سؤال لخبراء الانذار والسنتر..!!!

[zeko2222]

السلام عليكم ورحمة الله وبركاتة

انا معايا فرنا فيفا..تمام
وعايز ااغيرها الانذار والسنتر الخاص بيها
فا عايز اعرف نوع نضيف للانذار والسنتر...؟؟
ومكان تركيب كويس وهل بيدى ضمان على التركيب ولا لأ..؟؟
او لو ممكن مكان الشراء والتركيب يكون مكان واحد...
مع العلم انى من سكان 6اكتوبر

شكرا للجميع

[Angel_wolf]

توكيل ولف فى سوق القنال الدولى
السنتر والانذار 285 وحاجة زى الفل وتقفيل نضيف جدا جدا جدا
انا لسة مركب من كام يوم وفى واحد هناك اسمة وعمرو ومعاه واحد تانى بنظارة كدة ممتازين جدا وكمان بيركبوا قاطع المارش الى بيقطع الكهرباء عن العربية فى حالة انها متفتحتش بالريموت وبيشغلوا كل امكانيات الانذار على عكس المحلات الى فى الشارع اخرهم السرينا وشكرا على كدة
بس انت ابقى روح الاول للواد الى هيركبلك وقلة على الى انت عايزة وظبطة فى الاخر

[zeko2222]

شكراا جدا لردك
طيب ممكن عنوان السوق بالتفصيل...وهل السعر شامل التركيب؟؟ والضمان قد اية؟؟

[Angel_wolf]

شامل التركيب والضمان 5 سنوات على الانذار وسنة على السنتر

[zeko2222]

الف شكر جداا ليك
بس ممكن عنوان السوق بزبط انا عارف انة فى جسر السويس !!

وشكرا ليك مرة تانية

[magd_helm]

معلش يا باشا هو السعر شامل قاطع المارش
والعنوان بالظبط فين لو جاي من على الدائري

[Angel_wolf]

السعر شامل فاطع المارش والتركيب وكل حاجة

وابقى قلة صاحبى جة ركب يوم الاحد فى عربية فرنا سلفر وبيشكر فيك اوى
دة لو عمرو او التانى ابو نظارة الى معاه الى ركبلك بس ابقى راضية

هو بالتحديد والله انا معرفش ازاى من الدائرى
الطريق الى انا خدتة طلعت كوبرى المطار نزلت اول نزلة شمال ومشيت بعد الكوبرى شمال واخدت تانى يوترن فى اول شارع يمين هتلاقى نفسك هناك وممكن تسال بعد ما تنزل من الكوبرى طوالى

[mostafa mahmod]

بص يا باشا لو انت جاى من الدائرى من ناحيه المرج هتخرج من فتحه مصر الجديده (( موقف العاشر )) و
2 - تفضل ماشى فى جسر السويس هتلاقى كوبرى متطلعهوش و انزل من تحتتيه و افضل ماشى شويه لغايه ما هتلاقى شريط قطر قاطع الطريق خد اول يو ترن بعديه هتلاقى مشتل بتاع زرع هتلاقى التوكيل وراه


انما لو جاى من الدائرى ناحيه زهراء مدينه نصر هتنزل نزله السلام و تلف الصينيه شمال و بعد كده شمال هتلاقى نفسك وصلت (( موقف العاشر )) و تكمل بقى المشوار زى رقم 2 كده

و الف مبروك مقدما

[saadelden]

ليهم فرع في اكتوبر

[Ashraf_Ibrahim]

بما انك من سكان اكتوبر فهما ليهم فرع في اكتوبر هيكون اقرب ليك

[zeko2222]

طيب ممكن عنوان الفرع فى اكتوبر
لاحسن كدة مشوار كبير جداااااا

[medoampir]

معلش يا zeko2222 بقى انا هاستغل الموضوع بتاعد بدل ماكتب موضوع جديد

دلوقتى انا معايا شيفروليه لانوس 2010 وعايز اركب انذار وسنتر ووحده رفع
وسمعت اراء عن 3 اماكن محتار بينهم هما ادريانوكلاريون و توكيل وولف
بس حد قالى ان وولف مش هايركب وحده الرفع لانها بتعمل مشاكل مع اللانوس من اول 2010
انا ممكن ادفع حتى لو اكتر من 1000 جنيه بس ميحصلش مشكله بعد كده وتكون جوده الاجهزه والتركيب عاليه

اروح لمين من الاماكن دى؟
رقم التليفون علشان اسال على اقرب فرع؟
انا ساكن فى المهندسين - اقرب فرع ليا ايه؟
هل فعلا وحده الرفع بتسبب مشاكل فى لانوس؟
الموضوع كله يتكلف كام؟

وياريت حد يقولنا فرع اكتوبر فين علشان اخونا zeko2222 ؟

شكرا...

[Angel_wolf]

اكتوبر دة المصنع و وحدات الرفع هما كاتبين انها بتعمل مشاكل بس لو غير مطابقة للمواصفات بتاعتهم هما يعنى لو كلوا ولف مفيش مشكلة وطلما هما الى هيركبوا يبقى كلوا تمام اوى

فى واحد هناك اسمة عمرو شاطر اوى لو حتى قلك اصلهم هنا بيقولوا لا علشان مش عارف ايه قلة اعمل انت وملكش دعوى وابقى زرفة و قلة صاحبى جة ركب عندك فى الفرنا السلفر يوم الاحد الى فات و اتفق معاك على موضوع الشنطة بس دة لو هو عمرو مش حد تانى علشان متعملوش مشاكل واى استفسار انا فى الخدمة وبعد الصلاة هصورلكم الريموت بتاع الانذار وكل حاجة

[Ashraf_Ibrahim]

دا رقم تليفون فرع جسر السويس
26239571
26294729
بيركبوا سنتر وانذار بنضافة جامدة جدا وشغلهم حلو جدا وعن تجربة
ووحدات الرفع بيركبوها
عمرو اللي زميلنا العزيزي بيتكلم عليه قلي اغيرلك الأربع بيبان بالفرش كهربا بوحدات الرفع ب 1200 جنيه بمصنعيتهم كمان
فانت مش محتاج تعتقد انك هتدفع كتير فمتقلقش وتركيبهم نضيف وسيبك من اللي بيقول انها بتعمل مشاكل من 2010 وانت طالع
لأن فعليا حاجة يزي اللانوس والفيرنا مبيحصلش عليها تعديلات تخلي موديلاتها تفرق عن بعضها اوي يعني

[Angel_wolf]

دا رقم تليفون فرع جسر السويس
26239571
26294729
بيركبوا سنتر وانذار بنضافة جامدة جدا وشغلهم حلو جدا وعن تجربة
ووحدات الرفع بيركبوها
عمرو اللي زميلنا العزيزي بيتكلم عليه قلي اغيرلك الأربع بيبان بالفرش كهربا بوحدات الرفع ب 1200 جنيه بمصنعيتهم كمان
فانت مش محتاج تعتقد انك هتدفع كتير فمتقلقش وتركيبهم نضيف وسيبك من اللي بيقول انها بتعمل مشاكل من 2010 وانت طالع
لأن فعليا حاجة يزي اللانوس والفيرنا مبيحصلش عليها تعديلات تخلي موديلاتها تفرق عن بعضها اوي يعني

ماهو قالى نفس الكلام ما انا مركب فى فرنا بردوا السنتر والانذار