اقوى منظف تابلوة

[weels74]

انا عندى تابلوة العربيه فوق الفظيع وكانه ماتنضفش من 7 سنين الراجل اللى انا اشتريت منه شكله ماكنش عنده فوط المهم مش هاقدر اوصف شكله وروحت كار كير وبصراحة مانفعش , لو حد عارف حاجه ممكن انا عملها ياريت يدلنى , نوع منظف قوى اشتريه , مكان محترم ينظفوا , او اى حل

[HeMa_LanCeR]

بص هقولك علي حل انا عن نفسي بعمله لما احب اطلع التراب اللي لازق فيه
بعمله بالفزلين الطبي
يعني تحط فزلين طبي وتوزعه كويس قوي وسيبها شويه في الشمس
وبعدين امسحه جامد بفوطه قطن نضيفه
هتلاقي كل التراب طلع معاك
وطبعا مع التكرار هينضف ويبقي زي الفل هو بس الموضوع محتاج شويه صبر ومجهود
وانت هتشوف النتيجه من اول مره بأذن الله

[weels74]

استاذ HeMa_LanCeR متشكر على الفايدة وان شاء الله اجرب واقولك

[AhmadAlaktah]

ممكن تستخدم صابون سائل مع فوطه مش مبلوله قوي

[aymangalal510]

وممكن زيت البرافين فعال برضه فى التلميع
المهم تنضف كويس جدا قبل الفازلين او الزيت او اى مواد مستخدمة فى التلميع
لان فى فرق بين النظافة من التراب اللى لازق فيه وبين التلميع عشان المظهر الجذاب
وفى النهاية الموضوع محتاج زى مقال الاخ الكريم HeMa_LanCeR شوية صبر ومجهود ومزاج رااااااااااااايق
وان شاء تشوف نتيجه مبهرة

[madeboy_53]

اغسلو كويس اوي بالمياه والصابون و بعدن تعمل ال HeMa_LanCeR قالك عليه بالظبط كل يوم لمده اسبوع بعدين هات جلسرين خام و خففوا بالمياه بس متخففوش اوي يعني ممكن سفنجه مبلوبه و تحطوا و تمسح بقه و ادعيلي على اللمعه

[smsm_nabawy]

الأول بس .. مع أحترامي لأراء الأخوة الأعضاء ...الي ماشاء الله .. تقريباً كل حاجة ممكن تساعد في الحاجات دي ... بس الأول لازم أعرف قبل مساعد حضرتك أنا كمان !!... هو خامة التابلوه أيه بظبط ؟؟ و هل مكسي جلد ولا ؟؟؟

و أيه هو بالظبط الي مضايقك فيه .. هل اتربة .. ولا بقع .. و جروح و خدوش ؟ :)

[mazenzyad]

1- بالنسبة للتنضيف دخل العربية غسيل كيماوى ب 130 جنية الغسلة
2- بالنسبة للتلميع استخدم armorall ب 25 جنية اكتر من رائع و بلاش الفزلين و الحاجات دى عشان التراب هيحبك مع الوقت

[tiger45]

بص هقولك علي حل انا عن نفسي بعمله لما احب اطلع التراب اللي لازق فيه
بعمله بالفزلين الطبي
يعني تحط فزلين طبي وتوزعه كويس قوي وسيبها شويه في الشمس
وبعدين امسحه جامد بفوطه قطن نضيفه
هتلاقي كل التراب طلع معاك
وطبعا مع التكرار هينضف ويبقي زي الفل هو بس الموضوع محتاج شويه صبر ومجهود
وانت هتشوف النتيجه من اول مره بأذن الله

+11111111111111111111111

[MOUSTAFA_SAAD]

تسلم إيدك يا باشا

[weels74]

شكرا

متشكر ياجماعه على الاهتمام وانا النهاردة حطيت الفازلين وسايب العربية فى الشمس وبعدين هاشوف النتيجة ان شاء الله يكون خير

[ahmedzizo131]

متشكر ياجماعه على الاهتمام وانا النهاردة حطيت الفازلين وسايب العربية فى الشمس وبعدين هاشوف النتيجة ان شاء الله يكون خير

بسم الله الرحمن الرحيم
المهم تقولنا على النتيجة اية فى النهاية

[mohamed1992]

متابع و مستني النتيجه

[MEDO84EG]

في انتظار النتيجه
و يا خوفي لحسن الراجل مردش بقالو ايام

[gaaz]

في انتظار النتيجة برضو حاسس انها نتيجة الثانوية العامة ههههههه