بخصوص شريط الليدات

[marco14]

انا عايز اعرف اشتري شريط الليدات منين

و ايه احسن نوع ولا مش هتفرق

انا هشتري واحد 60 سم و واحد 30 سم
عايز اعرف اسعارهم عشان ميضحكش عليا

[eng_tefa]

اى حاجه كله واحد
ال 30 ب 5
وال60 ب 10 وهكذا فى التوفيقيه .... اى حد بتاع اكسسوار ال 30 ب 7
انت هتركبهم فين

[marco14]

و يا ترى في كل الالوان ؟


هركبهم فين دي مفاجأة استناها في موضوع سوم الجمعة بليل

[eng_tefa]

اه هتلاقى الوان كتير
ابيض وابيض تلجى - ازرق - احمر - اخضر - كوكتيل الوان - اصفر

[tarekmomo]

فى انتظار المفجأة

[marco14]

انا عايز اجربهم

محدش يعرف اجربهم على ايه ؟

[marco14]

ايه يا جدعان

محدش يعرف اجربهم على ايه


اصل انا شاكك ان الراجل اداني لون غير اللي انا عايزه و عايز اتأكد

[FunnyMickey]

اشتري الادابتور بتاع الاتاري ده ودخل طرف في اي جاك والطرف التاني لمسه بنفس الجاك حينور بس متنساش تظبطه علي 12 لو جايبه متحرك

وعاوز اقولك علي حاجه
متحطش شريط الليدات ده في مكان مستخبي او متعرفش تغيره تاني عشان حيتحرقوا
وممكن تجربه تلاقيه اصلا فيه ليدات محروقه

اشتريت منهم 4 باظ منهم اتنين بعد ما روحت البيت

[marco14]

جربتهم و لاقيت الراجل مديني ال 60 سم ابيض و انا قايلوا ازرق و ال 30 سم واحد مش شغال و التاني كله اخضر ما عدا لمبة واحدة بس الزرقة


هنزل ابدلهم بكرة :(

[FunnyMickey]

ده الطبيعي ياباشا عادي
متزعلش
ولو عاوز حاجه نضيفه تعيش معاك قولي
بس غاليه خد بالك

[marco14]

طبعا عايز حاجة نضيفة

بس في حدود كام ؟



انا كدة كدة هبدل اللي معايا بكرة بس لو في حاجة نضيفة ممكن اتصرف فيهم

[FunnyMickey]

حتنزل سوق الكهرباء في عبد العزيز
حتلاقي محل اسمه انجيليوس
هوا الوحيد اللي بيبع شريط الليدات ده
بس بييعه المتر ب45 جنيه
المقاومات اللي فيه اعلي والليدات اللي فيه اكبر
وتتحمل التشغيل وقت طويل

وفيه منه الوان بردو
روح اتفرج عليهم قبل ما ترجع اللي معاك

[marco14]

لأ الصراحة دول كدة غاليين مش عليا
غاليين على الهدف اللي انا جايبهم عشانهم


انا هرجع اللي معايا و هبدلهم و مش همشي من عند االراجل غير لما يجربهملي عنده

[CERATO0O]

انا اعرف محل بيبيع ال 30 ب 3.25
ال60 ب 6.25
ده رقمي عشان لو حبيت تعرف هو فين
0122239468

[marco14]

الف شكر ليك يا باشا

بس انا خلاص جبتهم من التوفيقية و ركبتهم خلاص


و ان شاء الله يومين و هنزل موضوع فيه الصور و كل حاجة