إلي اصحاب الخبره في اللمض الهالوجين العاليه

[m7mda7md]

السلام عليكم
العربيه فيرنا و عاوز اغير الهيد لايت ال هيه اللمض ال h4 و عاوز اجيب حاجه عاليه مش اقل من 100/140...السؤال بأه اجيب نوع ايه و تمنها كام و هحتاج كتاوت ولا لأ...ألف شكر مقدما

[hugan]

متابع جدا

[eldell]

ممكن تشوف الموضوع ده هييفيدك كتييير

http://www.nilemotors.net/Nile/206211-140-100-60-55-a.html

[Ramy_2R]

أنا مركب عندى 200/260
و ركبت معاهم كتاوت تركى واحد
نوع اللمبات كان ألمانى ..بس ماركه غريبه .. اللمبه فى حدود 25 جنيه

[m7mda7md]

فل يا رجاله .....الف شكر....بس لسه في سؤال !!!!
الكتاوت ده هو حاجه واحده.....يعني باختلاف الانواع ...هل النوع الواحد فيه كذا حاجه؟....يعني التركي مثلا النوع الفلاني في حاجه قويه و حاجه اضعف و كده ولا لأ؟..... يعني ال Elio مثلا هو كتاوت واحد و السلام ولا قدرات؟

[m7mda7md]

طب يا رجاله انا عندي كتاوت اعرف ازاي انه شغال ولا عمره انتهي؟

[Ahmed_Ramadan]

روح لكهربائى يشوفلك الدنيا فيها إيه و نصيحة جيب الحاجة كلها بإيدك و إتفق معاه على المصنعية قبل الشغل المصنعية تعمل 30-35 جنيه و هات اللمبة النيرفا مش التنجسرام

[eldell]

محمد حبيبى اتصدق اول مره اخد بالى دلوقتى ان الموضوع ه بتاعك مش بقولك انا خايف افتح علبه السجاير الاقيك طالع منها ياكبير موفق بس اقولك على حاجه فكك من كل ده وركب زينون واخلص وركبله عدسات هيبقى تحفه وكان فى موضوع عضو معانا اسمه اشودى عامله فى فيرنا برضه وكان تحفه بجد

[m7mda7md]

ابو عادل ماشي ياعم منا قولتلك مش هفتح نت تاني ههههههههههه...بيني و بينك انا بقيت دماغي ف الاصلي و يوم ما هجيب زينون هيبقي من توكيله بإذن الله...رحت النهارده اسأل ع اللمض الراجل قالي اجبلك زينون عالي واطي زينون ب 370 جنيه قلتله لا ياعم ميلزمنيش طالما مش
اصلي...لقيت صح الكتاوت ال عندي مكتوب عليه ألماني و لونه ازرق فاتح كده...الخلاصه بأه كام يوم كده و انهي الحوار بإذن الله

[eldell]

ابو عادل ماشي ياعم منا قولتلك مش هفتح نت تاني ههههههههههه...بيني و بينك انا بقيت دماغي ف الاصلي و يوم ما هجيب زينون هيبقي من توكيله بإذن الله...رحت النهارده اسأل ع اللمض الراجل قالي اجبلك زينون عالي واطي زينون ب 370 جنيه قلتله لا ياعم ميلزمنيش طالما مش
اصلي...لقيت صح الكتاوت ال عندي مكتوب عليه ألماني و لونه ازرق فاتح كده...الخلاصه بأه كام يوم كده و انهي الحوار بإذن الله

بالتوفيق ياكبير

[m7mda7md]

حد عنده حاجه عاوز يقولها قبل ما انزل اشتري عشان بصراحه مش طالبه معايا اتشمبر ف الحوار عشان حاجه تافهه هههههههههههههه