة فى الانذار ده انذار فاشل جدا انا والله حصلى نفس المشكلة ورجعت للكهربائى عرفنى ان المشكلة فى الانذار الولف ده واخيرا عملت زيك وفصلت السارينة وبعد قعدت فترة لا بتستقبل من الريموت ولا اى شى روحت للكهربائى تانى فك الجهاز ولحم فى حاجه ظبط فى استقبال الريموت بس لكن الانذار لا واسف على التطويل

[misoalex]

هقولك على اللي حصل معايا
هو غريب شوية، لما اشتريت عربيتي الراجل شال منها شوية حاجات منهم لمبة الصالون الليدات

المهم الانذار علق و اضريت اغيره و برضه فضل نعلق فين و فين لما اكتشفت ان لمبة الصالون في مرحلة معينة بتدي ايحاء ان في باب مفتوح

ركبت لمبة جديدة و الموضوع اطظبت :)

لا يا باشا اقرأردى الى فوق وانت تفهم
هو المبه او السلك بتاعها لمس جسم العربيه (الارضى ) الانزار بيشتغل وده لانه متوصل بمفتاح لمبه الصالون عشان الباب لما يتفتح الانزار يشتغل

[misoalex]

السلام عليكم
باشا المشكلة فى الانذار ده انذار فاشل جدا انا والله حصلى نفس المشكلة ورجعت للكهربائى عرفنى ان المشكلة فى الانذار الولف ده واخيرا عملت زيك وفصلت السارينة وبعد قعدت فترة لا بتستقبل من الريموت ولا اى شى روحت للكهربائى تانى فك الجهاز ولحم فى حاجه ظبط فى استقبال الريموت بس لكن الانذار لا واسف على التطويل

طيب مرجعتش للتوكيل ليه مهو بضمان سواء ولف او سيمفونى ليهم ضمان ولو عيب من المستخدم او دخل فيه ميه او قفله بيصلحوه بتكلفه بسيطه بس مش بسيطه اوى يعنى

[misoalex]

والله يا جماعة المشكلة ان كل ده سليم للأسف
و هي دلوقتي اتظبطت لوحدها (ربنا يهديها )
و لأ مجاش عليها مية خالص ولا اي حاجة
ده حصل حاجة تانية كمان بس باليل في اليوم ده و هي ان مكانتش بتستقبل من ولا ريموت (لا الspare ولا الأساسي)
و بردو تاني يوم اتظبطت و بقت تقبل لوحدها

طيب الحمد لله انها خافت واتصلحت

[Amr Axel]

العيب ممكن يكون سلك لمبة الصالون ملمس فعلا

و عامة الولف من انضف الانذارات الموجودة اللي بقالي سنين مستخدمها و بالنسبة للسنتر فالولف برده

و الحمد الله انها بقت كويسة