استفسار عن فتحه السقف

[fahd_628]

يا جماعة هوة ممكن الواحد لو عربيتة مفيهاش فتحه سقف يعملها فتحه سقف و هل حتكون كهربيه ولا لأ و هل حتفتح لفوق يعنى زى فى الصورة



ولا حتفتح Sliding زى الصورة دية



اسعارهم كام و هل دة فى اى عربيه ولا عربيات معينة بس

دة بس مجرد للأستفسار

و شكرا لكم

[sh_masry]

ممكن يتعمل فتحه سقف فى اى سياره ..... و فتحات السقف مقاسات و اشكال علشان كل عربيه و نوعها و فيها sliding و اللى بتفتح لفوق و اسعارهم بتبتدى من 4000 الى مافوق و ممكن توصل ل 12000 ..... بس المهم فى اللى هايركبهالك , لازم يكون متخصص قوى فى موضوع فتحات السقف مثل ARABCOM علشان مايبوظ سقف العربيه كله و يعمل بارومه بعد التركيب .و عموما انا لا انصح بتركيبه عند اى حد و لا انصح بتركيبه اساسا الا لو كانت العربيه نازله بيه .
A7'OOK
Sherif

[fahd_628]

الف الف شكر يا باشا لردك السريع و المفيد دة

[Abdallah]

فى فتحة سقف كهرباء سعرها حوالى 3800 جنيه فى ارابكوم وايضا هنالك فتحة يدوية سعرها 3000 جنيه وانا ايضا مثل شريف لا انصح بتركيبة لانة مهما كان الى هيركبهولك محترف مش هيطلع زى الاصلى وهيلم بارومة وبلاوى تحت منه.

[hazem_khidr]

فى فتحة سقف كهرباء سعرها حوالى 3800 جنيه فى ارابكوم وايضا هنالك فتحة يدوية سعرها 3000 جنيه وانا ايضا مثل شريف لا انصح بتركيبة لانة مهما كان الى هيركبهولك محترف مش هيطلع زى الاصلى وهيلم بارومة وبلاوى تحت منه.

اذا كانت فتحه السقف الاصلي اللي بتنزل من المصنع بتجيب بارومه و مع الزمن الجوانات بتستهلك و بدخل مياه علي جوه ف ما انصحش انك تلعب في حاجه من اساسيات العربيه مهمه زي السقف مثلا و علي فكره صاج السقف بيبقي حساس اوي ف نصيحه ما تلعبش فيه

[الريس]

dont do that
I have very bad experience with my friend car
if there wasnt a sun roof
dont make any changes

thanks

[fahd_628]

شكرا يا جماعة على الردود و النصايح الغالية ديه

[amrrashed]

كمان سمعت انه بينزل من تمن العربية

[Driver]

لمما PIMP MY RIDE ينزل مصر ابقى خلليهم يركبوهالك.....ياراجل احنا شعب فكهاني و ملناش في الحركات دي :D :D

[TAREKSHEIR]

متلعبش فى العربيه أحسن حاجه تسيبها زى ماطلعت من الفبريقه

[alaaaboelata]

وانا كمان مع الاراء دى انك متعملش فتحة سقف طالما ان العربية مش نازلة من الفبريكة بيها
والله اعلم