حبتدي الشغل أن شاء الله ....

[smsm_nabawy]

أنا حاولت أصورهالكم من أكتر من زاوية ... علشان تشوفوا الشغل كله !!

بس للأسف فانوس الأشارة اليمين بالرفرف اتخبطوا :(( بس تخيلوها بقى من غير ميكونوا مخبوطين .. و الحمد لله قدّر و لطف

[smsm_nabawy]

ياباشا ربنا يخليهالك ويكفيك شرها إن شاء الله بس ايه الخامات اللي انا استخدمتها وجبتها منين

الله يخليك و اللهم آمين ..

الأدوات ..

*ليدات و مقاومات و عود أكريليك عشان اعمل الرينجات >>>>من أي حد كهربائي كبيير ،، أما الأكريليك فكان هنا في موضوع عن الشركة الي بتبيعه


*علبة رش أسبراي أسود مط ...عشان اللون ..رشيت بيها الشبكة ،العاكس الداخلي للفانوس ،، فانوس الاشارة من الداخل ...و الأيكصدام >>>>>>من أي حد بتاع بويات

*سيليكون عشان ألزق الباغة بتاعت الفانوس عليه >>>>>>من اي حد بتاع بويات

*جلد علشان أعمل بيه الباد بوي ... رسمت الشكل بتاعها عليه و قطعته و بعد كده لزقته على الباغة >>>من واحد بتاع أكسسوارات سيارات

*باغة شفافة ... >>>>واحد بتاع قطع غيار فيات

قلم دوكو ،، أسود و أحمر ... >>> من أي مكتبه كبيرة

و دول عملت بيهم العلامة بتاعت الشاهين باللون الاحمر :)

ده غير مادة لاصقة قوية لزقت بيها الرينجات بداخل الفانوس :)

أرجو أني أكون أفدتك

[nice_bird]

الف شكر يا باشا بس قصة عود الاكريلك دا زي اللي بيتركب في الدافيات الشفاف ولا ايه نظامو وملهوش اسم تاني

[LORD.ADeL]

قبل اي شي احب احييك ع زوئقك العالي جداا وشغلك الاصلي والجميل تسلم ايدك وايد والدك ربنا يبارك لك فيه وتحياتى لك ولي كم سفسار ((:
الأدوات ..

*علبة رش أسبراي أسود مط ...عشان اللون ..رشيت بيها الشبكة ،العاكس الداخلي للفانوس ،، فانوس الاشارة من الداخل ...و الأيكصدام >>>>>>من أي حد بتاع بويات
انت شايف ان الشبكه رشها اسود مط ولا اسود ميتلك احسن ؟
لما رشيت بيها فانوس الاشارة لون الاصفر او الابيض سيان يعنى هيبان اكتر من الاول معاك ايه الفرق اللى حاسيته وانت بتدي اشارة
لان خلفيه الاشارة كانت الاول بتكون فاتحه فاهمنى في فرق ملموس؟
عاكس فانوس دة مش بيكون فى اي فانوس ولا فاونيس معينه يعنى؟
وشكلها بيكون ازي يعنى علشان مش تاثر ع الاضاءة؟
وكل الرش دة خاد منك علبه ولا اتنين وبكام ...؟

*سيليكون عشان ألزق الباغة بتاعت الفانوس عليه >>>>>>من اي حد بتاع بويات
انت حاطيتته فى فرن علشان تفكه 5د صح وعلبه سليكون بكام؟
*جلد علشان أعمل بيه الباد بوي ... رسمت الشكل بتاعها عليه و قطعته و بعد كده لزقته على الباغة >>>من واحد بتاع أكسسوارات سيارات
يعنى انت جبت قطعه جلد ورسمت سكلك وقطعته بقطر ولازقته ع طول طب ليه مش عملته فاميه دارك في فرق يعنى؟
*باغة شفافة ... >>>>واحد بتاع قطع غيار فيات
باغه فانوس شفافه دي فى فيات بس ؟ ولا اي فانوس ؟

قلم دوكو ،، أسود و أحمر ... >>> من أي مكتبه كبيرة

و دول عملت بيهم العلامة بتاعت الشاهين باللون الاحمر :)
5ج قلم تقريباا صح ليه اي استخدام تانى؟
ده غير مادة لاصقة قوية لزقت بيها الرينجات بداخل الفانوس :)
امير ولا اهووووه ولا مادى تانى علشان ماتتفكش منى فى مطبات والارض اللى فيها نقر كتير يبقا ثابت؟
أرجو أني أكون أفدتك
وانا اللى ارجوك انى مكنتش رخمت وتقلت علييك باسئله واعتذر وتحياتى

[bisoolover]

طب بقولك ايه ممكن تعملى الموضووع ده فى عربيتى؟؟؟؟؟

[smsm_nabawy]

طب بقولك ايه ممكن تعملى الموضووع ده فى عربيتى؟؟؟؟؟

تحت أمرك مفيش مشاكل ،، أديني صور لعربيتك ... و نوعها و موديلها و أنا حعرض عليك تصميماتي أن شاء الله :)

[smsm_nabawy]

قبل اي شي احب احييك ع زوئقك العالي جداا وشغلك الاصلي والجميل تسلم ايدك وايد والدك ربنا يبارك لك فيه وتحياتى لك ولي كم سفسار ((:

ألف شكر ليك و اللهم آمين :)

انت شايف ان الشبكه رشها اسود مط ولا اسود ميتلك احسن ؟
والله ده على حسب... أنت عربيتك لونها أيه ،، و ناوي تعمل فيها شغل أزاي ،، ده أنت و ذوقك يعني ،، ده قصدي ،،

لما رشيت بيها فانوس الاشارة لون الاصفر او الابيض سيان يعنى هيبان اكتر من الاول معاك ايه الفرق اللى حاسيته وانت بتدي اشارة
لان خلفيه الاشارة كانت الاول بتكون فاتحه فاهمنى في فرق ملموس؟
آه فهمت حضرتك .. حسيت أن النور الأصفر أتجسم أكثر ... و بان أكتر ..ده أحساسي والله :) بقى يبان بطريقة أفضل في الصبح و الليل طبعاً..

عاكس فانوس دة مش بيكون فى اي فانوس ولا فاونيس معينه يعنى؟
معرفش الصراحة ،، بس حسب عملي ،، بيكون في أي فانوس ... 2 عواكس .. واحد داخلي و التاني خارجي .. الداخلي يحيط باللمبة نفسها ... و يعكس الضوء مباشرةً ... و الخارجي يساعد في فرش الضوء بطريقة أوسع !! :)

وشكلها بيكون ازي يعنى علشان مش تاثر ع الاضاءة؟
والله أنا سمعت أنها بتأثر على الأضائة ،، بس أنا أصلاً مش حاسس بكده ،، بالعكس حاسس بالأحسن ،،

بس خد في الاعتبار ..
1- انا عندي الباغة كانت متوسخة جداً جداً
2- الباغة الشفافة بتطلع الضوء أحسن
عشان كده أنا شايف أن الضوء متأثرش معايا ،، مجرد شكل الفانوس بقا حلو بس ....

وكل الرش دة خاد منك علبه ولا اتنين وبكام ...؟

علبتين ... الشبكة رشتها وش كامل من جوا و من برا ،، و قبلها جربت في شبكة كاملة عندي .. برده جوا و بره ... .. و العلبة الواحدة كفت معايا الشبكة كاملة ،، بهواية الكابود ،، لأني لسه حهرم في الكابود و أعمله هوايه و عواكس خارجية للفانوس
العلبة التانية ،، رش الأكصدام و الشبكة الأصلية بقا :)
و لسه فاضل فيها حبه حالياً

السعر ب 7.50
سبعة جنيهات و خمسون قرشاً فقط :)) و على فكرة كان أضحك عليا :)) أنا قبل كده كنت مشتريعا ب 6 جنيه بس :)
بس المهم أنه سعره مش حيزيد عن 7 او 8 جنيه

انت حاطيتته فى فرن علشان تفكه 5د صح وعلبه سليكون بكام؟
لا ... أنا كسرت الزجاج الي بره بتاع الفانوس ،، عشان زهقت :)))

و خفت على الفانوس يسيح ،، و لما لزقت الباغة الجديدة لزقتها بطريقة تسهل عليا الفك ،، حوضحهالك هنا في رد تاني أن شاء الله

يعنى انت جبت قطعه جلد ورسمت سكلك وقطعته بقطر ولازقته ع طول طب ليه مش عملته فاميه دارك في فرق يعنى؟
بالفعل ،، انا جبت الجلد ،، و رسمت شكل الباد بوي بأبعاده الي انا عايزها ... و قطعتها بكاتر .. و بعد كده لزقته على الفانوس بسيليكون :)

بحذذذذررررررررر ... عشان مبوظش الباغة الكرستالة :))
لا ،، مرضتش أعمله فاميه دارك ،، عشان الأضائة متقلش،، و عشان أنا عايز أعملها بطريقة تعتمها خالص و تكون نفس درجة لون الرش بتاعي ،، :)

باغه فانوس شفافه دي فى فيات بس ؟ ولا اي فانوس ؟
باشا دي لأي عربية ،، بس أنا عربيتي شاهين ،، و قطع غيارها عند بتوع الفيات بس ،، يعني انا قصدي مرحش لحد بتاع قطع غيار ألماني أو كوري و أطلب فانوس شاهين :))))
و ده موجود لكل العربيات ان شاء الله :)
5ج قلم تقريباا صح ليه اي استخدام تانى؟
بالفعل الواحد ب 5 جنيه :) و ليه أستخدامات كتير ،، انت و دماغك و ظروف شغلك ،، ممكن ترسم بيه حاجات أو أي حاجة ،، بس أنا مستخدمتهوش في حاجات تانية .. ناوي كده ان شاء الله اعمل بيه .. بس بخططلها و أمخمخلها
امير ولا اهووووه ولا مادى تانى علشان ماتتفكش منى فى مطبات والارض اللى فيها نقر كتير يبقا ثابت؟
لا ده ولا ده ،، دي مادتين كده بيتخلطوا على بعض ،، و لونهم في الاخر بيكون شفاف بس مصفر ... الاتنين محطوطين في أنبوبين جنب بعض ،، لهم نفس المكبس بدوس على المكبس بينزلك المادتين جنب بعض :) عند أي حد بتاع بويات او كهربي :)
و الحمد لله ،، معايا حتى الان ما شاء الله ،، ثابته كويس جداً ما شاء الله .. و اييييه

مقولكش بجد انا بهدلتها أزاي مطبات و قرف :)

وانا اللى ارجوك انى مكنتش رخمت وتقلت علييك باسئله واعتذر وتحياتى

يا فندم مفيش رخامة ولا أي حاجة و لا تتقيل بأسئلة ولا حاجة أنت أؤمرني مافيش مشاكل ،، و أنا تحت امرك في أي سؤال

و لو عايزني أساعدك في أي حاجة في عربيتك أو تصميمات او أي حاجة قولي مفيش مشاكل ،، و يااا سلاااااام لو حضرتك في الاسكندرية ده حعمل معاك أحلى شغل :)

تحياتي

[smsm_nabawy]

الصورة دي ممكن تبين لحضرتك يا أخ عادل ...

[bisoolover]

الامر لله ياحج اوك هبعتلك الصور

[bisoolover]

ًورة اهى للعربية2shared - download Image533.jpg

[smsm_nabawy]

وف كده الشكل ده ؟؟؟


الصورة دي ،، حيكون الاكصدام بالشبكة بالباد بوي لونهم أسود مطط

و في دي كمان


دي حيكون الباد بوي بنفس لون العربية ...

معلش أعذرني بقا أنا عملته بال painter

[bisoolover]

اولا شكرا على المجهوود ثانيا انا اتخضييييييييييت هههههههههههههههههههههههههه والله فعلا اجمل مفى الموضووع الرينجات شكلها حلو بس

[rasim]

السلام عليكم
تسلم ايدك على الشغل ياباشا وربنا يباركلك فيها

[LORD.ADeL]

الصورة دي ممكن تبين لحضرتك يا أخ عادل ...

تسلم ياباشاا ع توضيح يعنى كدة وصل لى الفكرة ((:

ألف شكر ليك و اللهم آمين :)
الشكر لله ...

آه فهمت حضرتك .. حسيت أن النور الأصفر أتجسم أكثر ... و بان أكتر ..ده أحساسي والله :) بقى يبان بطريقة أفضل في الصبح و الليل طبعاً..
تمام واصلي جداا ((:

معرفش الصراحة ،، بس حسب عملي ،، بيكون في أي فانوس ... 2 عواكس .. واحد داخلي و التاني خارجي .. الداخلي يحيط باللمبة نفسها ... و يعكس الضوء مباشرةً ... و الخارجي يساعد في فرش الضوء بطريقة أوسع !! :)
سائلت ع الحوار دة لاقيته مش هيكون شكله شيك عندي لان فانوس عندي صغير يبقى فكرة دي ....؟ مفيش


علبتين ... الشبكة رشتها وش كامل من جوا و من برا ،، و قبلها جربت في شبكة كاملة عندي .. برده جوا و بره ... .. و العلبة الواحدة كفت معايا الشبكة كاملة ،، بهواية الكابود ،، لأني لسه حهرم في الكابود و أعمله هوايه و عواكس خارجية للفانوس
العلبة التانية ،، رش الأكصدام و الشبكة الأصلية بقا :)
و لسه فاضل فيها حبه حالياً
السعر ب 7.50
سبعة جنيهات و خمسون قرشاً فقط :)) و على فكرة كان أضحك عليا :)) أنا قبل كده كنت مشتريعا ب 6 جنيه بس :)
بس المهم أنه سعره مش حيزيد عن 7 او 8 جنيه
تمام يعنى الشبكه تترش وشين ولا وش واحد وطريقه رشها اكون باعد عنها مسافة مش قريب صح ولا ايه حياة وهجرب ع شبكة تانيه وهحتفظ بالفبريقه احيتاطي لاحسن اللابخ

لا ... أنا كسرت الزجاج الي بره بتاع الفانوس ،، عشان زهقت :)))

و خفت على الفانوس يسيح ،، و لما لزقت الباغة الجديدة لزقتها بطريقة تسهل عليا الفك ،، حوضحهالك هنا في رد تاني أن شاء الله


بالفعل ،، انا جبت الجلد ،، و رسمت شكل الباد بوي بأبعاده الي انا عايزها ... و قطعتها بكاتر .. و بعد كده لزقته على الفانوس بسيليكون :)

بحذذذذررررررررر ... عشان مبوظش الباغة الكرستالة :))
لا ،، مرضتش أعمله فاميه دارك ،، عشان الأضائة متقلش،، و عشان أنا عايز أعملها بطريقة تعتمها خالص و تكون نفس درجة لون الرش بتاعي ،، :)
نظريه برضو

باشا دي لأي عربية ،، بس أنا عربيتي شاهين ،، و قطع غيارها عند بتوع الفيات بس ،، يعني انا قصدي مرحش لحد بتاع قطع غيار ألماني أو كوري و أطلب فانوس شاهين :))))
و ده موجود لكل العربيات ان شاء الله :)
هسائل عليها برضو باذن الله بس معتقدش ان في لعربيتى منها
بالفعل الواحد ب 5 جنيه :) و ليه أستخدامات كتير ،، انت و دماغك و ظروف شغلك ،، ممكن ترسم بيه حاجات أو أي حاجة ،، بس أنا مستخدمتهوش في حاجات تانية .. ناوي كده ان شاء الله اعمل بيه .. بس بخططلها و أمخمخلها
ازي يعنى ارسم بيه يعنى قول اللى فى دماغك كدة افتح طريق وتخطيطات هتترسم ههههههه نور المحكمة
لا ده ولا ده ،، دي مادتين كده بيتخلطوا على بعض ،، و لونهم في الاخر بيكون شفاف بس مصفر ... الاتنين محطوطين في أنبوبين جنب بعض ،، لهم نفس المكبس بدوس على المكبس بينزلك المادتين جنب بعض :) عند أي حد بتاع بويات او كهربي :)
و الحمد لله ،، معايا حتى الان ما شاء الله ،، ثابته كويس جداً ما شاء الله .. و اييييه

مقولكش بجد انا بهدلتها أزاي مطبات و قرف :)
طب اروح للراجل اقوله ايه طيب وبكام ياصحبي....


يا فندم مفيش رخامة ولا أي حاجة و لا تتقيل بأسئلة ولا حاجة أنت أؤمرني مافيش مشاكل ،، و أنا تحت امرك في أي سؤال
الامر لله وحدة تسلم يا جميل
و لو عايزني أساعدك في أي حاجة في عربيتك أو تصميمات او أي حاجة قولي مفيش مشاكل ،، و يااا سلاااااام لو حضرتك في الاسكندرية ده حعمل معاك أحلى شغل :)
لا ياباشا مش من اليكس بس بحبها هيا واهلها والله احلى ناس
عامتااا ادينا مع بعض هنا فى اي تفكير او فكرة تجي نناقشها يا صحبي دي صورة عربيتى برضو شوف كدة دماغك ايه فيها معاااياا
من خاب من استشار ((:

http://a.imageshack.us/img695/4753/dsc00601xk.jpg

تحياتي

[LORD.ADeL]

وف كده الشكل ده ؟؟؟

اعتقد يا باشاا الكابوت بيكون مخالف وبيعمل مشاكل مع مرور والله اعلم
هيا شكلها حلو بس علشان محدش يتلكك ع حاجه