Wd40 الاسطورة الفاشلة

[keko]

الموضوع ده انا عامله اصلا لانى استغربت جدا بقالى فترة طويلة بسمع عن wd40 اللى بيشيل اى حاجة وبيظبط كل حاجة وكل اللى يقول عنده مشكلة يقولوله هات wd40 لحد ما قلت خلاص نجرب الاسطورة دى رحت عند واحد مضمون علشان يكون اصلى وحطيته فى الشنطة وخلاص

بعد فترة كان عندى بقعة شحم وزيت على السقف بقالها مده افتكرت طبعا الاسطورة قمت مطلعة وراشش ومسحت مفيش اى حاجة طلعت !! قلت يا واد يمكن بياخد وقت بقيت ارش واسيبه شوية كويسين برضه مفيش المهم بعد محاولات مستميتة زهقت رحت جايب شوية جاز ومسحت بيهم البقعة طلعت فى ثوانى !!!!

انا قلت يا واد دا اسطورة وانا اللى مش فاهم

بعد فترة كان عندى مسمار مصدى ومش راضى يحل قمت مطلع الاسطورة ومغرق المسمار وهات يا فك مفيش رشيت يمكن ربع العبوة عليه ودا فى الطراوة اخر ما زهقت قمت جايب نقطتين زيت باكم حطيتهم على المسمار قام حالل صارووووخ !!!

انا قلت يا واد دا اسطورة وانا اللى مش فاهم

بعد فترة كان عندى اثار لزق بتاع ستيكر على الازاز ومحتاج يتشال قلت اكيد بقه دا الاستخدام الامثل للاسطورة رحت راشش كويس وماسك سلاح قطر واشيل يمين شمال مفيش امل اخر ما زهقت عملتها بمية دافية وسلاح القطر خدت مجهود بس راحت والمية اديتنى نتيجة احسن من الاسطورة !!

انا قلت يا واد دا اسطورة وانا اللى مش فاهم

بعد فترة قلت اجربه على مفصلات الببات اللى كانت بتعمل عندى مزيكة حسب الله مع الفتح والقفل قمت جايب الاسطورة وقعدت ارش ارش والنتيجة كانت مبهرة "زئ زئ " او "ائ ائ" وطبعا حل المشكلة كان شوية زيت موتور وشكرا !!!

طيب بعد كل ده ممكن افهم ايه استخدام الاسطورة wd40 غير حرقة الدم !!!

[dr.hazem]

اضح انك رحت لحد وادالك واحده مضروبه
او انك مكنتش بترج العبوة قبل متستخدمها
لان الدبليو دي اسطوره فعلا وحاجه فوق الوصف بالتجربه مش من كلام الناس
ده انا فاكر والدي لما كان بيستخدمه من اكتر من 15 سنه
انا وعيت عالعربيات والدبليو دي كان موجود لحد اما بقا عندي عربيتي واستخدمته

مفصلات البيبان في البيت بستخدمه عليها وحاجه تفتح النفس
فأكيد في عندك حاجه غلط


تحياتي

[A.Saad]

فيه انجليزى وفيه صينى وفيه تقليد ليه كتير
اتاكد انه الانجليزى

[mikology]

انا بستخدمه فى الببان و النتيجه روعه

[haroun707]

احب اقول لحضرتك ان اللى اشتريته ده

مضــــــــــــــــــــــروووووووووووووووووب

[keko]

اضح انك رحت لحد وادالك واحده مضروبه
او انك مكنتش بترج العبوة قبل متستخدمها
لان الدبليو دي اسطوره فعلا وحاجه فوق الوصف بالتجربه مش من كلام الناس
ده انا فاكر والدي لما كان بيستخدمه من اكتر من 15 سنه
انا وعيت عالعربيات والدبليو دي كان موجود لحد اما بقا عندي عربيتي واستخدمته

مفصلات البيبان في البيت بستخدمه عليها وحاجه تفتح النفس
فأكيد في عندك حاجه غلط


تحياتي

مانا وضحت انى اشتريته من تاجر ثقة جدا

فيه انجليزى وفيه صينى وفيه تقليد ليه كتير
اتاكد انه الانجليزى

هوا غالبا كان انجليزى او امريكى واستيراد حمدى قنديل

انا بستخدمه فى الببان و النتيجه روعه

امااااااال فى ايه غلط معايا !!!!!!!1

[mikology]

مش عارف بص لو تحب تجرب اللى معايا انا تحت امرك

[kar!m]

يا راجل حرام عليك .. ده انا بستخدمة فى كل حاجة خصوصا الصدا.

على رأى واحد .. من كتر حبى فيه قربت استخدمه معطر للجسم (Body Spray)

[BLOODY_STONE]

ههههههههههههههههه معلش معلش
... يمكن اللي مع حضرتك مضروب لأنه فعلا اسطورة و كل الحاجات اللي حضرتك بتقول عليها دي حصلتلي و اخرها كان لزق عالعربية ... رشيته و اللزق ساح ووع لوحده من غير ما المسه ... اتأكد ان النوع اللي مع حضرتك انجليزي...

[m7mda7md]

انا مش مصدق عنيا ههههههههه...انا عمري ما استخدمت الاسبراي ده بس سبحان الله...ايه التناقض الرهيب ده !!...انا حاسس ان الشباب بيهرجوا معاك و هيقولولك ف الآخر ان ده برنامج الكاميرا الخفيه و هيعترفوا بفشله هههههههههههههه

[Ghost2]

يا باشا ده سبراي بيشتغل لاي حاجه ... ده فاضل نستعمله شاور جيل او كريم حلاقه ... الحل السحري

[SASA3]

انا الى معايا تقريباا هندى علشان مكتوب عليه من تحت لايباع فى الهند؟؟

[ashouhdy]

ياراجل حرام عليك دة انا قربت احطة على السلطة !

[dr.hazem]

كل اللي شككو في الدبليو دي

ادي ملف فيه اكتر من 2000 استخدام ليه

على الله حد يقتنع بس
wd-40_2000 uses.. hm414..nilemotors.com.rar


تحياتي

[samcar]

اضح انك رحت لحد وادالك واحده مضروبه
او انك مكنتش بترج العبوة قبل متستخدمها
لان الدبليو دي اسطوره فعلا وحاجه فوق الوصف بالتجربه مش من كلام الناس
ده انا فاكر والدي لما كان بيستخدمه من اكتر من 15 سنه
انا وعيت عالعربيات والدبليو دي كان موجود لحد اما بقا عندي عربيتي واستخدمته

مفصلات البيبان في البيت بستخدمه عليها وحاجه تفتح النفس
فأكيد في عندك حاجه غلط


تحياتي

صح الكلام - انا مستغرب - المستحضر ده ما شى معايا كويس فى حاجات كتير - بس حتة تنضيف بقع دى اظن هو مش منظف- لكن فى فك الصدا وتزييت المفصلات بيبقى فعال جدا