شعار عربيتي اتسرق

[Ashraf_Ibrahim]

نزلت النهردة ابص على العربية قبل ماخرج لقيت شعار هيونداي اللي على شنطة عربيتي مخلوع بحاجة حادة زي مفك او ما شابه
طبعا اضايقت جامد بس قلت مش مشكلة ما دام جت في حاجة بسيطة مش مشكلة
دلوقتي هو سعره قد ايه يا شباب ؟!
واجيبه من عند محلات الاكسسوارات واللا منين بالظبط ؟!
علامة هيونداي نفسها مش كلمة هيونداي
ياللا حسبنا الله ونعم الوكيل

[Ayman-Ahmed]

اسال فى التوكيل الاول موجود ولا لا وسعره كام.انا شفت فى التوفيقية كلمة هيونداى بس مشفتش الشعار ولو نزلت بكرة انشاء الله شارع دمشق هبصلك عليه

[Ashraf_Ibrahim]

اسال فى التوكيل الاول موجود ولا لا وسعره كام.انا شفت فى التوفيقية كلمة هيونداى بس مشفتش الشعار ولو نزلت بكرة ان شاء الله شارع دمشق هبصلك عليه

تسلم يا جميل
اسأل على ايه يا جميل
دا عالم نصابين
اذا كان الاريال ابو 120 جنيه خلوه بألف جنيه
هروح اجيب شعار هيونداي من هناك
لا يا عم يفتح الله
هنتظر ردك بكرة يا جميل عشان اعرف لقيته عامل كام
انا شفته في محل الاكسسوار اللي جبت منه دواسات العربية بس مسألتش عليه بكام الحقيقة
هنتظر ردك عشان اعرف هو بكام بالظبط !

[Ayman-Ahmed]

تسلم يا جميل
اسأل على ايه يا جميل
دا عالم نصابين
اذا كان الاريال ابو 120 جنيه خلوه بألف جنيه
هروح اجيب شعار هيونداي من هناك
لا يا عم يفتح الله
هنتظر ردك بكرة يا جميل عشان اعرف لقيته عامل كام
انا شفته في محل الاكسسوار اللي جبت منه دواسات العربية بس مسألتش عليه بكام الحقيقة
هنتظر ردك عشان اعرف هو بكام بالظبط !

بامر الله هسالك عند التوكيل وعند الموزع المعتمد للتوكيل.وافتكر شفت الفوجات الصينى ب 180 جنيه للفيرنا عند واحد فى اول شارع دمشق من ناحية ميدان الجامع

[keko]

هوا العلامة فى حدود 5 ولا 10 جنيه بالكتير لكن لو اصلى هاتها استيراد احسن لان التوكيل ممكن يقولك 200 ولا 300 جنيه

[Amr Axel]

توكيل ايه التوكيل هيقولك مش أقل من 100 جنيه

الشعار هتلاقي معدن في حدود 40-50 جنيه و بلاستيك 20 جنيه او أقل كمان

تلاقي حد قام معاك بالواجب من سائقي التوك توك او التكسيات او الميكروباصات اللي معندوهمش حبة من الاحمر

أصلهم زي هواة تجميع الطوابع بس الفرق انهم من هواة تجميع العلامات المسروقة و عمل فتارين في عربياتهم المشئومة
خاصة الشاهين تلاقيها كتيير ماشية و صاحبها حاطط علامة بي ام دبليو d:
طب نفرض ان شرطي محنك وقفه و قاله هي العربية ديه نوعها ايه بالظبط ساعتها السواق هيقوله ايه ؟؟؟
بي ام بس مستهبلة و عاملة فيها شاهين :)

[astraman]

على فكره يا جماعه دى مش هوايه زى ما واحد من الاخوه بيقولوا...الموضوع ببساطه انها طريقه سهله جدا عشان يجيبوا فلوس لأن العلامات دى بتتسرق وبتتباع وعلى فكره بتتباع مش رخيصه...روح عند اى حد بتاع قطع غيار استيراد هيطلعلك صندوق كبير مليان علامات تنقى منها لعربيتك...وعلى فكره نصيحه للأخ اللى اتسرقت العلامه بتاعته...متشتريش غيرها عشان برضه هتتسرق...انا اتسرقت منى العلامه دى كتييييير كل مجيب واحد بدل اللى اتسرقت برضه تتسرق...وعلى فكره العلامات دى بتتباع عند بتوع الاستيراد بدايه من 35 جنيه وانت طالع حسب موديل عربيتك يعنى ممكن حد يقولك 50 جنيه ولا حتى 100 جنيه على العلامه دى...واللى مش مصدق كلامى يبص على العربيات وهو ماشى هيلاقى نصها مسروق علامته وخصوصا الموديلات الجديده

[Ashraf_Ibrahim]

بامر الله هسالك عند التوكيل وعند الموزع المعتمد للتوكيل.وافتكر شفت الفوجات الصينى ب 180 جنيه للفيرنا عند واحد فى اول شارع دمشق من ناحية ميدان الجامع

في الانتظار يا جميل

انا لقيت الفوج الصيني عامل 75 جنيه للجوز في شارع شبرا -طبعا مستغرب السعر-

والعلامة البلاستيك عاملة 10 جنيه

ولما كلمت التوكيل قلي عاملة 41 جنيه -طبعا سعر رائع-


*شكرا للجميع يا شباب

[eldell]

هتلقيه فى التوفيقيه كتيييييير اوى كنا جيبين بتاع الدايو 10 جنيه ممكن تلقيه فى نفس السعر

[Amr Axel]

على فكره يا جماعه دى مش هوايه زى ما واحد من الاخوه بيقولوا

ع فكرة يا ريس انا لما قولت هواية لو حضرتك لاحظت هتلاقي اني قولتها ع سبيل التريقة كلنا عارفين انهم بياخدوها عشان يبيعوا :)

[Ayman-Ahmed]

في الانتظار يا جميل

انا لقيت الفوج الصيني عامل 75 جنيه للجوز في شارع شبرا -طبعا مستغرب السعر-

والعلامة البلاستيك عاملة 10 جنيه

ولما كلمت التوكيل قلي عاملة 41 جنيه -طبعا سعر رائع-


*شكرا للجميع يا شباب

بصتلك على الفوج لقيت الصينى منه ب 145 جنيه عند موزع معتمد ومعندوش الكورى.وانصحك بالكورى من التوكيل واسال اللى فى شارع دمشق لانه بيعمل تخفيض لوحده.

العلامة لقيتها عند مكتبة ابراهيم ب 10 و 15 جنيه حسب حجمها لان اللى على الشنطة تقريبا اكبر من اللى على الكبوت وده كان كلامه.بس على العموم سعرها لا يزيد عن 15 جنيه.

موزع التوكيل اللى فى شارع دمشق قاللى مش موجودة عنده حاليا بس بالطلب يجيبها تانى يوم.وملحقتش اسال على سعرها عشان الونش كان شغال النهاردة فى دمشق وكلابشات وشغلانة.

[Ashraf_Ibrahim]

هتلقيه فى التوفيقيه كتيييييير اوى كنا جيبين بتاع الدايو 10 جنيه ممكن تلقيه فى نفس السعر

يا مسهل
هننزل ونشوف كدة

بصتلك على الفوج لقيت الصينى منه ب 145 جنيه عند موزع معتمد ومعندوش الكورى.وانصحك بالكورى من التوكيل واسال اللى فى شارع دمشق لانه بيعمل تخفيض لوحده.

العلامة لقيتها عند مكتبة ابراهيم ب 10 و 15 جنيه حسب حجمها لان اللى على الشنطة تقريبا اكبر من اللى على الكبوت وده كان كلامه.بس على العموم سعرها لا يزيد عن 15 جنيه.

موزع التوكيل اللى فى شارع دمشق قاللى مش موجودة عنده حاليا بس بالطلب يجيبها تانى يوم.وملحقتش اسال على سعرها عشان الونش كان شغال النهاردة فى دمشق وكلابشات وشغلانة.

تسلم يا جميل
تعبتك معايا معلش
طب بالنسبة للفوج انا سألت غبور قلي الوجوز ب 400 جنيه
التركي كنت سائل عليه قلي ب 130
هو التركي وحش؟!
الصيني قلي ب 75 جنيه الجوز

[Memo_Lancer]

بمناسبه سرقه العلامات
قاعد مع صاحبي في محل اكسسوارت
لاقينا بالظبط 3 حراميه داخلين
معاهم علامه بي ام دبليو ولاد التييت مش فاهمين قيمتها و واحده كيا الكبير
و جاين عايزين يبيعوهم
صحابيقالو دول مسروقين و لو حد خدهم مش هياخدهم بي 10 جنيه علشان مسروقين
قالو خدهم انت و بتاع
الوتوكل علي الع يا عم
قعدو يزعقوويتكلمو باسلوب زفت كاننا احنا الحراميه
ارحمنا يا رب

[M.Elsheikh]

ياريت محدش يشتري اي اكسسوارات مستعمله او جنوط علشان منشجعش الحرامية على سرقتنا
وياريت البوليس يعاقب المكروباصات و التكتك والتاكسي اللي حطين علامات زياده او مش ماركتهم

[Ayman-Ahmed]

يا مسهل
هننزل ونشوف كدة



تسلم يا جميل

تعبتك معايا معلش
طب بالنسبة للفوج انا سألت غبور قلي الوجوز ب 400 جنيه
التركي كنت سائل عليه قلي ب 130
هو التركي وحش؟!
الصيني قلي ب 75 جنيه الجوز

اتاكد من التوكيل ان فوجات الفيرنا بتيجى بضفيرتها ولا لا.واللى اقصده وده كلام الكهربائى اللى بتعامل معاه متشتريش فوجات من غير ضفيرتها ولو حتى انا اللى هعملهلك لاننى مش هظبط سماكة السلك والكتاوت زى اللى بتيجى من برة.

وابعد عن الصينى لو ببلاش.