منين اجيب اطارات دانلوب

[م/محمد صلاح]

يا جماعه عندى فرده اتقطعت قطع حوالى 3 سانتى وانا باركن علشان ركنت قدام محل مركب سيراميك كان مكسور وقطع الفرده
هل ممكن الفرده دى تتصلح ؟ هى مقطوعه من الجمب ولسه الفرده جديده ماعملتش 5000 كيلو

ولو مش ممكن تتصلح ممكن اعرف كاوتش دانلوب اجيبه منين؟
لان ده الكاوتش اللى راكب فى العربيه كلها

وشكرا مقدما لكل اللى رد

[Karim_Monir]

لاء طبعا ما تصلحش
انساها
دانلوب هاتلاقية في احمد سعيد في اكتر من واحد بيبيعهة هناك

[م/محمد صلاح]

شكرا يا كيمو

الا قوللى هى البلد دى رايحه على فين صحيح

[Karim_Monir]

خد بعضك علي السيدة عائشة رضي الله عنها
وتاخد اول طريق المقطم
تطلع فوق على كورنيش المقطم
بص كويس من فوق بس امسك في اي حاجة احسن تقع
وانتتعرف اجابة السؤال
جرررررررررررررررررررر

[tmz9111]

خد بعضك علي السيدة عائشة رضي الله عنها
وتاخد اول طريق المقطم
تطلع فوق على كورنيش المقطم
بص كويس من فوق بس امسك في اي حاجة احسن تقع
وانتتعرف اجابة السؤال
جرررررررررررررررررررر

هههههههههههههههههههههههههههههههههههههههههههههههههه هه

[mohsen]

خد بعضك علي السيدة عائشة رضي الله عنها
وتاخد اول طريق المقطم
تطلع فوق على كورنيش المقطم
بص كويس من فوق بس امسك في اي حاجة احسن تقع
وانتتعرف اجابة السؤال
جرررررررررررررررررررر

على فكرة
حضرتك "السيدة عائشة رضى الله عنها" مش هى الى انت تقصدها

[أبو عبدالله]

ممكن يا ميمو باشا لو رحت تبقى تقولنا اسعار الدانلوب ايه
لأن اللي ير عربيتي السيريون برضه دانلوب

وشكرا

[Karim_Monir]

على فكرة
حضرتك "السيدة عائشة رضى الله عنها" مش هى الى انت تقصدها

انا قصدي ميدان السيدة عائشة رضي الله عنها
عشان يطلع طريق المقطم من هناك

[NaderNabil]

الدنلوب الألماني 100% مقاس 205\60 R15 سعره 540

هتلاقوه موجود في مركز الكمال بشارع البطل أحمد عبد العزيز بالمهندسين...أمام سيراميكا كليوباترا..

المركز ده محترم جدا جدا و أسعرهم و معملتهم فوق الوصف...و عندهم نيتروجين

[م/محمد صلاح]

الدانلوب الالمانى موجود مقاس 15\165\95 سرعات ب 500 جنيه عند ممدوح مبروك غطاطى اللى فى فيصل المريوطيه وده رحناله انا واخويا عمرو فراج اللى بصراحه لف معايا كتير وربنا يجازيه خير اما الدانلوب اليابانى نفس المقاس فهو عند علامكو اللى عند كوبرى الجامعه بس كان تمن الفرده 580 جنيه ومابيبيعهاش الا فردتين مع بعض او اربع فرد مع بعض (بيستهبل قال ايه هما طقم على بعضه)

[Karim_Monir]

ميمو قصدك 15-195-65
صح

[م/محمد صلاح]

صح يا كيمو تمام كده

[3mr Farrag]

عملت ايه يا ميمو....
جبت كاوتش ولا لسه؟؟؟
علي فكره انا شفتك انهارده بليل علي الساعه 1 كده كنت معدي من العشرين
كنت هكلمك بس لقيت الوقت متأخر و قلت اكيد جاي تعبان
ربنا معاك

[eng_mkhalaf]

ميمو أنت طلعت هرماوى ولا أية - كدة احنا جيران

[م/محمد صلاح]

عمرو باشا انا جبت خلاص كاوتش بريدجستون يابانى الفرده عملت 500 جنيه
انا اصلى لما رحت التوكيل لقيت ماعندهومش دانلوب يابانى كل اللى عندهم بريدجستون ب 600 وبايريللى ب 650 وواحد من التوكيل رحلى البريدجستون اليابانى احسن من الدانلوب الالمانى علشان كده جبتها بريدجستون يا بانى بس من عند ممدوح غطاطى اللى كنا رحناله

لما انت شفتنى فى العشرين مش كنت تنده عليا وتعزمنى على كباية شاى ولا فنجان قهوه؟ يابنى انت بعد ده هاتلروح 6 اكتوبر ومش هاعرف اعدى عليك بالصدفه زى الايامدى فخلينا بقه نستفيد منك ولا ايه؟


باشمهندس محمد خلف انا ليا الشرف ياباشا انك هرماوى زينا انا وعمرو فراج احنا فى فيصل وجمب بعض قوى