استفسار بخصوص الزينون

[mahamede]

كنت عايز استفسر عن حاجة بخصوص الزينون ,, أنا معايا عربية لانسر بوما 2005 ,, وكنت مركب طقم زينون 4300 فى الفوانيس ,, وانهاردة نزلت التوفيقية ولقيت طقم اللمد الزينون لوحديها ب25 ج وفى منها درجات يعنى مثلا 4300 أو 6000 أو 8000 ,, فهل ينفع مثلا أنى أشيل اللمد اللى عندى وركب واحدة 6000 أو 8000 ,, وهتشتغل ع الكتاوت اللى عندى ,, ولا مش هتشغل ,, يعنى سؤالى هل الدرجة بترتبط بالكتاوت والواحد لازم يفضل ثابت ع الدرجة اللى عنده ,, ولا ينفع أغير اللمد وأغير درجتها ع نفس طقم الكتاوت اللى عندى اللى هوا 4300 وأجيب مثلا 6000 أو 8000,, وكنت عايز معلش اسأل سؤال تانى هوا أنا لو عايز أركب حاجة ع الفوجات اللى عندى هركب طقم زينون تانى ولا فى لمد معينة بتيجى بتدى أضاءة بيضة ومش بنفس تكلفة الطقم يعنى متوصلش لحد 300ولا 400 ج ,, ولو لازم أركب زينون هل بيتركب درجة واحدة ولا ايه النظام ,, يعنى عالى ولا واطى ولا ايه بالضبط ,,وعايز أنوه ع حاجة معلش أن الفوجات اللى عندى هيا الأصلية وبتبقى حجمها صغير يعنى هل لو اتركب زينون هتدخل فيها لمد الزينون ولا مش هتنفع تدخل فيه ,, وايه الحل ,, أسف ع الأطالة ,, وأرجو الرد سريع من خبراء المنتدى ,, تحياتى ...............

[mahamede]

فين الخبراء اللى فى المنتدى عشان يرودو عليا ضرورى ............

[Ashraf_Ibrahim]

ال 4300 هي احسن حاجة
عايز تغيرهم ليه؟!

[mahamede]

ال 4300 هي احسن حاجة
عايز تغيرهم ليه؟!

أنا عارف والله يا باشا ان 4300 أفضل حاجة ,, بس أنا كنت عايز أغير ل6000 أو 8000 عشان أغير اللون شوية كتغيير ,, بس هل ده ينفع ولا لا ,, ياريت حضرتك ترد ع سؤالى ,, وياريت لو حضرتك تعرف أعمل ايه مع الفوجات.....

[mahamede]

والنبى يا جماعة حد يرد عليا ويجاوب ع سؤالى ضرورى ,,,,,,,,,,,,,

[zeyad1810]

بالنسبة للون فى الزينون فاللمبة هى المسؤلة عنة لو غيرتها اللون هيتغير بلون اللمبة الجديدة والجهاز او المديول ملوش علاقة باللون
بالنسبة للفوج ينفع يركب فى زينون عادى مفيش مشكلة ونوع اللمبة بتكون سنجل يعنى مافيهاش عالى وواطى وممكن برضة تركب لمبة بيضا عادية مش زينون وهتلاقيها عند بتوع الاكسسوار ومش غالية

[mahamede]

بالنسبة للون فى الزينون فاللمبة هى المسؤلة عنة لو غيرتها اللون هيتغير بلون اللمبة الجديدة والجهاز او المديول ملوش علاقة باللون
بالنسبة للفوج ينفع يركب فى زينون عادى مفيش مشكلة ونوع اللمبة بتكون سنجل يعنى مافيهاش عالى وواطى وممكن برضة تركب لمبة بيضا عادية مش زينون وهتلاقيها عند بتوع الاكسسوار ومش غالية

شكرا ياباشا ع ردك ,, ويعنى كدا تبقى الدرجة مرتبطة باللمد مش بالكتاوت ,,بس معلش هسأل سؤال رخم تانى ,, معلش أستحملنى ,,, هوا لو روحت عند بتاع الكماليات زى ما حضرتك قولتلى وقولتله عايز لمبتين بيض عشان الفوجات ,, وجبتهم وركبتهم ,, هتدينى اضاءة شكلها حلو وقريبة من الزينون ,, ولا هيبقى فى فرق كبير بينها وبين الزينون ,,, والنبى رد عليا يا باشا فى النقطة دى وكمل جميلك ,, وألف ألف شكرك ع ردك الجميل ده ,, وتوضيحك الأمور ليا ,,,,منتظر ردك ....

[zeyad1810]

تمام اللون لية علاقة باللمبة مش الجهاز
بالنسبة للفوجات اللمبة البيضة شكلها حلو فيها برضو بس اكيد الزينون ققوة اضائة اكتر 3 مرات من اللمبة العادية وكمان كشكل اجمل وماتنساش ان هيفرق فى السعر كتير لان اللمبتين هيبقوا فى حدود 30 جنية اما طقم الزينون هيبقى فى حدود 300 وكلة حسب ميزانيتك