مصنيعة تركيب اإنذار ماكينة رفع 155 جنيه

[ecybrarian]

شكلي كدا اتعرضت لاشتعالة كبرى..اشتغالة ايه دول عملوا علي حفلة..ولا يمكن انا إللي غلطان..قولوا لي لو انا غلطان..إليكم القصة:

انا رحت من اسبوعين اشتريت جهاز إنذار وماكينة رفع وقربة من شركة عبر البلاد المشهور بتوكيل وولف بـ175 جنيه وقالو لي التركيب بـ20 جنيه لما تيجي تركب..المهم اتأخرت في التركيب اسبوعين وروحت لهم بالعربية علشان اركب الإنذار

روحت امبارح..ركبت الإنذار بالكامل (قاطع المارش) وماكينة الرفع بدون فتح الشنطة بالريموت في 5 ساعات ونصف!!!!! مرة الصنايعية اختفوا علشان الفطار..ومرة ندوة سياسية مع الصنايعي وبعض العاملين في الشركة عند عربيتي..وطبعا الزباين التانية عماله تدخل وتخرج وانا قاعد

طبعا الصنايعي كان كل شوية بيقول انه عمل لي شغل ماحصلش وإنه اول مرة يشتغل في موديل الإنذار دا وانه حط سلك 5 مم..وقعد يديني محاضرة عن استخدام الجهاز..وقال لي اعمل اشتغالة ما عند الحساب..وإنه عايز 40 جنيه حلاوة تركيب!!!

ثم دقت ساعة الحساب..طبعا انا ماعملتش الاشتغالة إللي قالي عليها الصنايعي علشان انا مابكدبش، لقيت الصنايعي خد الراجل وطلع بره بحجة السؤال عن حاجة ورجع بيقولي 105 جنيه..قلت له نعم!!! قال لي الإنذار بـ40 جنيه والرفع وماكينة السنتر (يقصد القربة) 40 جنيه وقاطع المارش 25 جنيه..انا اتصدمت اديته الفلوس واديت الصنايعي 50 جنيه مكافأة له على اشتغالته وتعطيله لي لأكتر من 5 ساعات

إللي يعرفني في المنتدى يعرف إني مايهمنيش الفلوس ويعرف برضه إن ممكن اركب الإنذار بنفسي..معلش يبدو إني طماع وقلت لنفسي عشرين ولا خمسين جنيه مش كتير وابقى رحيت نفسي...

المهم النهارلادة نزلت ركبت قربة في الشنطة لفتح الشنطة من ريموت الإنذار في نص ساعة..لقيت ايه بقى؟؟ لقيت مسامير تثبيت الباكيتات ناقصة مسمارين وجهاز الإنذار ملفوف في كيس بلاستيك..والحمد لله على كل حال

نصيحتي..لا تتهاون وتعمل مؤدب وراجع على كل حاجة وكل مسمار وحط عينك معاه ولا تكترث بمضايقة الصنايعي..واتفق على كل حاجة قبل الشغل..الشغل قبل الاشتغالة

والحمد لله على كل شيء

[aymanmaly]

الاول مبروك يا دكتور
الثانى الحمد لله انك لقيت جهاز الأنزار الى انت كنت بتدور علية
الثالث ربنا يديك خيرهم


و ما يقع الا الشاطر
يجعلة عامر

[mrghost]

ليه 155 جنيه هو انت مركب انذار نوعه ايه وامكانياته ايه؟

[ecybrarian]

الاول مبروك يا دكتور
الثانى الحمد لله انك لقيت جهاز الأنزار الى انت كنت بتدور علية
الثالث ربنا يديك خيرهم
و ما يقع الا الشاطر
يجعلة عامر

شفت بقى ياعمدة..مش كنت ركبت الإنذار بنفسي وعملت تقرير وتظابيط..عموما انا صورت فتح الشنطة من الريموت وها اعمل تقرير برضه :-))))..

ليه 155 جنيه هو انت مركب انذار نوعه ايه وامكانياته ايه؟

:: Wolf ::

[ahmedtunning]

نصيحتي..لا تتهاون وتعمل مؤدب وراجع على كل حاجة وكل مسمار وحط عينك معاه ولا تكترث بمضايقة الصنايعي..واتفق على كل حاجة قبل الشغل..الشغل قبل الاشتغالة

والحمد لله على كل شيء

بجد النصيحة ديه لازم كله ياخد باله منها و ربنا يعوض عليك ان شاء الله و اعتبره ده تمن حصه اتعلمت منها حاجات كتير وعلمت منها ناس اكتر

[Eslam.Elrefaey]

بجد النصيحة ديه لازم كله ياخد باله منها و ربنا يعوض عليك ان شاء الله و اعتبره ده تمن حصه اتعلمت منها حاجات كتير وعلمت منها ناس اكتر

معاك حق والله

[fawzyyyy]

مبرووووك يا دكتور هشام

علي فكرة مش كتير ...انا ركبت الانذار بس ب 60 جنيه.....من غير ماكينة رفع ولا حاجة

متهيألي 105 جنيه كتير بس مش اوي....يعني لو ركبتها عند حد بره...كان ركب الانذار بماكينة الرفع ب 85 جنيه..ده اقل حاجة
اللي زود الفلوس بس هي الاكرامية
و مبرووووك عليييك يا دكتور

[ecybrarian]

طيب والوقت يا دكترة..الوقت قيمة برضة..خمس ساعات وشوية مش قليل

[tarekomar66]

الف مبروك عليك الانذار ووحده الرفع
الانسان ما بيتعلمش ببلاش
المهم يكونوا شغالين كويس

[fawzyyyy]

طيب والوقت يا دكترة..الوقت قيمة برضة..خمس ساعات وشوية مش قليل

بصراحة 5 ساعات كتير اوي......انا كنت فاكر انه عمل عندي الانذار في ساعة و نصف

[keko]

الصنايعى عاوز قهوته 40 جنيه !! واحنا نشرب ايه حلبة حصى !!

[ecybrarian]

الصنايعى عاوز قهوته 40 جنيه !! واحنا نشرب ايه حلبة حصى !!

تخيل بقى..اصله بيشرب القهوة في ستاربكس :-)))

[م/محمد صلاح]

ههههههههههههه حلوه قهوة ستاربكس دى
ياريت بقى امكانيات الانزار ده عشان شكله جامد ومقتطفات عن استخدامك ليه يا باشا
والف مبروك وربنا يباركلك فيه

[misoalex]

بشا انت تقصد مكنه رفع الازاز ولا قرب سنتر
لو تركيب الانزار بالسنتر بوحده الفصل (كتاوت ) 105 فكده معقول جدااااااااااا
لانى من اكتر من سنه مركب الانزار العادى بالسنتر ب 100 جنيه وشغل مش نضيف اوى يعنى بس هو فاهم بيعمل ايه مش قعد يجرب واغلب شغله فى تركيب الانزارات وهو مركبش وحده الفصل ولكن ركبلى كتاوت عشان انا كنت مركب سنتر لفتح الشنطه من الداخل وانا اللى اشتريت الكتاوت والكلبسات واللوازم بتاعتها
اخد 100 وكنت حنط فى كرشه يومها بس اللى بعتنى ليه واحد صاحبى قاللى لا كده كويس ولما سألت فى المنتدى هنا قالولى كويس السعر برضه مع العلم ان السنتر ب 80 جنيه والانزار ب 150 وهو كان عاوز تركيب الاتنين 150 بس قاللى 100 جنيه عشان صاحبى اللى بعتنى ليه ده صاحب محل قطع غيار وهو بيتعامل معاه وبيننهم شغل فكده بالواجب وزياده يعنى تخيل تدفع نص تمن الحاجه فى تركيبها عمار يا مصر

اظن ان حضرتك اللى دفعت ال 50 جنيه دى زياده من عندك وبرضاك
انا اديت الواد 5 جنيه اللى شغال فى الورشه معلش اصله يعنى ايه حلاوه تركيب الانزار والكلام ده هو شغال بياخد يوميه يمكن اكتر مننا كمان والبقشيش ده حاجه واجب من عندى مش فرض عليا وهو يطلبه منى كمان وكده كده فى ناس مبتدفعش بقشيش اصلا

[ecybrarian]

ههههههههههههه حلوه قهوة ستاربكس دى
ياريت بقى امكانيات الانزار ده عشان شكله جامد ومقتطفات عن استخدامك ليه يا باشا
والف مبروك وربنا يباركلك فيه

بارك الله فيكم..هو الإنذار عموما زي كل اجهزة وولف..واجهزة وولف عموما مش وحشة..بس الفرق بينه وبين باقي الموديلات هو السلك إللي بيوصل للكبود..طبعا بديل السلك دا هو توصيل زرار الكبود على سلك الابواب

بشا انت تقصد مكنه رفع الازاز ولا قرب سنتر
لو تركيب الانزار بالسنتر بوحده الفصل (كتاوت ) 105 فكده معقول جدااااااااااا
لانى من اكتر من سنه مركب الانزار العادى بالسنتر ب 100 جنيه وشغل مش نضيف اوى يعنى بس هو فاهم بيعمل ايه مش قعد يجرب واغلب شغله فى تركيب الانزارات وهو مركبش وحده الفصل ولكن ركبلى كتاوت عشان انا كنت مركب سنتر لفتح الشنطه من الداخل وانا اللى اشتريت الكتاوت والكلبسات واللوازم بتاعتها
اخد 100 وكنت حنط فى كرشه يومها بس اللى بعتنى ليه واحد صاحبى قاللى لا كده كويس ولما سألت فى المنتدى هنا قالولى كويس السعر برضه مع العلم ان السنتر ب 80 جنيه والانزار ب 150 وهو كان عاوز تركيب الاتنين 150 بس قاللى 100 جنيه عشان صاحبى اللى بعتنى ليه ده صاحب محل قطع غيار وهو بيتعامل معاه وبيننهم شغل فكده بالواجب وزياده يعنى تخيل تدفع نص تمن الحاجه فى تركيبها عمار يا مصر

اظن ان حضرتك اللى دفعت ال 50 جنيه دى زياده من عندك وبرضاك
انا اديت الواد 5 جنيه اللى شغال فى الورشه معلش اصله يعنى ايه حلاوه تركيب الانزار والكلام ده هو شغال بياخد يوميه يمكن اكتر مننا كمان والبقشيش ده حاجه واجب من عندى مش فرض عليا وهو يطلبه منى كمان وكده كده فى ناس مبتدفعش بقشيش اصلا

هو حضرتك العربية فيها سنترال لوك..هو ركب قربة سنتر واحدة في باب السواق..اما عن الـ50 جنيه فامش هاتصدق..انا دفعت ومشيت علشان لوكنت فتحت بقى كنت هارتكب جريمة لأني كنت على اخري بعد 5 ساعات ونص انتظار..الحل الاسلم اني آخد بعضي واروح حتى كان المفروض لي باقي عشرة جنيه من حلاوة الصنايعي مافتحتش بقى بالباقي...مش عارف هاتصدقني لو قلت لك الموضوع مش موضوع فلوس!! مش تنطيط والله بس بعد 5 ساعات ونص من الاشتغالات والحوارات والتجاهل والاتنظار وانت شايف الزباين بتخش وتطلع وبعدين يطلع شغل مش تمام..انا اعتربت الفلوس دي دية او كفالة خروج من مقر لأمن الدولة

على فكرة انا ركبت قربة لفتح الشنطة من الريموت في نص ساعة بنفسي بس من غير ريلاي (كتاوت) في الموضوع دا http://www.nilemotors.net/Nile/222929-a.html