ساعدونى فالأسعار دى

[kreka]

عايز اعرف الأسعار دى كويسه ولا بيضحك عليا

نزلت امبارح عشان اجيب شويه حجات كده للعربيه احاول اظبطها المهم لقيت

1- مرايات دوجان 70 لليمين والشمال

2- طقم طاسات للكاوتش تقريبا دى بتاعه الدوجان 35 ولقييت طقم تانى انشف شويه ومعلوش علامه شبه المروحه

3- فاميه كامل ب 50 جنيه بس كان ب 35 بس زى مانتوا عارفين بيستغلوا ان الكل بيفيم

4- سنتر لوك spy وده الريموت بتاعه شبه ريموت الإلنترا 120 جنيه

5- جهاز انزار وولف ب 160 جنيه


انا اشتريت المرايات وركبتها على البولونيز ومع تعديل بسيط الحمد لله بقت زى الفل

الطاسات لسه متردد بين الشكلين ولسه هنزل أشوف لو فى أشكال تانيه

عايز اعرف باقى الحاجات اسعاره عامله ايه عندنا فالفيوم بالنسبه للقاهره عشان لو الفرق كبير انزل اعملهم فالقاهره


السنتر كان معايا ابن خالتى ولشتراه وركبوا عنده فالستروين -- وصراحه ممتاز فعايز اعرف اخبار السعر منكم




سؤال أخير المساند بتاعه البولونيز اللى فالباب عندى متاكله قدام أجبها منين وبكام


مستنى ردودكم وان شاء الله كل حاجه اعملها ابقى اصورها

[beshomilan]

حضرتك انزل التوفيقية هتلاقى فيها كل حاجة تحتاجها وباسعار ممتازة

[tawfeek]

أنا لسه شارى السنتر اللى بتقول علية بالتركيب و بالشاى و كل النصب ده ب 170

[kreka]

حضرتك انزل التوفيقية هتلاقى فيها كل حاجة تحتاجها وباسعار ممتازة

يا باشا انا من الفيوم
فعايز اعرف الأسعار الأول عشان لو الفرق بسيط اجيب من هنا احسنلى من الالمشوار للتوفيقيه

أنا لسه شارى السنتر اللى بتقول علية بالتركيب و بالشاى و كل النصب ده ب 170

هو السنتر ب 120 بس بصراحه انا مشيت بعد ما ظبطت عربيتى عند الكهربائى وسسيبت ابن خالتى ومعاه صحبه لسه بيركبوه ولسه معرفش خد كام تركيب هشوف وقلك

يعنى رأيك 120 كويس

[madaxman]

بيقولوا في سنتر بيفتح اول ما يكون المفتاح في مدي متر عن العربيه يا تري دا بيتباع فين وسعره كام واسمه ايه

[kreka]

بيقولوا في سنتر بيفتح اول ما يكون المفتاح في مدي متر عن العربيه يا تري دا بيتباع فين وسعره كام واسمه ايه

هو موجود فغالبيه العربيات الجديده فأكيد بيتباع بس غالبا هيكون غالى عشان السينسور اللى فيه