مشكلة غريبة في وحدات رفع الزجاج؟؟

[hemoktar]

السلام عليكم:
عندي "نيسان تيدا" 2011 ، ورحت ركبت "وحدات رفع زجاج" في التوكيل ... بس فيه حاجة مش عارف هية ليها حل ولا لأ ...... إن وحدات الرفع بتشتغل مع كل قفل لزرار "LOCK-Door" من الداخل ؟؟؟
هل ده طبيعي؟؟ ولا ليه حل عشان أنا عايز وحدات الرفع تشتغل مع الريموت فقط...!!!
أرجو الإفادة .. وشكراً.

[Ayman-Ahmed]

هترجعلهم تانى ويغير التوصيلة ويخليها على الانذار بدل ما معمولة على الاوتاماتيك لوك. كان عندى نفس الموضوع وزهقت كل ما اتحرك وافتح الازاز يقفل تانى.

[hemoktar]

شكراً علي الرد ... بس أنا معنديش إنذار .. مجرد ريموت بيقفل السنتر .. و ده الفابريكة إلي جاي معاها .. هل ينفل معه نفس الحل ؟؟

[Ayman-Ahmed]

العفو يا افندم.لا كدة انا مش هاقدر افتى.لاننى موصلها على الانذار.

[abo_kanze]

السلام عليكم ورحمة الله..

مينفعش لازم يقفل مع قفل الباب. ويمكن ينفع بس متاكد انه ما ينفعش نحياتي لك

[gamal_tx]

السلام عليكم ورحمة الله..

مينفعش لازم يقفل مع قفل الباب. ويمكن ينفع بس متاكد انه ما ينفعش نحياتي لك

+
+++1

[نينو]

باشا هينفع عادي المهم يكون السنتر بيقفل الباب هو بيوصلهم علي المسوجر بتاع الباب اول ميقفل الوحدة بتشتغل علي الازاز ان شاء الله سهلة و بسيطة متقلقش

[HeMa_LanCeR]

مش هينفع
لأن العربيه مافيهاش جهاز انذار
فا هو بياخد الأشاره من المسوجر
يعني مافيش حل غير انك تركب جهاز انذار خارجي

[Salamonti]

بما انك ركبت وحدات الرفع افهم من كده انك مش عاوز تخرج م الضمان..
يبقا تركب إنذار في التوكيل برضه

هو فيه حل تاني بعمل فكرة توصيل باستخدام كتاوت
لكن دي مش هاتنفع في التوكيل لأنها عاوزة كهربائي حلنجي

[abo_kanze]

باشا هينفع عادي المهم يكون السنتر بيقفل الباب هو بيوصلهم علي المسوجر بتاع الباب اول ميقفل الوحدة بتشتغل علي الازاز ان شاء الله سهلة و بسيطة متقلقش

حضرتك معلش حاول نوضح اكتر.. ايه اللي بيركب ع المسوجر.

[نينو]

قولك ياباشا انا كان معايا اكسيل كان مفيهاش انذار بس فيها سنتر اللي هو باللريموت ده المهم نزلت التوفيقية و روحت عند عبد الحكيم و قولتلو عاوز اركب وحدات رفع مع السنتر قالي مفيهاش انزار قولتلو لا المهم الراجل فك المسوجر نفسو برة و ركب في حاجة و اشتغلت عادي و قالي الازاز هيطلع مع قفلة المسوجر عادي اتمني اكون عرفت اوصفلك

[virus2007]

ايوة هو كدة صح

لو عملت لوك للابواب حيقفلك الشباك لانو بيشتغل لما تلوك الابواب واعتقد دى الطريقة الافضل عشان لو قفلت العربية ونسيت مثلا فيقفل لوحدوا

[hemoktar]

أخيراً الموضوع أتحل.. لأي حد ياجماعة عندو تيدا ٢٠١١ ... مهم جداًًًاًاً ... ليها وحدات رفع زجاج مخصوصة غير أي موديل تيدا تاني .. وبتشتغل عادي مع الريموت فقط .. ده بعد ٤ زيارات للتوكيل .. دلوقتي بتشتغل مع الريموت فقط زي الفل .

[Magdyahassan]

أخيراً الموضوع أتحل.. لأي حد ياجماعة عندو تيدا ٢٠١١ ... مهم جداًًًاًاً ... ليها وحدات رفع زجاج مخصوصة غير أي موديل تيدا تاني .. وبتشتغل عادي مع الريموت فقط .. ده بعد ٤ زيارات للتوكيل .. دلوقتي بتشتغل مع الريموت فقط زي الفل .

مبروك ياباشا وربنا يبارك لك فيها