تجربتى مع الزينون ادخل لتستفيد

[mahamedaraby]

يعنى افهم كده ان الزينون الصح بين 6000 k و 8000k وده كده مش هيعمى حد

ولا لازم اضربه فى الارض

الف مبروك ياباشا

[volkeswagin]

انا الحقيقه مستغرب انت مبسوط انك عميت واحد في الشارع
ياتري يبقى ايه احساسك لو الشخص القادم في الاتجاه المعاكس عمل حادث ولا قدر الله حد اصيب او قتل
هل ياتري حتقدر تنام وانت مرتاح

لى فكره الزينون ميزته انك لو مش بصيت فى الفانوس هتشوف عادى

انا مركب زينون تلجى على بيتلز 9000كلفن المشكله انى عندى فانوس واحد وكبير فبيكبر الضوء
بس لو طفيته الناس ترمى عليك وتقولك ما انت طافى
ولو نورته تقولك مش شايفين

بس فى اختراع جميل قوى مصممى العربيات عملينه فى مرايه الصالون ومش زنبهم ان الناس مش عارفه ده بتاع ايه
مرايه الصالون اللى هى اكتر حاجه بتجيب نور فى عين السواق فيها اختراع تحتها كده يسمى زرار بتقلب بيه المرايه
هتشوف العربيه اللى منوره وراك من غير متشوف نورها

مره واحد بنيسان صنى مش ادامى فى حته كحل مينفعش اطفي فيها النور وانا منور ليا وله اصلا واعد مضايق منى انى منور عشان البس كل المطبات ونقر عشان خاطر سعاده البيه ادامى على فكره لو نور عادى بس عالى شويه الناس بتعمل نفس الموقف ملوش علاقه خالص بانه زينون

المهم اتنرفزت عليه وجيبته جنبى وقفلت عليه ونزلت ليه ودخلت عليه بكل زوق مع انى متنرفز منه
قلتله حضرتك مشاء الله العربيهه 2008 حضرتك لما يتعبك نور زى نورى كده شايف فى زرار تحت المرايه دوس عليه كده وشوفنى وانا وراك هيعمل ايه
اعد يققولى معلش اصل العربيه جديده ومش عارف فيهها مع انها ليس لها اى علاقه بموديل السياره

فا رحمه من الناس بجد مش عيب زينون عيب ناس مش فاهمه وعايزه اللى فى دمغها وخلاص

ملحوظه الزينون مفيد جدا اساسا للى عنده عشاء ليلى عشان بيوضح الطريق وتركيزه على الارض اكبر

على فكره بقى انا ساعات بيراوضنى احساس انى هخرم الفانوس بتاعى مخصوص عشان احت لمبتين كمان عالى زياده عشان اللى يفتح بقه معايا هبقى منور فى عينه 4 لمبات غتاته عشان يعرف ان الله حق بدل مهما بيقرفونا وهما مشين مفيش لمبه فى عربيتهم منوره وبيقيس الطريق بالعرض واحنا ننشن جوه عربيتهه ان فى عربيه فى الطريق ادامنا

[د-احمد عبد اللطيف]

اقتباس
"ملحوظه الزينون مفيد جدا اساسا للى عنده عشاء ليلى عشان بيوضح الطريق وتركيزه على الارض اكبر"

اللى عنده عشى ليلى يبقى حرام عليه يسوق بالليل اصلا لانه كده بيعرض حياته هو والاخرين للخطر زي بالظبط اللى عنده عمى الوان المفروض انه لا يسمح له باستخراج رخصة قياده

[remo2011]

مشكور جداااااااااااااااااا ب الصينى مش حلو ولة اية ؟
والاصلى بكام؟

[M_Abdallah]

معظم الزينون اللي في السعودية مضروب والانواع
التقليد اكتر من اللي في مصر بكتير وقليل
اوي الاصلي ودي صورة لاحد المحلات في السعودية
كاتب الاسعار عليه من بره

كل الهيلا والبوش مضروب.والفيلبس بيبقي غالي باردوا.




________________
محمد عبدالله

[volkeswagin]

اقتباس
"ملحوظه الزينون مفيد جدا اساسا للى عنده عشاء ليلى عشان بيوضح الطريق وتركيزه على الارض اكبر"

اللى عنده عشى ليلى يبقى حرام عليه يسوق بالليل اصلا لانه كده بيعرض حياته هو والاخرين للخطر زي بالظبط اللى عنده عمى الوان المفروض انه لا يسمح له باستخراج رخصة قياده

ليه اللى عنده عمى الوان مش يطلع رخصه
تعرف ان70% من الرجال اساسا عندهم عمى الوان؟
ايه علاقه عمى اللوان بالرخصه؟

[crazylambada]

على فكرة مش ميزة انك تعمي اللي قدامك
انتا كده بتاذي اللي قدامك في السواقة
و ان مكنش فارق معاك علشان انتا اللي مش بتتاذي من الموضوع ده
احب اقولك ان الطريق مفيهوش كبير
و انتا ممكن بعد الشر تقع في مشكلة في الطريق بسبب خطأ الغير
فاتق الله في التعامل

[bolvegari]

بسم الله الرحمن الرحيم

اولا بس عشان محدش يعمل نفسه مصلح اجتماعى انا قلت موضوع انى عميت واحد قدامى بمعنى انى مكنتش متخيل ان الزينون قوى للدرجه دى يعنى انا مش قاصد انى اعميه

ثانيا انا لما لقيته قوى بالطريقه دى رحت نزلت العدسات على الارض عشان معميش الى جاى فى وشى

وطبعا 90% من الى دخل الموضوع توقع انى قاصد شر مش خير

ثالثا انا فتحت الموضوع ده عشان اقول للناس تجربتى ايه مع الزينون مش عشان احكى عن ماركة صنع الزينون ولا ايه البلد الى عملته احنا بنتكلم عن الزينون بشكل عام سواء كان فيليبس او اى نوع تانى

رابعا اشكر كل الى شاركوا فى الموضوع سواء برد او بنقد

[osama]

محدش يعمل نفسه مصلح اجتماعى
بدون تعليق

[nabil246]

بخصوص عمى الألوان - منقول بتصرف

بخصوص عمى الألوان ، لا يزيد عدد الرجال المصابين به عن 8 % تقريبا .
ولا يظهر عمى الألوان عند النساء إلا نادرا ، لكن تنقله الأم إلى ابنائها دون ان يظهر عندها.
بخصوص القيادة ، يسمح لمن عنده عمى الوان باستخراج رخصة قيادة ، ذلك لأن المصاب بعمى الألوان يرى الألوان ، بصورة معقولة عندما تكون منفصلة عن بعضها (كما فى حالة إشارة المرور). واقول يراها بصورة معقولة لأنه يرى الأحمر والأخضر مثل بعض درجات الرمادى.
اما عندما تكون الألوان متلاصقة اومتقاربة مع بعضها فإنه لا يستطيع تمييز او رؤية هذه الألوان اساسا.

ما هو عُمى الألوان؟ عُمى الألوان هو عدم القدرة على رؤية بعض الألوان و التمييز بينها أو عدم القدرة الكاملة على رؤية أي لون وهنالك 3 أنواع من عُمى الألوان الأكثر شيوعاً :
عُمى الألوان الأحمر - الأخضر Red-Green Colour Blindness و هو الأكثر حدوثاً ببين الناس , و يُصيب تقريباً 8% من الرجال و أقل من 1% من النساء. و ينتج عن غياب الأقماع الحساسة للون الأحمر أو اللون الأخضر.

عُمى الألوان الأزرق - الأصفر navy-Yellow Colour Blindness و ينتج عن غياب الأقماع الحساسة للون الأزرق و هو نادر الحدوث.

عُمى الألوان الكامل Total Colour Blindness و ينتج عن غياب الأقماع تماماً من شبكية العين , حيث لا يرى المُصاب سوى بالأبيض و الأسود و هو مرض نادر جداً جداً.
عُمى الألوان مرض وراثي , أي ينتقل عن طريق الصبغات الوراثية (الكروموسومات) .

الحيوانات و عمى الالوان: معظم الحيوانات لا تدرك سوى القليل من الألوان مقارنة مع البشر، إلا أن بعضها يستطيع إدراك ألوانا اكثر. فالطيور يمكنها إدراك خمسة إلى سبعة ألوان؛ والتماسيح يمكنها إدراك اللون الأسود والأبيض والظلال الرمادية اللون.


الطريف ان المصابين بعمى الألوان يفيدون الجيوش عند إنضمامهم لفرق الإستكشاف لقدرتهم على رؤية اشياء لا يراها الأخرون ، وذلك لأن محاولة التخفى بعمل الوان كثيرة متداخلة لا تؤثر عليهم .
منقول بتصرف

[volkeswagin]

بخصوص عمى الألوان ، لا يزيد عدد الرجال المصابين به عن 8 % تقريبا .
ولا يظهر عمى الألوان عند النساء إلا نادرا ، لكن تنقله الأم إلى ابنائها دون ان يظهر عندها.
بخصوص القيادة ، يسمح لمن عنده عمى الوان باستخراج رخصة قيادة ، ذلك لأن المصاب بعمى الألوان يرى الألوان ، بصورة معقولة عندما تكون منفصلة عن بعضها (كما فى حالة إشارة المرور). واقول يراها بصورة معقولة لأنه يرى الأحمر والأخضر مثل بعض درجات الرمادى.
اما عندما تكون الألوان متلاصقة اومتقاربة مع بعضها فإنه لا يستطيع تمييز او رؤية هذه الألوان اساسا.

ما هو عُمى الألوان؟ عُمى الألوان هو عدم القدرة على رؤية بعض الألوان و التمييز بينها أو عدم القدرة الكاملة على رؤية أي لون وهنالك 3 أنواع من عُمى الألوان الأكثر شيوعاً :
عُمى الألوان الأحمر - الأخضر Red-Green Colour Blindness و هو الأكثر حدوثاً ببين الناس , و يُصيب تقريباً 8% من الرجال و أقل من 1% من النساء. و ينتج عن غياب الأقماع الحساسة للون الأحمر أو اللون الأخضر.

عُمى الألوان الأزرق - الأصفر navy-Yellow Colour Blindness و ينتج عن غياب الأقماع الحساسة للون الأزرق و هو نادر الحدوث.

عُمى الألوان الكامل Total Colour Blindness و ينتج عن غياب الأقماع تماماً من شبكية العين , حيث لا يرى المُصاب سوى بالأبيض و الأسود و هو مرض نادر جداً جداً.
عُمى الألوان مرض وراثي , أي ينتقل عن طريق الصبغات الوراثية (الكروموسومات) .

الحيوانات و عمى الالوان: معظم الحيوانات لا تدرك سوى القليل من الألوان مقارنة مع البشر، إلا أن بعضها يستطيع إدراك ألوانا اكثر. فالطيور يمكنها إدراك خمسة إلى سبعة ألوان؛ والتماسيح يمكنها إدراك اللون الأسود والأبيض والظلال الرمادية اللون.


الطريف ان المصابين بعمى الألوان يفيدون الجيوش عند إنضمامهم لفرق الإستكشاف لقدرتهم على رؤية اشياء لا يراها الأخرون ، وذلك لأن محاولة التخفى بعمل الوان كثيرة متداخلة لا تؤثر عليهم .
منقول بتصرف

وللهى معلوماتك مفيده جداااا

اما حكايه 8% او 90% دى مقدرش اجزمها لانى سمعتها مش قرتها زى مقريت اللى انت كاتبه دلوقتى
فا مش اقدر اقول مين الصح ومين الغلط
بس معلومات جامده

بس فى نوع ناس مش عارفه درجات الالوان يعنى يعرف الالوان الاساسيه بس مش يعرف مثلا الموف ده درجه من الاحمر ولا درجه من الازرق وهكذا

فا ده هيكون تحت انهى تصنيف من اللى انت كاتبه؟
وهل ده معناه انه عنده عمى الوان ولا مجرد عدم حفظ الالوان؟ ده سؤال محيرنى شخصيا :)

[Karim_Monir]

الناس عايزة تنصحك مش اكتر
ومفيناش حد مصلح اجتماعي ولا حد بيفرض رايه على حد

[nabil246]

عدم معرفة اسماء الألوان ، اوعدم الإتفاق على اسمائها

إقتباس:
بس فى نوع ناس مش عارفه درجات الالوان يعنى يعرف الالوان الاساسيه بس مش يعرف مثلا الموف ده درجه من الاحمر ولا درجه من الازرق وهكذا

فا ده هيكون تحت انهى تصنيف من اللى انت كاتبه؟
وهل ده معناه انه عنده عمى الوان ولا مجرد عدم حفظ الالوان؟ ده سؤال محيرنى شخصيا :)


إلى السيد volkeswagin

مسالة عدم معرفة درجات الألوان ،دى بتبقى عدم معرفة اسماء الألوان ، اوعدم الإتفاق على اسمائها ، فمثلا لوقلت لشخص شايف اللون (اللازوردى ) جايز ما يعرفش يجاوب ،لأن ناس كتير لم تسمع اسم هذا اللون من قبل ، وهو لون البحر الأزرق المخضر.
مادام ممكن الشخص يميز الألوان الأساسية وهى متداخلة مع الوان اخرى يبقى ماعندوش عمى الوان . وتوجد هذه الألوان المتداخلة لدى السادة اطباء العيون ، فى صورة اختبار للكشف عن عمى الألوان ، وتوجد ايضا على الإنترنت فى المواقع الخاصة بعمى الألوان .

وشكرا لإهتمامك.

[pendodo2002]

الزينون مفيد جدا وإلا مكانش نزل على معظم العربيات الجديده وخصوصا الغاليه اللي اكيد بتعدي على اختبارات كتير جدا جدا اوروبيه و امريكيه من ناحيه مقاييس السلامه
وواقع الموضوع ان الزينون صراحه و عن تجربه قياده مطوله في الامارات مبيضايقش خالص ... بس للأسف هنا في مصر الناس متعوده انها تمشي اصلا من غير نور عادي ... فمابالك باللي ماشي بزينون ... !!!!
اللي عايز فيكم يشوف العمى فعلا على الكشافات يشوف فوانيس ال Led ... بجد مش هتشوف حاجة ممكن لمده 10 دقايق ... بس تكلفه الفانوس الواحد قرابه 12000 درهم (هتحتاج 2 ) يعني تقريبا 24 الف درهم يعني 36 الف جنيه تقريبا ....
نرجع تاني لموضوع الزينون ...

اولا في مرايات كتير بتنزل في العربيات الجديده بيكون فيها سينسور اول ما تتعرض لضوء قوي المرايه بتغمق نفسها علشان تمتص الضوء و متعكسهوش لعين السائق ... وفي برضو الزرار اللي تحت المرايه اللي بيرفعها فوق ... (ودي انا شفتها في مصر على السانجيونج و البي ام )

ثانيا المشي من غير نور دا خطر كبير جدا جدا جدا جدا ان مكانش كارثه اصلا... والله العظيم والله العظيم ... كنت مره على طريق اسكندريه الزراعي على الساعه 2 بالليل وحصل مشكله (العربيه سخنت) و اجبرت اني اركن على جنب والمنطقه كانت ضلمه كحل (الكهربا قاطعه) .... شغلت كل كشافات العربيه وقتها ... ومع ذلك انا كنت شايف في المرايه لمبه صغيره (واحده) بتقرب من بعيد و اللمبه دي معموله بشكل لطيف كدا تحس انها لمبه سهاري على الناحيه الشمال بس (يعني بعيده عن عربيتي تماما)... قلت موتوسيكل ... مفيش خوف منه ...
بعد دقيقه واحده لقيت عربيه نقل Man من اللي هيا 18 عجله ... والاخ مكانش شايف عربيتي وانا مشفتهوش إلا لما انعكس النور الاحمر بتاع كشافات عربيتي على وش عربيته هوا .... وانا من رعبي بدل ما انقل الجير على الاول نقلته على التاني وقمت وقفت على الدواسه علشان العربيه تتحرك ... والله الراجل اتفاداني على شعره .... ملليمترات و كان السواق ده هيلعب بيا بولنج
فبلاش حد يتفلسف بالله عليكم ويقول اصل الفوانيس مؤذيه ومعرفش أيه ... لان الناس اصلا معترضه على ان العربيات ماشيه بوانيس اصلا .... بغض النظر زينون ولا لأ

ثالثا بخصوص عمى الالوان
الموضوع ده طويل جدا جدا و بيجيش من مقال ولا اتنين ممكن الواحد يقرأهم من على النت ... وده من واقع كوني طالب بكليه الطب ... العقلي البشري بيعيد برمجه نفسه على درجات اللون للتدريجات الموجوده و من خبرته الحياتيه ... في واقع اللا وعي مجرد النظر على اي لون ممكن الشخص يعرف اللون حتى لو هوا مش شايفه اصلا ... فا الموضوع كبير ...

رابعا بخصوص العشى الليلي
برضو موضوع طويل ولكن فيه خطوره عاليه جدا خصوصا القياده بالليل ... ولكن عند القياده باستعمال المصابيح -مش زي اخوانا اللي بيوفروا كهربا- المريض بيشوف بشكل عادي نسبيا خصوصا لما يكون في مصابيح اناره كمان للشارع نفسه كويسه

خامسا بخصوص شركه فيلبس
فهي شركه هولنديه وانا (كل) الالكترونيات اللي في بيتي منها -من الصاله للمطبخ- (طبعا اشتريتها قبل موضوع الرسومات) ولكن نذكر ان تقفيلها الماني و كتير من القطع بتاعتها بتتصنع في المانيا


يا جماعه اللي عايز يقدم نصيحه بلاش اسلوب الهجوم ... خلي الموضوع حواري
تحياتي للجميع

[crazylambada]

بص يا باشا موضوع انها مؤذية فده مفيهوش فصال
ثانيا السيارات الحديثة فوانيسها بتبقى مجهزة ان الضوء بتاعها ما يتشتتش
و اعتقد ان في نسب من الحوادث سببها النور المبهر
ما بالك بالزينون
ثانيا ممكن حضرتك بتستخدمه كويس
بس في ناس رخمة بتبقى قصدة تاذي الناس
و اكيد حضرتك عديت عليهم
اما بالنسبة للموقف المحرج اللي اتعرضتله
الحمد لله ان ربنا نجاك منك
بس اللي بيوقف العربية بيوقفها على جنب
المهم ممكن اسال سؤال
ايه اللي يحصل لو عربية نقل ركبت زينون
شوف كام حادثة حتحصل بسببه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟