رأيكم في جنوط سبور 13 صيني

[volk]

صباح الخير

انا قررت اني اغير جنوط ال 128 الاصليه الان منظرها مش لزيز

المهم قررت اركب جنوط سبور 13 علشان عفشه العربيه

بس الفلوس اخرها معايا 700 فلقيت ان الصيني موجود بالسعر ده فهل رأيكم اجيب الصيني و لا استني شويه رغم اني مستعجل شويه

شكرا ليكم

[Memo_Lancer]

الصيني زل الفل ماله يا باشا
متقلقش منه
بس هتشوف فروق في الصيني برده
توكل علي الله

[misoalex]

لو حتجيب صينى حاول تجيب خامه نضيفه والريش بتاعته تكون مش من الرفيعه تكون عريضه عشان الجنط ميتعوجش او يتكسر من المطبات

[i_Am_Legend]

نصيحة منى_هات _4 جنوط أونو إستيراد احسن_انا مركبهم عندى ال4 ب200 جنيه_هات الاسود العريض_والداير بتاعة رشة أحمر دم غزال أو أى لون يعجبك إنت_أحسن 100 مرة من الجنوط الإسبور دى!!

[ahmed_mazda323]

الجنوط بالنسبة لل128 عيوبها كثير لو أن العفشة بتاعتك مش 100 في 100 هتبهدللك العفشة ((عارف أن معظم ال128 مركبنها بس عمللهم مشاكل كثير )))) وبعدين الجنوط أم 600 و 700 جنية الصيني مش تمام ومع المطبات والحفر هيتشرخ أو يتكسر ممكن لو انت بتفكر تجيبهم عشان الشكل يبكون احسن لو نزلت التوفيقية واشتريت ""طاسات نيكل في أشكال كثير جدا بحوالي 80 جنية ال 4 طاسات وممكن تشتري قلم دوكو أبيض أو بلون العربية زي ما تحب وسعرة 5 جنية وتعيد الكتابة علي الحروف البارزه من الكاوتش ...وبكدة تبقا عملت في الجنوط والكاوتش شكل شيك ووفرت فلوسك وحميت عفشة عربيتك من البهدلة ....

[Rerii]

رأيى ان الصينى لا ده التايوانى عندى اتكسر وسمعت انك لو اخدت مطب جامد هيكسر هم بصراحة شكلهم حلو بس مش عمليين بالمرة رأيى لو مستعجل هات استيراد زى ماقالك ورشه وهيبقى شكله حلو او استنى شوية مش هتفرق مانا كمان عاوزة اجنط ومستنية الفرج

[volk]

الصيني زل الفل ماله يا باشا
متقلقش منه
بس هتشوف فروق في الصيني برده
توكل علي الله

اولا اشكر رد حضرتك

انا بصراحه ليا واحد صاحبي مجربه علي سكودا فيليشيا مقاس 14 و بيقولي زي الفل

انا هشوف النوع اللي صاحبي جابه و اجيب نفس الخامه

شكرا جزيلا

[volk]

لو حتجيب صينى حاول تجيب خامه نضيفه والريش بتاعته تكون مش من الرفيعه تكون عريضه عشان الجنط ميتعوجش او يتكسر من المطبات

شكرا لرد حضرتك

انا في دماغي جنط النجمه 5 ريش عريضه شويه و بالتالي انا شايف انها هتبقي مناسبه لل 128 و التحمل ايضا

ولا رأي حضرتك ايه

[volk]

نصيحة منى_هات _4 جنوط أونو إستيراد احسن_انا مركبهم عندى ال4 ب200 جنيه_هات الاسود العريض_والداير بتاعة رشة أحمر دم غزال أو أى لون يعجبك إنت_أحسن 100 مرة من الجنوط الإسبور دى!!

شكرا لحضرتك لكن ممكن صور ليها ان امكن

شكرا

[volk]

الجنوط بالنسبة لل128 عيوبها كثير لو أن العفشة بتاعتك مش 100 في 100 هتبهدللك العفشة ((عارف أن معظم ال128 مركبنها بس عمللهم مشاكل كثير )))) وبعدين الجنوط أم 600 و 700 جنية الصيني مش تمام ومع المطبات والحفر هيتشرخ أو يتكسر ممكن لو انت بتفكر تجيبهم عشان الشكل يبكون احسن لو نزلت التوفيقية واشتريت ""طاسات نيكل في أشكال كثير جدا بحوالي 80 جنية ال 4 طاسات وممكن تشتري قلم دوكو أبيض أو بلون العربية زي ما تحب وسعرة 5 جنية وتعيد الكتابة علي الحروف البارزه من الكاوتش ...وبكدة تبقا عملت في الجنوط والكاوتش شكل شيك ووفرت فلوسك وحميت عفشة عربيتك من البهدلة ....

شكرا لرد حضرتك انا جربت الطاسات بس منظرها معجبنيش الاسبور برضوا بيبقي منظر اقوي منها بس بالنسبه للعفشه انا مهتم بيها جدا في المتابعه الدوريه و كده و سئلت العفشجي قال مدام نفس المقاس يبقي مفيش مشاكل

[volk]

رأيى ان الصينى لا ده التايوانى عندى اتكسر وسمعت انك لو اخدت مطب جامد هيكسر هم بصراحة شكلهم حلو بس مش عمليين بالمرة رأيى لو مستعجل هات استيراد زى ماقالك ورشه وهيبقى شكله حلو او استنى شوية مش هتفرق مانا كمان عاوزة اجنط ومستنية الفرج:e_braces[1]:

بصراحه انا فكرت اجيب جنوط الاستعمال الخارج علي الاققل مش صيني

بس مش لاقي حاليا و الاسف انا مستعجل جدااااااا :)

[madaxman]

انا زيك كدا كنت عاوز جنوط جنوط وجبت الصيني هوا شغال معايا كويس لحد دلوقتي الحمدلله بس المشكله ان الشكل مش عاجبني هوا حلو وكل حاجه بس هتلاقي 100 واحد مركبه احسن حاجه في الجنوط الماركه او البعيد عن الصيني لانك فين وفين لما تلاقي واحد مركب زيه وانا ان شاء الله ناوي اغير واجيب حاجه تايواني والكاشات مقصره معايا بردو بس ناوي اجيب تقسيط ممكن تشوف كمان حوار التقسيط دا في جروب عيسي عوض علي الفيس ممكن تشوفه ESAWHEELS | Facebook وتقبل مروري

[محمد فريد]

يا جماعه مين اللى قال ان الجنط ال13 هيبوظ العفشة هو مش اللى راكب فيها ده جنط و13 برضه؟!!
لو نفس الابعاد بتاعت الجنط الأصلى مفيش أى مشكلة بس الصينى عيبه انه مابيستحملش النقر الكتير وممكن يتعوج وعلى حسب الاستخدام النظيف بيعيش وزى الفل ومنه أشكال كتير جدا.
اتوكل على الله يا باشا وهاته - انا عاوز اجنط برضه بس مش لاقى السعر ده الصراحة هو هنا ب 850 بندق والتايوانى 950

[misoalex]

شكرا لرد حضرتك

انا في دماغي جنط النجمه 5 ريش عريضه شويه و بالتالي انا شايف انها هتبقي مناسبه لل 128 و التحمل ايضا

ولا رأي حضرتك ايه

تمام انت كده صح اهم حاجه الريش تكون عريضه على اد متقدر عشان التحميل والمطبات
وحاول متجبش جنط تقيل فى الوزن اوى عن الاصلى
ومدام 13 ومش تقيل اوى انسى الى يقولك مشاكل فى العفشه

اهم حااااااااااااااااااجه لازم تاخد بالك منها تروح لخراط نضيف يعملك رنجات تفلون حتلاقيها فى حدود 60 الى 80 جنيه

ولو تقدر تخللى المساير كلها اسبور (كونك ) دى بتمسك فى الجنوط الاسبور ومش بتاكل فيه زى المسامير العاديه والمسمار فى حدود 3 الى 4 جنيه وبيبقى نيكل كمان فبيعمل شكل جميل
وبعد كده ترصص عادى وان شاء الله خير

[محمد فريد]

شوف كده الصفحة دى (ده مش اعلان على فكرة)
ESA FOR RIMS | Facebook