يلا نغير قانون المرور الى الافضل (مش لزيادة الكماليات)

[fady554]

صباح او مساء الخير عليكو
انا شايف ان فى ناس كتير نفسها قانون المرور يتعدل للافضل
بس برضو شايف ناس نفسها تعدل قانون المرور للاسوا و دى وجهة نظرى
زى الناس اللى عايزة تفيم و الناس اللى عايزة تركب زينون
الفامية ممنوع عشان بيحجب الرؤية للداخل و للخارج برضو
ممكن يكون فى مجرم و متستر ورا الفامية
وبرضو انت لما تفيم مش هتشوف اللى برة و دة بيزود نسبة الحوادث ولاقدر اللة
و برضو الناس اللى مركبة زينون النور بتاعها بيبقى عالى اوى لدرجة انو مش بيخلى اللى قدامة او المقابل لية يشوف الطريق و دة بيسبب فى زيادة نسبة الحوادث
انا من رايى ان القانون يتعدل للافيدلنا مش الاسوء
زى قانون المخالفات
المخالفات ام 1000 و 500 جنية دى د الواحد يعمل جمعية عشان يسدد مخالفاتة
و قانون الضرائب
و الجمارك تبقى اقل عشان الناس اللى محتكرة سوق السيارات دى و برضو نبقى زى البلاد اللى برة
العربيات فيها رخيصة
و تسهيل تسقيط المواتير عشان فى ناس كتير مش عاجبها حال عربيتها
انا من رأيى ان مصر فى حالة تغير جديد فلازم يكون تغير للافضل

[Ashraf_Ibrahim]

كلام سليم جدا
انا اقترح ان قيمة المخالفات تكون ثابته ولتكن 50 جنيه
ما عدا مخالفة عكس السير التي تستوجب سحب الرخصة مع غرامة مالية محترمة لما تسببه من اخلال بالطريق وأمن السائقين والمارين
مستحيل اكون بعدي الشارع وانا باصص يمين والاقي وانا بعدي عربية جاية من على الشمال تبقا كارثة طبعا
وبرده يكون فيه اماكن لعبور المشاه زي اي دولة محترمة بتحترم آدمية المواطن وبتحافظ على حياته
ومفيش مانع من جعل جميع الاشارات الضوئية مراقبة بالكاميرات وتكون رقمية توضح المدة الباقية خصوصا في تعديل ضوئها من الاصفر للأحمر حتى يتمكن قائد السيارة من التوقف في الوقت المناسب وبالتالي ميكسرش اشارة
ومفيش اي مانع من فرض مخالفات فورية على المشاة في حال مخالفتهم وعبورهم لطرق سريعة تؤدي لحدوث حوادث بسبب محاولة قائد المركبة مفاداة هذا الماشي ولكن هناك مجموعة من كباري المشاة التي تضمن لهم السلامة وتضمن للسائقين ايضا السلامة
بالنسبة للزينون طبعا مرفوض عشان فعلا بيعمي اللي قدامنا لفترة ودا شيء مش كويس
الفاميه ممكن نسمح بالفاميه للأبواب الخلفية فقط اما الامامية لما تحجبه من رؤية لقائد السيارة بالنسبة للطريق والمرايات فممنوع
دي اقتراحاتي الحالية !

[ahmed_mido1889]

ممكن نخلي الزينون النور العالي فقط

[evram]

الفايمه كمان لازم تترخص كده كده بنحطه تترخص احسن هي و الزينون و التظبيط ده شي مش بيضر حد لان دي عربيتي و بالنتسبه لموضوع المخالفات امبارح عربيتي كانت هاتتخبط انا خارج من شارع داخلي في سليم الاول و انا خارج لازم ابص يمين لان الشارع اتجاه جاي و انا بابص و خارج الاقي نص نقل جاي علي سرعه لاتقل ابدا عن 60 و طاير جايلي من الشمال اقسم بالله لو كان خبطني كنت نزلت دفنته فيه

[Hikayat]

صباح او مساء الخير عليكم
انا شايف ان فى ناس كتير نفسها قانون المرور يتعدل للافضل
بس برضو شايف ناس نفسها تعدل قانون المرور للاسوا و دى وجهة نظرى
زى الناس اللى عايزة تفيم و الناس اللى عايزة تركب زينون
الفامية ممنوع عشان بيحجب الرؤية للداخل و للخارج برضو
ممكن يكون فى مجرم و متستر ورا الفامية
وبرضو انت لما تفيم مش هتشوف اللى برة و دة بيزود نسبة الحوادث ولاقدر الله
و برضو الناس اللى مركبة زينون النور بتاعها بيبقى عالى اوى لدرجة انو مش بيخلى اللى قدامة او المقابل لية يشوف الطريق و دة بيسبب فى زيادة نسبة الحوادث
انا من رايى ان القانون يتعدل للافيدلنا مش الاسوء
زى قانون المخالفات
المخالفات ام 1000 و 500 جنية دى د الواحد يعمل جمعية عشان يسدد مخالفاتة
و قانون الضرائب
و الجمارك تبقى اقل عشان الناس اللى محتكرة سوق السيارات دى و برضو نبقى زى البلاد اللى برة
العربيات فيها رخيصة
و تسهيل تسقيط المواتير عشان فى ناس كتير مش عاجبها حال عربيتها
انا من رأيى ان مصر فى حالة تغير جديد فلازم يكون تغير للافضل

اسمحلي اختلف معاك... مش شرط التعديلات دي تبقي اسوا
يعني مثلا الزينون: ايه يعني ما نرخص الزينون بس بشرط تركيب عدسه
الزينون بيفرق جدااااااااااااااا في الاضاءه ولما هركب عدسه مش هاذي اللي قدامي
العربيات الفابريكه اللي بتنزل بزينون وبعدسه وانت جاي في الاتجاه المقابل ليها مبتحسش اصلا انه مركب زينون وده لانه مركب عدسه
فلو سمحنا بتركيب الزينون مع شرط تركيب عدسه هتلاقي الناس كلها بتركب زينون بعدسه علشان ميخدوش مخالفات ولانهم اصلا نفسهم يركبوا زينون فهتلاقي الاغلبيه بتركب عدسه
انما دلوقتي الناس بتركب زينون ومش بيركبوا عدسه .. هم عارفين ان اصلا الزينون مخالف وهما مركبينه سرقه ... فالزينون بالعدسه يبقي احنا كده خدنا الايجابيات ( الاضاءه والشكل ) وفي نفس الوقت ابتعدنا عن السلبيات ( اذي اللي قدامك )


اما الفاميه :
فطبعا مش للاسوا ولا حاجه ... ودي حاجه انا مجربها بنفسي بقي لاني مركبه في الازاز اللي قدام علشان الشمس
لو جربت التكيف في وجود فاميه وفي حاله عدم وجود الفاميه مكنتش هتقول كده
لو جربت شكل العربيه في حاله وجود فاميه وفي حاله عدم وجود الفاميه مكنتش هتقول كده
وسيبك بقي من دول الاهم : الشمس اللي كانت بتاكل دراعي ووشي وكانت بجد بتكرهني في حياتي واللي مجرد ما ركبت الفاميه محستش باي حاجه من الكلام ده ورجعت تاني اسوق الظهر في الصيف عادي بعد ما كنت بحاول اتجنب سواقه الظهر في الصيف لاني كنت بتعذب لو جربت الفرق بجد مكنتش هتقول كده
ده بالنسبه للايجابيات

*اما بالنسبه لانه بيحجب الرؤيه عن اللي بره وده ممكن يخلي مجرم يستخبي فده مش شرط لاننا مش لو شلنا الفاميه المجرم مش هيستخبي المجرم ممكن يلبس ست ويستخبي ... وبعدين معظم الناس بتركب ستاير كبس رغم انها اسوا من الفاميه في كل حاجه والستاير الكبس بتحجب الرؤيه علفكره عن الفاميه كمان
والستاير برده بتخلي الواحد مش يشوف ايه اللي قدام العربيه اللي مركبه ستاير
وبرغم كده الستاير مسموح بيها والناس كلها مركباها
* اما لو الفاميه بيحجب الرؤيه الداخليه فدي بتختلف من واحد لواحد ومن درجه لدرجه ... انا ممكن اشوف من الفاميه فهسيبوا وحضرتك ممكن تركبه ومتشفش منه حاجه فاكيد هتروح تشيله
وكان حتي في عضو محترم هنا قايل في توبيك تاني انه ركب الفاميه وكان شايف منه وبعدين والدته لما جت تسوق مشافتش منه حاجه فاضطر انه يروح يشيل الفاميه
مفيش حد هيلاقي الفاميه بيحجب الرؤويه الداخليه بالنسباله وهيسيبه ... استحاله
وفي ناس مش بتشوف منه فبيقطعوا حته في الفاميه من قدام علي قد شكل المرايه
* اما في ناس بتقولك لو سمحنا بالفاميه في ناس هتعمل حاجات منافيه للاداب فالعربيه والناس دول حسابهم بقي عند ربنا وبعدين دول اصلا احقر من اننا نفكر اصلا فيهم وهما كده كده مش هيغلبوا بالفاميه او من غيره

اما بالنسبه لباقي الكلام فانا متفق مع حضرتك جداااااااااااااااااا
المخالفات لازم تنزل ما عدا السير فعلا عكس الاتجاه ده لازم يبقي بحبس ويتنفذ
وكمان التراخيص لازم الاسعار تنزل لانها بقت حاجه خياليه بصراحه
اما الجمارك فياريت تنزل رغم اني شايف انها صعب جدااا لانها بتدخل للبلد فلوس مهووله بس ياريت والله تتشال .. هوه احنا نكره يعني

اعذروني ع الاطاله

[madeboy_53]

اسمحلي اختلف معاك... مش شرط التعديلات دي تبقي اسوا
يعني مثلا الزينون: ايه يعني ما نرخص الزينون بس بشرط تركيب عدسه
الزينون بيفرق جدااااااااااااااا في الاضاءه ولما هركب عدسه مش هاذي اللي قدامي
العربيات الفابريكه اللي بتنزل بزينون وبعدسه وانت جاي في الاتجاه المقابل ليها مبتحسش اصلا انه مركب زينون وده لانه مركب عدسه
فلو سمحنا بتركيب الزينون مع شرط تركيب عدسه هتلاقي الناس كلها بتركب زينون بعدسه علشان ميخدوش مخالفات ولانهم اصلا نفسهم يركبوا زينون فهتلاقي الاغلبيه بتركب عدسه
انما دلوقتي الناس بتركب زينون ومش بيركبوا عدسه .. هم عارفين ان اصلا الزينون مخالف وهما مركبينه سرقه ... فالزينون بالعدسه يبقي احنا كده خدنا الايجابيات ( الاضاءه والشكل ) وفي نفس الوقت ابتعدنا عن السلبيات ( اذي اللي قدامك )


اما الفاميه :
فطبعا مش للاسوا ولا حاجه ... ودي حاجه انا مجربها بنفسي بقي لاني مركبه في الازاز اللي قدام علشان الشمس
لو جربت التكيف في وجود فاميه وفي حاله عدم وجود الفاميه مكنتش هتقول كده
لو جربت شكل العربيه في حاله وجود فاميه وفي حاله عدم وجود الفاميه مكنتش هتقول كده
وسيبك بقي من دول الاهم : الشمس اللي كانت بتاكل دراعي ووشي وكانت بجد بتكرهني في حياتي واللي مجرد ما ركبت الفاميه محستش باي حاجه من الكلام ده ورجعت تاني اسوق الظهر في الصيف عادي بعد ما كنت بحاول اتجنب سواقه الظهر في الصيف لاني كنت بتعذب لو جربت الفرق بجد مكنتش هتقول كده
ده بالنسبه للايجابيات

*اما بالنسبه لانه بيحجب الرؤيه عن اللي بره وده ممكن يخلي مجرم يستخبي فده مش شرط لاننا مش لو شلنا الفاميه المجرم مش هيستخبي المجرم ممكن يلبس ست ويستخبي ... وبعدين معظم الناس بتركب ستاير كبس رغم انها اسوا من الفاميه في كل حاجه والستاير الكبس بتحجب الرؤيه علفكره عن الفاميه كمان
والستاير برده بتخلي الواحد مش يشوف ايه اللي قدام العربيه اللي مركبه ستاير
وبرغم كده الستاير مسموح بيها والناس كلها مركباها
* اما لو الفاميه بيحجب الرؤيه الداخليه فدي بتختلف من واحد لواحد ومن درجه لدرجه ... انا ممكن اشوف من الفاميه فهسيبوا وحضرتك ممكن تركبه ومتشفش منه حاجه فاكيد هتروح تشيله
وكان حتي في عضو محترم هنا قايل في توبيك تاني انه ركب الفاميه وكان شايف منه وبعدين والدته لما جت تسوق مشافتش منه حاجه فاضطر انه يروح يشيل الفاميه
مفيش حد هيلاقي الفاميه بيحجب الرؤويه الداخليه بالنسباله وهيسيبه ... استحاله
وفي ناس مش بتشوف منه فبيقطعوا حته في الفاميه من قدام علي قد شكل المرايه
* اما في ناس بتقولك لو سمحنا بالفاميه في ناس هتعمل حاجات منافيه للاداب فالعربيه والناس دول حسابهم بقي عند ربنا وبعدين دول اصلا احقر من اننا نفكر اصلا فيهم وهما كده كده مش هيغلبوا بالفاميه او من غيره

اما بالنسبه لباقي الكلام فانا متفق مع حضرتك جداااااااااااااااااا
المخالفات لازم تنزل ما عدا السير فعلا عكس الاتجاه ده لازم يبقي بحبس ويتنفذ
وكمان التراخيص لازم الاسعار تنزل لانها بقت حاجه خياليه بصراحه
اما الجمارك فياريت تنزل رغم اني شايف انها صعب جدااا لانها بتدخل للبلد فلوس مهووله بس ياريت والله تتشال .. هوه احنا نكره يعني

اعذروني ع الاطاله

شكرا لييك جدااااا
و اعتقد ان ده كلام من الاخررررررر

[smsm_nabawy]

تمااااام ... بس الزينون و الفاميه عندي عليهم تعليق...بمعنى .. الفاميه في منه درجات

عندنا في مصر .. أي درجة منه تبقى مخالف.. مع انه ليه أثر كبيييير أوي في الحماية من الشمس و الحرارة بتاعتها ... ليه يمنعوه بقا .. مهما ممكن يمنعوا الدرجات التقيلة أوي ....

أما الزينون .. فالدول في الخارج بتنصح العربيات بأستخدامه .. و لكن للأسف دي ثقافة شعب .. معظم الناس ميهماش غير انها تجيب الزينون و تحطه و خلاص ... بدون أدنى مراعاة للناس حولها ... لو كل واحد يحط زينون يراعي الناس و قبل كل ده يراعي ضميه و يتقي ربنا ... و يركب عدسات للزينون بتاعه و يركبه صح .. مش حيأزي حد

و كمان يقللوا شوية ضرائب تجديد الرخصة !!!

و معاك جداااااااً في حكاية المواتير دي :)))

اوي أوي أوي

أما المصقات دي .. مش لاقيلها لازمة خااااااااالص المخالفة دي ... ايه لازمتها يقولك مخالفة ملصفات .؟؟؟!!!

لو مغيرة في لون العربية ياخد مخالفة تغير لون السيارة الأصلي..لكن انت تكون ماشي و مثلاً ملزق بادج كافيه .. كلمة أو ذكر لله .. حتى يا اخي بادج نادي .. تتاخد مخالفة

دنا قبل كده حصل موقف معايا انا و صاحبي ماشين و راكبين عربيته الواد حاطط بادج آرسنال.. آرسناااال حتى مش زمالك ولا أهلي.. الظابط التافه يقولوا ليه مش حاطط بارشلونه ؟؟؟؟ الواد يقولو بكره نادي برشلونه .. الظابط يقولوه لا .. لو كنت بتحبوا كنت حعديك .. و عشان انت بتكرهه و حاخدك مخالفة ملصقات

شايفييييين التفاهة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا كنت عايز أنزل أحط كوريك العربية في زور الظابط ده !!! مع اني مليش في الكورة أصلاًو لا حتى اسمع عن النوادي دي .. يادوبك كده بس طشاش !! بس موقف مستفذ !!!!!!!!!!!!

[fady554]

انا بتكلم على ان الفامية يستحب انو يتمنع هو و الزينون عشان فى ناس كتير مش فاهمة هى بتعمل اية يعنى مثلا لو نزل قانون للزينون هنلاقى بكرة نص الشعب المصرى مركب زينون من غير عدسات و مش هتلاقية اللون الابيض دانتا هتلاقية ازرق و مش بعيد كمان درجة اللون توصل ل 10000 kk بص على النور اللى بيركب فى المتوسيكلات هتلاقيه ازرق و احمر و اخضر و يقولك زينون
و كمان الفامية لو عملتلوة قانون درجة خفيفة هتلاقى الناس كلها عاملاة الترا بلاك و يقولك ملقتش غيرة
انا شوفت كام واحد بتوع اكسسوار معندهومش غير الالترا بلاك و عن جهل اهو اسمو فامية و خلاص
و فى ناس كتير بتركبو

و موضوع الملصقات انا معاكو انو مفيهوش حاجة بس تعالى و شوف عربية شاب او ميكروباص او توكتوك
يا نهار اسود مفيش مكان يحطو فى ملصقات تانى انا سعات بشوف ناس جايبة شماسة و كاتبة عليها و كذا مرة اشوف
فى عربيات من كتر الملصقات كاتبين على الستاير الكبس

انا مش بتكلم علينا احنا او الناس اللى فاهمة يعنى اية فامية وزينون ب عدسة
انا بتكلم ان الاغلبية العظمى هيستخدموه غلط

[M.Osman]

معظم قانون المرور كويس

المشكلة كانت في التطبيق

[Ahmed A Rahman]

معظم قانون المرور كويس

المشكلة كانت في التطبيق

كنت داخل اقول الكلمة دي
:b4_388::b4_388:
الموضوع مش زيادة مواد القانون

القانون الاصلي لو اطبق حنبقى عايشين في المدينة الفاضلة

[ahmed_201091]

الاول اهلا بيكم كلكم
انا اللى كنت مركب فاميه و شيلتوا عشان والدتى لكن ركبت dark black من جوا شايف كويس و من برا الصبح شايف لو عايزين الحق المفروض ميتركبش فوق meduim black
لكن احنا بنقول انو يقول الفاميه مثلا 30% يبقى كدا محدش هيضر فى حاجة و سعتها ميتبعش فاميه اغمق من كدا لكن المرور ميقولش الفاميه ممنوع و هو سايب الدولة بتستوردوا اصلا طب ما تمنع استيراده اصلا من الاول
و اتمنى التغير للاحسن انشاء الله

[aly_hosny]

تطبيق نظام النقاط
والمخالفات تبقى على الرخصة الشخصية مش على رخصة العربية

[himaz]

تطبيق نظام النقاط
والمخالفات تبقى على الرخصة الشخصية مش على رخصة العربية

+11111
النظام ده جامد جدا ياريت يطبق


بالنسبة للفاميه
انا لاحظت ناس كتير فى الهوجة دى
قالك مفيش شرطة نركب فاميه بقى ههههههه

فعلا عدد السيارات الفاميه كترت قوى اليومين دول


انا صراحة شايف القانون محتاج تعديل :

يعنى عندك العربات النقل واللورى واحيانا الملاكى اللى ماشى من غير انوار امامى او خلفى
دى كارثة واكتر حاجة بتسبب الحوادث

طريقة السواقة

وياريت اختبار القيادة يبقى بجد و اكيد بدون اى وساطة
بجد اللى بياخد رخصة كوسة فى الغالب بيتسبب فى حوادث

وغيره وغيره

[Memo_Lancer]

+11111
النظام ده جامد جدا ياريت يطبق


بالنسبة للفاميه
انا لاحظت ناس كتير فى الهوجة دى
قالك مفيش شرطة نركب فاميه بقى ههههههه

فعلا عدد السيارات الفاميه كترت قوى اليومين دول


انا صراحة شايف القانون محتاج تعديل :

يعنى عندك العربات النقل واللورى واحيانا الملاكى اللى ماشى من غير انوار امامى او خلفى
دى كارثة واكتر حاجة بتسبب الحوادث

طريقة السواقة

وياريت اختبار القيادة يبقى بجد و اكيد بدون اى وساطة
بجد اللى بياخد رخصة كوسة فى الغالب بيتسبب فى حوادث

وغيره وغيره

+1111111111
المخالفه تبقي بلون و نوع العربيه علشان منلبسش علي الفاضي
و تخفيف الضرائب
زينون بعدسات
فاميه بدرجه معينه
ملصقات عادي
مواتير سهلوها

[BLOODY_STONE]

المخالفه تبقي بلون و نوع العربيه علشان منلبسش علي الفاضي
و تخفيف الضرائب
زينون بعدسات
فاميه بدرجه معينه
ملصقات عادي
مواتير سهلوها[/quote]

من الاخر