ترحولى انذار اسباى ولا اسباى 2

[virus2007]

النهردة رحت عشان اسال على انذار

الراجل قالى احسن نوع اسباى العادى

فسالتوا على اسباى 2 زى مقريت فى المنتدى هنا عنة

قالى بيهنج كتير

وقالى عن تجربة لكل العملاء بتوعى ان اسباى العادى احسن واحد


فسؤالى للشباب الى مركبين الانذار اسباى او اسباى 2

مين افضل والاسعار عاملة اية بردوا احب اعرف ؟

الراجل قالى سعر الاسباى العادى ب 185

منتظر ردودكم

:)

[bondjames]

2 بقى له سنتين ولاهنج ولا مرة - من غير تفكير - 2

[virus2007]

شكرا لردك السريع بس سعروا كام واجيبوا منين ؟

[gaaz]

اتنين طبعا بدون ادني تردد بس اهم حاجة ركبه عند كهربائي بيفهم
هاته من اي حته سعره تقريبا 420 على ما اتذكر

[gaaz]

السعر ده بالتركيب هو سعره لوحدة كان 370

[virus2007]

شكرا يا شباب .. حدور علية :)

[pharoanking]

هو بيشتغل على رموت العربيه و لا ح اشيل لبشة ريموتات ؟

[gaaz]

لأ طبعا ليه ريموت لوحده
بس انت اساسا مش حتحتاج ريموت العربية خلاص

[virus2007]

الحمد لله لسة شارى ومركب اسباى 2

جبتوا من التوفيقية ب 350 جنية ... بجد الناس هناك مش عاوزة تنزل مليم واحد على اى حاجة للامان

ركبتوا ب 50 + 10 جنية مصنعية للولد الى بيركب يعنى تقريبا 400 جنية بالتركيب

الجهاز شكلوا جميل وانا اعد تقريبا يجى 200 متر فى البيت من جوة واشارة العربية موجودة على شاشة بشرطتين

الجهاز زى اى جهاز اعتقد فيه حساس وفتح شنطة وسنتر

لسة حقرا الكتلوج واقلكم اية كل المميزات والعيوب لما استخدموا شوية

تحياتى ليكم جميعا :):)

دلوقتى بعد مركبتوا معايا اربعة ريموت اتنين العربية الاصلى واتنين للانزار !! :d

[virus2007]

سؤال لكل الناس الى معاها اسباى 2 ....

مكتوب فى الكتالوج ان لو العربية اتفحت وزمرت وانتا لسة مستجبتش لحد معددت جميع مراحل الانزار حتة بعد الاحمر ان العربية دارت من نفسها بعد 20 ثانية بتفصل الكهرباء عن المتور اتوماتك


انا جربت الكلام دا وعملت كل حاجة بس مفصلتش كهرباء المتور فهل الاوبشن دا الراجل عندى مركبوش ولا عند كل الناس زى بردوا ؟؟