الاضاءة الخلفية للعدادات

[MoMohsen]

انا عندى الاضاءة بتاعت العدادات ضعيفة قوى و كنت شفن ناس مركبين اضاءة للعدادات لونها اخضر او ازرق و بتكون منورة الخلفية كلها.
حد يعرف اذا كانت الضاءة دية بتركب على اى عدادات ولا انواع معينة و يعرف لو فية منها لكيا برايد و بتتباع فين.

[Ramy_Tantawi]

شوف يا سيدي انا كنت مركبهم في عربيه شاهين بس الكلام ده من زمان شويه يمكن 5-6 سنين حاجه كده من شارع دمشق مكتبه مشهوره هناك اسمها مكتبة ابراهيم وفي قدامها واحد برضه كماليات سيارات عنده العدادات والكلام ده كله .............في منها للبرايد الحقيقه ماعرفش لكن عموما حاول تنزل شارع دمشق واسأل هناك عند بتوع الكماليات والكلام ده ..

بس انا عندي نصيحه لحضرتك لو تحب تسمعها .....اضاءة العدادات لو حاسس انها خفتت او ضعفة عن الأول !! لو الموضوع كده روح لكهربائي كويس وخليه يغير لمض العدادات جايز جداً يكون فيها لمبه محروقه او حاجه .......اوقات كمان ممكن تزود قوة اللمبه نفسها تستبدلها بواحده اعلى شويه .

ده طبعاً اذا كانت اضائة العداد عند حضرتك كانت كويسه وباظت او كفائتها قلة.

[MoMohsen]

شكرا على ردك يا استاذ رامى. هو الاضاءة عندى كانت كويسة بس برضو مش بالقوة اللى انا عازوها .انا الاضاءة اللى شفتها راكبة كانت فى لانسر او سيفيك و كانت بتنور الخلفية كلها زى الفوسفور و شكلها كان جامد اخر حاجة.

[HNaga]

شكرا على ردك يا استاذ رامى. هو الاضاءة عندى كانت كويسة بس برضو مش بالقوة اللى انا عازوها .انا الاضاءة اللى شفتها راكبة كانت فى لانسر او سيفيك و كانت بتنور الخلفية كلها زى الفوسفور و شكلها كان جامد اخر حاجة.

أه إسمها عدادات بلازما شفتها فى أرابكوم بحوالى 350- 400 جنيه

[MoMohsen]

شكرا يا هشام باشا انا هروح اراب كوم اسأل عنها ان شاء الله

[MoMohsen]

انا من يومين كنت فى شارع دمشق و سألت على الاضاءة اللى قولتلكو عليها و لقيتها عند كذا واحد كمان .هى سعرها من 100 - 125 و ان شاء الله هنزل اركبها فى اقرب وقت

[SOBHYMOHAMED]

انا عايز انور العدادت عندى

[hamedo0]

انا من يومين كنت فى شارع دمشق و سألت على الاضاءة اللى قولتلكو عليها و لقيتها عند كذا واحد كمان .هى سعرها من 100 - 125 و ان شاء الله هنزل اركبها فى اقرب وقت

ابقي صور التابلوه بعد متركب الاضاءه الجديده

[tmz9111]

أه إسمها عدادات بلازما شفتها فى أرابكوم بحوالى 350- 400 جنيه

ممكن أعرف العنوان

[HNaga]

الشارع اللى قبل سيتى ستارز

[Mahmoud_405]

ودي بيتركب علي اي عدادات؟؟؟؟ يعني تنفع للبيجو 405 ؟؟؟؟

[HNaga]

والله ياجماعة انا مش عارف انتوا قصدكوا اللى انا أعرفه والا لا
انا اللى أعرفه و اللى بيدى أقوى إضائة واللى مركبه عندى هو عدادات البلازما و هى عبارة عن ورقة مرسوم عليها العدادات بنفس شكل العدادات اللى فى العربية
والورقة دى متوصلة بسلك بيوصل على كهربه العربية مع نور العدادات
الوانها غالبا أزرق او أخضر مع خلفية بيضا او سودة
وانا جايب واحدة فيها سويتش بيجيب اللونين أزرق وأخضر

[HNaga]

دى صورة عدادات البلازما اللى فى عربيتى

http://i225.photobucket.com/albums/dd179/HNaga/DSC00804.jpg

[Akram]

كمان يا شباب لمض العدادات بتغمق بعد فترة و ممكن لما تغيرهم تحس بفرق ,
خللي الكهربائي يكشفلك عليهم و ينضف العدادت ,
قبل ما تكلف .............

[Akram]

و خللي بالك لو هتغيرهم جيب لمض ألماني مش أي نوع تاني.