اية الكاوتش والجنط المناسب لعربيتى 127

[YaSSerwIN]

اية الكاوتش والجنط المناسب لعربيتى 127
عايز اركب جنط أكبر وكوتش أعرض

انا الى راكب عندى دلوقتى جنط 13
ودة الى مكتوب على الكاوتش
145 / 80 R 13 75 T

طبعا الكوتش دة مش كوتشها الأصلى علشان كوتشها أرفع من كدة :d

[badblood]

ممكن تجيب نفس مقاس الكاوتش على جنط سبور

[ahmed_3omda]

ممكن تجيب نفس مقاس الكاوتش على جنط سبور

فعلا الجنط الاسبور بيعرض الكاوتش اعمل بنصيحه badblood

لو داخل علي تغيير كاوتش أصلا هات 13 175أو 165 علي 65

وراجع بتاع الكاوتش عنده فكره اكتر مني علشان ممكن الكاوتش يطلع بره الرفرف ويحك معاك وليه علاج انك تنفخ الرفرف لبره شويه ويضم السوكه الداخليه للرفرف لجوه بتعملها عند اي سمكري شاطر ب 50 جنيه ;)

[YaSSerwIN]

انا عايز أكبر الجنط شوية ياعنى 14 او 15 انا كدة كدة هغير الجنط لجنط أسبور

[ahmed_3omda]

انا عايز أكبر الجنط شوية ياعنى 14 او 15 انا كدة كدة هغير الجنط لجنط أسبور

خليك في ال 13 ال 14 حيكسرلك العفشه ويفتح الشاسي :(

في ناس في احمد سعيد بيبعو جنوط صيني ب 750 جنيه انا لسه جايب واحد من هناك وكويس جدا مشاء الله بس اي جنط لزم تزود الكاوتش بأستمرار حتي يبقا اقل عرضه للكسر وانتا نازل من علي المطبات وربنا يوفقك :)

[Ahmad Allawy]

نصيحة..
ابعد عن الجنوط الصيني..
مش المشكلة انه يتكسر.. لو اتكسر هتبقي واضحة انه باظ و عايز يترمي..
المصيبة الكبيرةا نه لما بيتخبط او تنزل بيه مطبات جامدة او حفرة ولا حاجة بيتعوج.. ومش بيتعوج يعني يهرب هوا و الشفة تتعوج..
لأ انا اقصد انه يبقي بيضاوي.. و العربيت هتخرف منك.. و تخبط و ترف معاك في المشي..
وهتجننك..
الموضوع ده حصل مع واحد عندنا ف العيلة.. و هيغير الجنوط بسبب الموضوع ده..
مش هتفرق معاك 13 او 14.. بس متزودش الارتفاع قوي..
يعني لو 13 يبقي علي 70 زلز 14 يبقي علي 65..
واهم حاجة انك كل ما تخلي الحنط اصغر..
13 يعني احسن..
عشان الكاوتش كل ما تكبر الجنط سعره بيزيد قوي..
يعني فرق سعر الكاوتش ال13 من ال14 م كبير قوي,, بس اكيد اقل حوالي 50 جنيه للفردة..
ال15 بقي فيما فوق اغلي بكتيير.. الفرق هيبقي كبير يعني..

[NaderNabil]

أوعي تكبر عن ال 13 في ال127 ....عشان عفشتها ضعيفة و مزعجة....فا كل ما تكبر الجنط مستوي الضوضاء و عدم الراحة هايزيد قوي.....

أحسن مقاس عن تجربة لمده 3 سنين في ال 127 هو 165\65 R13

ده بيديك عرض حلو و في نفس الوقت شكله و ثباته علي الأرض ممتاز

و الجنوط هاتها عرض 5 مش 5.5 عشان ماتخبطش في المساعد من جوه

[YaSSerwIN]

يعنى أجيب جنط 13 أندونيسى على كاوتش 165\65 R13

[adawy]

ya regala how afeeen ahmed sa3ed dah bezabt ana 3ayez 2aro7lo yareet 7ad yewsefoh ???

[mrghost]

بص ياسيدى احمد سعيد ده امتداد ش مصر والسودان مشهور قوى بالكنيسة اللى فية او سنترال العباسية اسأل على اى حاجة منهم وانت عند رمسيس والف مين يدلك

[adawy]

alf shokr ya basha :)