تنزيل الفامية علي رخصة العربية

[M_omara]

بسم الله الرحمن الرحيم
يا جماعة انا سمعت ان ينفع ان الفامية ينزل علي رخصة السيارة الكلام ده صحيح ولا و ايه هي الاجراءات
ولو حد عمال المودوع ده ياريت يورينا صورة الرخصة عشان انا مش شوفت حاجة زي دي قبل كدة
وشكراا

[fahd_628]

ينفع بس لو العربية نازلة كدة من المصنع بيبقى مكتوب فى الورق بتاعها زجاج ملون لكن غير كدة مينفعش

[M_omara]

بس انا شوف ناس عاملنها في عربيات عادية ذي الدايوا مثلا مكتوب زجاج ملون فعلا انا عايز اعرف ازاى

[osamaelbaz]

طب انا عندى ماتريكس وعايز انزل الاكصدامات النيكل على الرخصة صعب ولا ممكن

[badblood]

بس انا شوف ناس عاملنها في عربيات عادية ذي الدايوا مثلا مكتوب زجاج ملون فعلا انا عايز اعرف ازاى

فين طيب ؟؟؟؟؟

[M_omara]

انا شوفتوهم بس مش اتكلمت معاهم هعرف منهم و هبلغكم بس لما اتكلم معاهو بس لو حد عرف منكم حاجة ياريت يقول

[نينو]

انا كنت عامل كده في عربيتي القديمة كانت تبع مرور عبود و اللي عملهالي ظابط كان معايا في ثانوي بس بلاش لانها بتتسحب برضو و ممكن تحصلك مشكلة يعني يقولك في لجنة الظابط اسمو اه و كده كده هاتسسحب لاني كنت مركب دارك بلاك و كان مكتوب في الرخصة زجاج فامية فابريقة

[islamkhidr]

انا شوفتوهم بس مش اتكلمت معاهم هعرف منهم و هبلغكم بس لما اتكلم معاهو بس لو حد عرف منكم حاجة ياريت يقول

ياريت تقولنا وتبلغنا علشان نعرف

[talent]

انا سالت واحد صاحبى
و قالى بتغير الملف بتاع العربيه
وتعمل العربيه كذا لون و تنزل فاميه
بس عايزه واسطه الكلام ده فى مرور المنصوره

[hazem_khidr]

حضرتك قولت

بس انا شوف ناس عاملنها في عربيات عادية ذي الدايوا مثلا مكتوب زجاج ملون فعلا انا عايز اعرف ازاى

و بعدين رجعت قولت

انا شوفتوهم بس مش اتكلمت معاهم هعرف منهم و هبلغكم بس لما اتكلم معاهو بس لو حد عرف منكم حاجة ياريت يقول

طب حضرتكم ما تعرفش الناس دي زي ما بتقول
شفت منين اللي مكتوب علي رخص عربياتهم؟؟؟؟
...................................

انا سالت واحد صاحبى
و قالى بتغير الملف بتاع العربيه
وتعمل العربيه كذا لون و تنزل فاميه
بس عايزه واسطه الكلام ده فى مرور المنصوره

يعني ايه تغير ملف العربيه و يعني ايه تغير لونها.
انا بقالي كتير بتعامل مع المرور عمري ما سمعت الكلام دا بصراحه.
غير كده الملف دا تهمه و اي حد بيلعب فيه ممكن يتعرض للمسءله لو جاله تفتيش.
........................................
من الاخر يا جماعه
لا فيميه و لا نمر سودا و لا اي عك من دا بيتثبت علي الرخصه.
الفيميه بيتثبت لو العربيه نازله كده و بس غير كده مفيش الكلام دا.

[eng_mkhalaf]

حتى يا حازم لو جددت الرخصة

[hazem_khidr]

حتى يا حازم لو جددت الرخصة

حتي لو حصل ايه باللذي.
الا بقي في حاله واحده هيا اللي ممكن تخليهم يثبتوا الفيميه دا او حتي لو مش مثبوت محدش يقدر يسحب رخصك
و هيا انك تعمل زجاج غامق للعربيه كلها عند اي مصنع زجاج و كان فيه واحد مشهور بيعمل زجاج العربيت القديمه بس مش فاكر اسمه ايه.
ما علينا
المهم لو عملت كده لو وقفت في لجنه كل اللي تقوله ان دا لون الزجاج و ه وفعلا كده
و انت بتفحص لو المهندس رخم عليك قوله لو فيميه شيله انما لون الزجاج كده محدش يقدر يتكلم

[eng_mkhalaf]

الصراحة يا حازم مش مقتنع إصلها لو بالسهولة دية مكنشى حد غلب

[hazem_khidr]

ماهي مش سهله يا محمد
دا انت عاوز تصب زجاج و تبقي عارف ترد علي اي ضابط بيكلمك كويس .

[talent]

حضرتك قولت



يعني ايه تغير ملف العربيه و يعني ايه تغير لونها.
انا بقالي كتير بتعامل مع المرور عمري ما سمعت الكلام دا بصراحه.
غير كده الملف دا تهمه و اي حد بيلعب فيه ممكن يتعرض للمسءله لو جاله تفتيش.
........................................
من الاخر يا جماعه
لا فيميه و لا نمر سودا و لا اي عك من دا بيتثبت علي الرخصه.
الفيميه بيتثبت لو العربيه نازله كده و بس غير كده مفيش الكلام دا.

يا استاذ حامد انا بتكلم عندنا فى المنصوره انا ما اعرفش مرور حضرتك
لكن انا اعرف ناس عامله الموضوع ده فى المنصوره
عندك مثلا عربيه الجمل لونين ومغير ملف و عربيات كتير عندنا على المشايه عند الوكاله
منهم هيونداى اكسنت ابيض * ازرق
و دايو اصفر*اسود