هل انذار الوولف بيقفل المارش؟؟؟

[lolita]

النهاردة ركبت انذار وولف للفيرنا ب 140 جنية و تركيب ب 40 جنية و شغال تمام بس المفروض لما العربية تتسرق و تمشى لما اضغط على اليموت تفصل مارش و تطفى الماتور لية بقي اللى ركبة ماعملش ال اوبشن دة ياترى دة عيب تركيب و الا النذار فهوش الموضوع دة

[dr.hazem]

حضرتك ركبته فين؟؟؟
كان ممكن تركبه في توكيل وولف في القاهره ورا سوق القنال الدولي على شارع جسر السويس وكان هيشغلك كل حاجه فيه...

اعتقد انه اللي ركبهولك مشغلكش الاوبشن


تحياتي

[مواطن مصرى]

المشكله ان العامل اللى ركبه معرفش يوصل وحده فصل المارش (ده ان كان ركبها اصلاً)

عموماً الحل سهل جدا حضرتك هتروح لكهربائى نظيف بيفهم و تخليه يبص عليه و لو كانت وحده فصل المارش راكبه غلط هيظبطها ده مجرد اعاده توصيل اسلاك بطريقه صحيحه و اديلو اللى فيه النصيب لانها عمليه سهله

لو كان اللى ركبه موصلهاش اصلاً يبقى تروح للمحل اللى ركبت فيه الانذار و تسألهم على الموضوع ده و لو معرفتش تاخد منهم حقك يبقى تروح لتوكيل وولف فى جسر السويس (شركه عبر البلاد خلف سوق القنال الدولى بعد الالف مسكن هتخش يمين بعد اخر محل فى السور) و هما يظبطوه بس هياخدوا فلوس تانى

[piezo]

لا مش زي حضرتك ما بتقول العربيه مش هاتشتغل لا لما تتفتح بالريموت غير كده لقدر الله في حالة السرقه مثلا كسر الزجاج ويخش يدور مش هادور معاه لو رقصلها عشره بلدي وزغرط كمان

[Ahmed Nasser]

بص يامان انا مركب الانزار ده عندى
وانا بركبة الكهرباى قالى ممكن اوصلهولك المارش يتشغل والمكنة مش هتنطق
وممكن اوصلهولك ولا فى مارش ولا الهوا
قلتلو وصلو من غير مارش

[JAM]

بعد الاتصال بأحد العاملين بمصنع ولف افاد بأنه لا يتم بيع وحدة فصل المارش مع أجهزة الانذار كما كان يتم سابقآ واصبحت تباع كقطعة مستقلة وبثمن مصنعية تركيبها بمبلغ ٢٠ جنيهآ ولقد قمت بتركيبها من حوالي ١٠ أيام بمصنع الشركة بمدينة ٦ أكتوبر

تحياتي
م/ أحمد نبيل

[lolita]

الف شكر يارجال