حد يا جماعة يعرف فين محل على رضا للإكسسوارات

[walidsamy71]

السلام عليكم جميعا

حد يا جماعة يعرف فين محل على رضا للإكسسوارات اللى فى شارع الطيران ، أنا رحت هناك كذا مرة ومعرفتش أوصل
وهل فىه محلات إكسسوارات محترمة تانى غير على رضا بتبيع منتجات وإكسسوارات كورى بدل الصينى ، أنا معايا سيراتو 2010 وعايز ليها نواكل ودلايات وشوية كماليات بس عايز حاجات محترمة....

[Amr Axel]

علي رضا في شارع متفرع من شارع الطيران ع ايديك اليمين و انت جي من الحي السابع
و في في مدينة نصر اكتر من واحد
زي سبيدو في مكرم عبيد قدام سنترال مدينة نصر جنب السراج
و في سبير كار الفرع الجديد في التجميع الخامس ورا شركة ناتا للغاز
و في ارابكوم عند سيتي ستارز بس اسعاره نارررر

[mohamed_selim]

بص لو جاى من الطيران من ناحية الاوتوستراد خش شمال بعد مستشفى التأمين الصحى كأنك رايح جنينه مول من ورا .... هتمشى حاجه بسيطه و تلاقيه على شمالك (لازم تلف من قدام و ترجعله)

[walidsamy71]

علي رضا في شارع متفرع من شارع الطيران ع ايديك اليمين و انت جي من الحي السابع
و في في مدينة نصر اكتر من واحد
زي سبيدو في مكرم عبيد قدام سنترال مدينة نصر جنب السراج
و في سبير كار الفرع الجديد في التجميع الخامس ورا شركة ناتا للغاز
و في ارابكوم عند سيتي ستارز بس اسعاره نارررر

بص لو جاى من الطيران من ناحية الاوتوستراد خش شمال بعد مستشفى التأمين الصحى كأنك رايح جنينه مول من ورا .... هتمشى حاجه بسيطه و تلاقيه على شمالك (لازم تلف من قدام و ترجعله)

ربنا يكرمكم ومتشكر ليكم جدا يا جماعة ، أنتم وفرتم عليا كتير ، أنا فعلا رحت سبير كار التجمع ، بس لقيت كل المنتجات صينى والجودة مش عاجبانى أوى زى النواكل والدلايات مثلا .... فقلت أشوف الناس التانية زى على رضا لأنى سمعت إنه بيشتغل فى الكورى مش الصينى وطبعا فى فرق فى السعر ، وأنا مستعد لدفع فرق السعر مقابل الجودة ..... لو حضراتكم خدتم بالكم أنا أبحث عن الجودة وأفضل منتج بغض النظر عن السعر أو مكان بيعها

وأستأذنك يا استاذ Axel لو توصف بالتفصيل أكتر مكان سبيدو وآرابكوم ، ومش شرط فى مدينة نصر فى أى منطقة تانية زى الجيزة (لأنى من سكان الرماية - الهرم) يعنى فى الهرم ، فيصل ، الدقى ...... أو أى مكان تانى.

وهل من الأفضل أنتظر معرض فورميولا الأهرام كمان أسبوعين ولا مش هاتفرق

[Amr Axel]

فعلا سبير كار التجمع الخامس مش عاجبني و لا معاملة و لا اسعار
بص يا ريس ارابكوم 4 عمارات رامو ورا سيتي ستارز
في عند سيتي ستارز مطعم الشبراوي قدام حلويات الدار ادخل من عند الشبراوي الشارع اللي جنبه يمين و امشي مع الشارع هتلاقي نفسك عنده

او لو انت جي من النادي الاهلي قبل شارع سيتي ستارز في شارع ادخل فيه و هتلاقي اليافطة بتاعته متعلق ع العمارة يعني اللي ماشي لو ركز هيشوفها و يعرف يروح لو قفلت اوي روح انت عند الشبراوي و قول فين ارابكوم لكماليات السيارات كتيير هيدلوك

لو جي من طريق النصر من عباس العقاد هتعدي دار الامداد و التموين و تعمل يوتيرن و نفس الموضوع زي فوق

اما بالنسبة لسبيدو هو في مكرم عبيد قدام سنترال مدينة نصر اللي جنب السراج مول

و بالنسبة لفورميلا الاهرام لو بعد اسبوعين براحتك عايز تستني استني المحلات مش هطير مش عايز اهو موجودين :)

[redo]

ربنا يكرمكم ومتشكر ليكم جدا يا جماعة ، أنتم وفرتم عليا كتير ، أنا فعلا رحت سبير كار التجمع ، بس لقيت كل المنتجات صينى والجودة مش عاجبانى أوى زى النواكل والدلايات مثلا .... فقلت أشوف الناس التانية زى على رضا لأنى سمعت إنه بيشتغل فى الكورى مش الصينى وطبعا فى فرق فى السعر ، وأنا مستعد لدفع فرق السعر مقابل الجودة ..... لو حضراتكم خدتم بالكم أنا أبحث عن الجودة وأفضل منتج بغض النظر عن السعر أو مكان بيعها

وأستأذنك يا استاذ axel لو توصف بالتفصيل أكتر مكان سبيدو وآرابكوم ، ومش شرط فى مدينة نصر فى أى منطقة تانية زى الجيزة (لأنى من سكان الرماية - الهرم) يعنى فى الهرم ، فيصل ، الدقى ...... أو أى مكان تانى.

وهل من الأفضل أنتظر معرض فورميولا الأهرام كمان أسبوعين ولا مش هاتفرق

يا ترى لئيت حاجة عندوا كويسة لاني عايز اركب نواكل ومش عارف اجيب منين

[sheka]

منقول
دي خريطة علي رضا في ش اسماعيل القباني متفرع من الطيران
View image: 1