السنتر والانذار

[Ashraf_Ibrahim]

محدش حطلنا صورة للريموت يا شباب ؟!

[ahmed_h_g]

توكيل وولف
جسر السويس- خلف سوق القنال الدولي
26239571
26234729

الف شكر

[Ashraf_Ibrahim]

طب بلاش
هو مفتاح واللا ريموت يا شباب ؟!
يعني ريموت بس والا ريموت ومفتاح ؟!

[saadelden]

ابقى كلمني لو لقيت حاجه كويسه عشان عايز اركب سنتر و انذار بعد الي شوفناه اليومين الي فاتو

[Ashraf_Ibrahim]

ابقى كلمني لو لقيت حاجه كويسه عشان عايز اركب سنتر و انذار بعد الي شوفناه اليومين الي فاتو

بكرة ان شاء الله هتصل بتوكيل وولف اشوفهم شغالين واللا لا
ولو كدة هروح اركبه يوم الاربعاء ان شاء الله
خلاص انا استقريت على وولف ناس كتيرة جدا بتشكر فيه
وخالي وعمي مركبينه وبيشكروا فيه جدا
تيجي معايا واللا ايه يا سعد؟!

[saadelden]

شوف بس نظامهم ايه و مكانهم فين

[saadelden]

ع العموم فيه ف شارع المطبعه ف الهرم محلات اكسسوارات كتير و عندهم كل حاجه
و اسعارهم كويسه و مضمونين

[Ashraf_Ibrahim]

هتصل بيهم بكرة واقلك يا سعد ان شاء الله
لو كدة نركبهم يوم الجمعة ان شاء الله عشان مش نافع بكرة عندي شغل ومش هينفع ازوغ منه :d

[Ashraf_Ibrahim]

انا اتصلت بيهم
قالولي انهم شغالين يوميا ما عدا الجمعة من 9 صباحا وحتى 6 مساءً
السنتر هيتكلف 190 جنيه
والانذار هيتكلف 95 جنيه
بالتركيب طبعا
بالنسبة للريموت قلي فيه 40 شكل مختلف للريموت وبتختار الريموت اللي يعجبك وهو بيبرمجه مباشرة
التركيب بياخد وقت شوية فاللي يروح يروح بدري يعني يكون هناك قبل الساعة 2 الضهر عشان الموضوع بياخد وقت زي ما قالولي يعني
خلينا الاسبوع الجاي بقا يا سعد الخميس ان شاء الله ونروح نعمله سوا

[saadelden]

طيب كويس
هو مكانهم فين ؟؟

[Ashraf_Ibrahim]

في سوق القنال الدولي -جسر السويس-

[saadelden]

بس دا بعيد اوييييي

[Ashraf_Ibrahim]

مهو دا التوكيل يا حماضة :d

[saadelden]

واحد كان هيركبلي سنتر بالريموت ب 100 جنيه
علي كلامك يبقى السنتر و الانذار يكلفوني 190 جنيه

اصلي لو فكرت اروح من الجيزه لجسر السويس عقبال ما هوصل هناك هكون خلصت و البنزين خلص :d

[Ashraf_Ibrahim]

بس دا هيديك ضمان للسنتر سنة والانذار 3 سنين
اعتقد يستحق المشوار خصوصا اني كل الناس بتشكر فيه حتى قرايبي اللي مركبينه !