عــاوزيـن نـفـيـم عـربـيـاتـنـا بـقـى

[midooo_119]

السلام عليكم يا شباب اخباركم ايه انا بقالى فتره الفكره عماله تلعب فدماغى انى افيم العربيه انا مش عاوزوه سوبر دارك عاوزوه يبقى وسط فياريت حد يقولنا ايه افضل الدرجات و الاسعار و الناس الكويسه فين

[mostafa mahmod]

و انا و الله العظيم تصدق بقى
اصل انا بلبس نضاره فالدنيا بليل و اللى جاى قدامك مشغل النور العالى فصباح العمى يا ريس
فقلت افيم بقى زيرو او واحد و مستنى الناس اللى هنا تقولنا بقى ايه الدنيا عشان ميضحكش علينا

[migo9898]

وانا كمان نازل افيم بكرة او بعده بالكتير ان شاء الله متابع معاكم

[gaaz]

بلاش يا جماعه عشان ما نبقاش زي الهمج
مش عشان مفيش قانون نقوم نفيم كلنا عيب والله

[mostafa mahmod]

بلاش يا جماعه عشان ما نبقاش زي الهمج
مش عشان مفيش قانون نقوم نفيم كلنا عيب والله

و الله يا باشا مش همج ولا حاجه انا زى منا كنت قايل النور بليل بيعمل عنيا و مش ببقى شايف حاجه يعنى افيم درجه خفيفه و ابقى تمام و شايف كويس و لا التزم بالقوانين و اعمل حادثه
انا معاك ان فيه همج بيعملوا حاجات ضد القانون دلوقتى علشان الدنيا سايبه و ده غلط طبعا

احنا بنتكلم على التفييم عامه يعنى مش محددين بوقت و كنا عايزيين نفيم قبل الاحداث دى و على فكره العربيات برا بتنزل اساسا بالفاميه اشمعنا احنا بقى

اهى اهى اهى اهى

[midooo_119]

و انا و الله العظيم تصدق بقى
اصل انا بلبس نضاره فالدنيا بليل و اللى جاى قدامك مشغل النور العالى فصباح العمى يا ريس
فقلت افيم بقى زيرو او واحد و مستنى الناس اللى هنا تقولنا بقى ايه الدنيا عشان ميضحكش علينا

هو حضرتك هتفيم الازاز الى قدام و لا ايه ؟؟؟؟

وانا كمان نازل افيم بكرة او بعده بالكتير ان شاء الله متابع معاكم

ياريت تقولنا الاسعار ولو فيمت تصورلنا العربيه و مبروك مقدما

بلاش يا جماعه عشان ما نبقاش زي الهمج
مش عشان مفيش قانون نقوم نفيم كلنا عيب والله

مع احترامى لحضرتك كلمه همج كبيره علينا اوى احنا بنعمل حاجه شكل للعربيه و للحمايه من الشمس و كل العالم كده فارجو من حضرتك بلاش تجريح فى الاعضاء و لو حضرتك حابب تقول كلمه فحق حد فقولها فيا لانى صاحب الموضوع وشكرا

[migo9898]

بلاش يا جماعه عشان ما نبقاش زي الهمج
مش عشان مفيش قانون نقوم نفيم كلنا عيب والله

شكرا على زوقك يامحترم وبعدين رأيك لنفسك كدة كدة هافيم

[احمد المصرى]

بلاش يا جماعه عشان ما نبقاش زي الهمج
مش عشان مفيش قانون نقوم نفيم كلنا عيب والله

معلومه صغيره لحضرتك وخلى بالك من كلمه حضرتك دى


كل دول الخليج بتفيهم وكل العالم بيفيم ودا بالقانون كمان بس درجه معقوله تسمح بالرؤيه عندنا فى مصر القانون الماضى كان كل حاجه ممنوعه بيفكرنى بالعساكر ممنووووووووع

[smartghost911]

هو الوضع القانونى إيه بالظبط ..
و التطبيق ماشى إزاى ؟؟ هل كل ما بتعدى على عسكرة بدفتر .. و لا فى الكماين .. و غرامتها إيه ..
أنا عربيتى اشترتها متفيمة من صاحبها (عنده واسطة )
و شيلته فى نفس اليوم ..
بس فعلا نفسى أفيم عشان الشمس و عشان الخصوصية برضه ..
بالإضافة إن بيخلى منظر العربية تحفة ..
و بعدين كل واحد حر فى عربيت .. ما دام مش بيؤذى حد ..

[JUVENTUS]

انا بصراحة نفسي افيم برضو
بس خلو بالكو ان فيه ناس هنا في المنتدى كانو بيقولو ان الشرطة العسكرية شالت لهم التفييم

[tamer_a7]

معلومه صغيره لحضرتك وخلى بالك من كلمه حضرتك دى


كل دول الخليج بتفيهم وكل العالم بيفيم ودا بالقانون كمان بس درجه معقوله تسمح بالرؤيه عندنا فى مصر القانون الماضى كان كل حاجه ممنوعه بيفكرنى بالعساكر ممنووووووووع

انا بس احب اوضح المعلومه دي بس
في الخليج الموضوع مش سايب زي ما الناس فاكره يعني الامارات تحديد
لو العربيه مش نازله استوك فاميه لا يسمح بلزق فاميه علي الزجاج الا في حاله ان تكون العربيه عربيه عائليه ويقوم بالترخيص رب عائله ودا حفاظا علي الخصوصيه وبرده دي عليها محددات كتير جدا
يبقي سيبنا من دول الخليج يا رب نبقي عندنا نص الانظباط اللي عندهم في المرور

[ahmed_201091]

السلام عليكم يارجالة المنتدى
انا فعلا من الناس اللى اتشالها الفاميه من الشرطة العسكرية عسان عندنا فى اسماعيلية سواقين التاكسى فايموا الترا
المهم درجت الفاميه
1-light light black
2-light black
3-black
4-medium black
5-dark black
6-super dark black
7-ultra super dark black
التكلفة كانت عندى فى السيراتو 55 جنيه مع العلم ان رول الفاميه ب 10 جنيه و الاربع ازاز بيتعمل برول و بيفضل منوا كمان

[midooo_119]

ياريت لو صور للفاميه بدرجاته عشان نقدر نحدد احنا عاوزين ايه

[gaaz]

مع احترامي لكل اللي بيفيم عشان الحر والشمس
بس فيه كمية عيال صغيرة بتفيم وبتعمل بلاوي جوة العربية اتمني يعود الانظباط للمرور تاني عشان على الاقل سواقين التكسة اللي فيمو دول

[M.FOUAD]

السلام عليكم يارجالة المنتدى
انا فعلا من الناس اللى اتشالها الفاميه من الشرطة العسكرية عسان عندنا فى اسماعيلية سواقين التاكسى فايموا الترا
المهم درجت الفاميه
1-light light black
2-light black
3-black
4-medium black
5-dark black
6-super dark black
7-ultra super dark black
التكلفة كانت عندى فى السيراتو 55 جنيه مع العلم ان رول الفاميه ب 10 جنيه و الاربع ازاز بيتعمل برول و بيفضل منوا كمان

طيب هما الشرطة العسكرية بيوفقواا كل اللي مفيمين الترا و لا اي درجة فامية