طلب من رجاله بورسعيد

[mikology]

مساء الفل
انا كنت ناوى اجى بورسعيد يوم الجمعه اللى جايه عاوز اجيب جنوط استيراد
هل المحلات فاتحه يوم الجمعه اصلى سمعت من ناس كتير ان معظمها بيبقى قافل
و ياريت تقولولى عن الناس اللى اروحلهم بردو و انسب معاد لو قافلين الجمعه يعنى - وايه الى منتشر هناك من ماركات و نبذه عن الاسعار
وشكرا مقدما

[mohd7380]

مساء الفل
انا كنت ناوى اجى بورسعيد يوم الجمعه اللى جايه عاوز اجيب جنوط استيراد
هل المحلات فاتحه يوم الجمعه اصلى سمعت من ناس كتير ان معظمها بيبقى قافل
و ياريت تقولولى عن الناس اللى اروحلهم بردو و انسب معاد لو قافلين الجمعه يعنى - وايه الى منتشر هناك من ماركات و نبذه عن الاسعار
وشكرا مقدما

على فكرة يا مايكل بورسعيد اجازة يوم الجمعة و صدقني والله العظيم ال بيعوز حاجة فى بورسعيد بينزل يجبها من القاهرة لسببين اولا غلو بورسعيد عن مصر ثانيا رخامة تجار بورسعيد

[prisoner]

على فكرة يا مايكل بورسعيد اجازة يوم الجمعة و صدقني والله العظيم ال بيعوز حاجة فى بورسعيد بينزل يجبها من القاهرة لسببين اولا غلو بورسعيد عن مصر ثانيا رخامة تجار بورسعيد

+11111111111111111111111

[khaleddapino]

التجار رخمه فى اى حته سواء بورسعيد او القاهره

[mikology]

يعنى مش هلاقى جنط مومو نضيف بسعر كويس ؟؟؟؟

[Sheref_4Ever]

قافلين يوم الجمعة ... لو جيت هاتيجى على الفاضى خليها يوم تانى احسن

[prisoner]

ممكن تجيبه من عند ارابكوم اللى فى مدينة نصر اينعم صينى بس الصينى النظيف اللى جاى من مصنع مومو وبالتوفيق وعلى حسب مقاسه كل ماكان مقاس اعلى يعنى 16 فيما فوق هتلاقى حاجات تحفى عند ارابكوم هوة فى مدينة نصر

[organic_magic]

قافلين يوم الجمعه

بص فيه واحد قدام الموقف بتاع السوبر جيت (القاهره) دا بيبيع استيراد واسعاره كويسه

[JAM]

هتضرب مشوار على الفاضى وخلاص... انا لفيت شهر علشان أجيب جنوط.. وفى الآخر جبتهم من القاهرة بسعر أرخص من بورسعيد