أنا محتار أرش الطاسات أنهي لون فيهم ؟؟؟

[zakar0tta]

السلام عليكم ياجماعة

بكل بساطة زي ما أنتو شايفين في الصور جاتلي فكرة ان انا ارش الطاسات بدل ماهي كانت مخربشة من ساعة ما كنت بتعلم الركن لسة وشكلها معفن وكنت عاوز اشتري طاسات جديدة وبعدين قلت لنفسي ما اجرب ارشهم الأول يمن شكلهم يبقي أحلي وبالفعل رشيت الأول واحدة بيضاء وبعدين قلت لنفسي الأزرق بردة ممكن يبقي جامد ما انا اتعلمت بقة خلاص وبعدين بصراحة محتار حيرة منيلة بستين نيلة لان الاتنين عجبوني

قلت لنفسي بس مافيش غير نايل موتورز و أصحاب الذوق الرفيع هما اللي هايفيدوني ها إية رايكم مع العلم ان الحالة المادية عاملة زي البلد بالظبط علشان ماحدش يقولي هات جنوط. اسف للاطالة.

http://img842.imageshack.us/img842/5286/190520112675.jpg

http://img852.imageshack.us/img852/5464/190520112676.jpg

[elewey]

فى راى الشخصى الابيض بس عايز بقى نصيحة من الاخر هات طقم جنوط

[marco14]

الابيض اشيك على العربية

[madaxman]

الابيض اشيك على العربية

+++++++1
فعلا تحس الازرق كدا كان نفسه يبقا جنط ومعرفش

[keko]

ابيض * ازرق
اسود مط * ازرق
فضى * ازرق
هتنطق العربية بس يكون الازرق اقل من اللون التانى (حسب رسمة الطاسات) ولو جبت اسود هات المط خالص ولو جبت فضى هاته من محل كبير ويكون فضى نيكل لميع مش الفضى المعفن اللى شبه الرصاصى علبة الاسبراى كبيرها 8 ج يعنى 16 ج وواحدة لزق 2 ج وقشطة

[wael ahmed]

+++++++1
فعلا تحس الازرق كدا كان نفسه يبقا جنط ومعرفش

looooooooooooooooool
الابيض احسن علشان درجه الازرق مش لايقه على العربيه
ممكن ترشهم سلفير

[Ashraf_Ibrahim]

خليها كلها فضي وخلي فيها خطوط بيضا كأنها رسمة جنط فعلا
اول العربية ما تتحرك هتدي ايحاء للي يبص عليها انهم جنوط مش طاسات وكمان هيكون شكلهم جميل جدا

[m7mda7md]

لو مصمم ترش خليك ف الابيض.انا لو مكانك لو الطاسات متبهدله خالص اشيلهم ولا أرش ابيض ولا ازرق!

[ahmedzizo131]

بسم الله الرحمن الرحيم
الابيض طبعا منور العربية

[weller]

بص ياباشا الابيض احسن بس ياريت متعملوش كله ابيض يعني اديها حته ابداع كده ارسم رسمه بحيث تديك مع الحركه شكل جنط
ومعلش عاوزك تقولي علي حاجه هوا انا لو هشتري اسبراي ده اروح للراجل اقوله عاوز ايه ؟

[M_SALLAM]

انا رأيى الشخصى ولا ابيض ولا ازرق , حضرتك تروح تشترى طقم جنوط لانوس محترم ب 85 جنيه و تريح نفسك ....

[_Ahmed_casper_]

هو الاسبراى ده اسمه ايه؟ و مش هيتشال مع الشمس و الغسيل؟
اصل فى انواع بتتشال بسهوله و انواع بتثبت كويس

[zakar0tta]

طبعا ياجماعه شكرا عل مشاركاتكم الجميلة دي الموضوع شكله كده إجماع خلاص مافيهاش كلام ابيض طبعا مع احترامي لكل الأراء بس الستفتاء كان فيه ديمقراطية والنتيجة طلعت كده بكل شفافية :d

بالنسبه لطلبات إني اخليهم كانهم جنوط الكلام ده صعب جدا وعمره ما هيظبط خصوصا ان مافيش رسمه في الطاسة انما انا كنت بفكر اخلي علامة اللانوس اللي في نص الطاسة بلون مختلف فضي او ازرق انما لو عملت خطوط هتبقي فعلا زي التعليق الجامد ده كان نفسها تبقي جنط وماعرفتش

بص يا ويللر هاتروح لأي محل حدايد وبويات بلاش تروح لكماليات السيارات لانك هتلاقية ضعف التمن وهتؤله انا عاوز سبراي اللي بيرش العربية واختار اللون اللي يناسبك في الوان كتير لدرجة انت ماتتخيلهاش و الا زازة بحوالي 7 جنية وفيها كتيييير.

دي صورة الاسبراي يا أحمد كاسبر بالنسبة لقوتة علي المدي الطويل بصراحة لسة ماجربتهاش خصوصا ان انا شلت الطاسات لحد ما استقر علي لون بس النوع ده مكتوب غلية انو اماراتي وفي انواع تانية مش مكتوب عليها اي حاجة خالص بخصوص المنشا (تحت السلم ياكبير)

http://img692.imageshack.us/img692/4593/230520112682.jpg

[gaaz]

انا رأيى الشخصى ولا ابيض ولا ازرق , حضرتك تروح تشترى طقم جنوط لانوس محترم ب 85 جنيه و تريح نفسك ....

والنبي هاتلي من الجنط ابو خمسة وتمنين جنية ده خمستاشر واحد عشان ابقى ابدل بينهم عشان انت عارف الواحد بيمل من الجنوط ههههههههه

[ahmedabutaleb]

والنبي هاتلي من الجنط ابو خمسة وتمنين جنية ده خمستاشر واحد عشان ابقى ابدل بينهم عشان انت عارف الواحد بيمل من الجنوط ههههههههه

لا ياباشا اعتقد ان الراجل كان يقصد طاسات مش جنوط يعنى ممكن الكلمة خانتة بس