اريال العربية

[Ashraf_Ibrahim]

ازيكم يا شباب
اخباركم ايه!
انا في الحققة اريال العربية عندي اتكسر الحمد لله
فكنت عايز اركب غيره طبعا
سألت على المانيوال اسعاره غريبة من 15 جنيه وانت طالع والكهربا بيتراوح في رينج 130 جنيه
دلوقتي انا محتار اجيب مانيوال واللا كهربا!
وهل لو جبت مانيوال اقدر اركبه لوحدي ؟!
منتظر آراؤكم ونصايحكم يا شباب

[beshomilan]

وانا للاسف عندى اتكسر برضه الله يسامحه اللى ركبلى الكاسيت :(
انا وجهة نظرى الكهربا احسن لانه بينجز وبيطلع وينزل لوحده من غير ماتتحرك من مكانك
بس لو المانيوال ب 15 فاجيبه اوفر
واعتقد انه محتاج كهربائى لتركيبه

[Zerex]

بص يا باشا المانيوال لية ميزا والكهرباء لية ميزة اولا احب اسال حضرتك سوال

هل استخدامك للراديو كتير ام بتستخدم الكاسيت اكتر ؟
هل الاريل الكهرباء الى كان عندك بيطلع لما تشغل الكاسيت بوجة عام ولا بيطلع لما بتشغل الرديو بس ؟

بص من نحية التركيب هو سهل التركيب بس اهم حاجة تكون ايدك واخدة على الحجات دى يعنى تكون بتعرف مثلا تركب سماعات تفك فرش الباب حجات كدة لانك اولا هتفك الموكت الى فى الشنطة وبعدين هتفك الصامولة من برة عند مكان طلوع الاريل ولازم تحفظ الوان الاسلاك واماكن المصامير والصواميل دة التركيب بس المشكلة فى الموكيت انك تعرف ترجعة تانى بنضافة

بالنسبة لاخيار الاريل

لو انت الكاسيت الى عندك اول ما بيشتغل بيطلع الاريل حتى لو مشغلتش الرديو فا انا انصحك تجيب اريل مانيوال لكن لو بيطلع مع الرديو بس جيب كهربة وهتلقية فى التوفيقية ب 100 او 110 اخرة

وانا عن نفسى احب يكون مانيوال و يوم ما حب اشغل الرديو ارفع نص الاريل بس

بس لو بيطلع مع الرديو بس اتكل على اللة وجيب الكهربة

[tarekmomo]

هات الاريال الاليكترونى الى بيتلزق على الزجاج ب15 جنية وريح دماغك

[misoalex]

انا كل شويه يتكسر عندى لحد اخر واحد ملقتهوش اصلا معرفش اتسرق ولا اتكسر

جبت الالكترونى ب 10 جنيه ولزقته تحت درج التابلوه ومش باين ولا على الازاز زى بتوع المكروباصات والتاكسيات
والاستقبال بتاعه معقول عشان مركبه تحت كده

[Ashraf_Ibrahim]

طب شكله ايه يا شباب الالكتروني ابو 15 دا ؟!
معلش حد يجبلي صورة ليه !