جنوط و كاوتش جديد

[mikology]

صباح الفل يا رجاله
بقالى فتره بفكر اغير الكاوتش و اجيب جنوط جديده
وامبارح استقريت على جنط و كاوتش عجبونى
الجنط تايوانى و الكاوتش نيكسن كورى
حد جرب الحاجات دى و يقدر يفيدنى ؟؟

[mikology]

ايه يا رجاله فينكو
ده شكل الكاوتش



وده شكل الجنط




ها ايه رأيكو ؟؟

[ayman20100]

للاسف ما جربتش الانواع ديه
بس شكلهم حلو والاعضاء هنا برضه هيفيدوك فى الانواع
ياريت حضرتك تكتب الاسعار للافادة

[mikology]

شكرا لردك و مستنى رأى باقى الاعضاء و خصوصا الخبراء منهم
الكاوتش عامل 1860 كورى
والجنط عامل 2100 الــ 15 انش تايوانى ماركه rck

[hazemhassan]

النقشة الشجرة دى حلوة بس الماركة معرفش عنها حاجة
والجنط مش غالى شوية يعنى 1800 كويس
ومقاس الكاوتش كام

[khaled_yassin]

بص يا باشا انا جايب نفس الى انت جايبوا وتقريبا نفس شكل الجنط
مقاسات 14 وكان عامل كلوا على بعضوا 2400 جنيه
طيب ممكن تقولنا مقاس الكاوتش علشان نقولك السعر كويس ولا لالا
وكمان الاسعار دى من انهى محل ؟؟ لان ممكن يكون المحل اصلا مش كويس
واتاكد من تاريخ انتاج الكاوتش لان ما فيش اكتر من التجار النصابين فى مصر
ودى اخر اسعار اعرفها

185 -60 -14 ماكسس 340جنيه
كومهو كورى 360 جنيه - كومهو تايلاندى 330 جنيه
هانكوك 350 جنيه
195 - 60 - 15 كومهو كورى 450 جنيه
بريدجيستون 625 جنيه
بريدجيستون تايلاندى 475 جنيه
ميشلان 550 جنيه
وما رديش يقولى على باقى الاسعار يقولى لما تبقى تيجى انت بتنزل تشردلى فى الاسعار

[aymanamr]

متابع

[bondjames]

أنا كنت مركب نيكسن فى العربية اللى فاتت - زى الفل - روح إسال عند محل الكاوتش والجنوط اللى فى ميدان قصر الطاهرة أمام مطلع الكوبرى -كنت باتعامل معاه دايما أسعاره كويسة على ما أعتقد و عنده تشكيلة لا بأس بها وفى النهاية مش هاتخسر حاجة

[madaxman]

انا مش بجيب غير نيكسن ماركه حلوه ومريحاني
انا جبت 4 فرد 185/60 جنط 14 وقعوا عليا ب 1260 الكلام دا من حوالي شهرين يعني الفرده ب 315 وقبلها بيومين كنت سائل عليها كانت ب 300

[nice_bird]

بص يا ريس الكاوتش النيكسين كويس ومنتشر واخلي حاجة فية نقشة السرعات وانا مركبو في لانسر بوما من شهر جبت الفردة ب 425 15/195/60 بس انا عندي حاجتين انصحك بيهم في نقشة جديدة سرعات بس فراغات اوسع من العادية دي احسن بالنسبة للطرق في مصر عندنا لانها مبتلمش زلط زي السرعات العادية والحاجة التانية شوف كاوتش اسمة gt بينزل نقشات سرعات حلوة وافضل من النيكسيين

[mikology]

شكرا ليكو كلكو بس انا اشتريت تانى يوم عملت الموضوع ......
متشكر لتانى مره على تعبكو

[piezo]

طيب انا عايز مين المحترم الي اجيب منه كوتش و يكون انتاج جديد لام في اخ في المنتدي قال الروماني الي في جسر السويس اداله كوتش معوج وتاريخ الانتاج كان قديم 2008 علي ما اعتقد انا عايز حد محترم و ويكون موثوق فيه زكنت عايز اعرف ايه اخبار اشرفكوم كويس ولا لا