فاميه خلفي - استفسارات

[pirlo2000]

سلامو عليكم.....

امبارح روحت سألت في شارع دمشق عند الشيخ ابراهيم عشان عايز افيم الجزء الخلفي من السيارة ( هو مثبوت علي الرخصة )......

قاللي في نوعين نوع ب 100 و نوع ب 200 الفرق ان التاني مضاد للخدش....

انا استغليته اوي الصراحة..... ده انا اركب ازاز غامق بأه.....

السؤال بأه عشان انا اول مرة اسال علي موضوع الفاميه ده....

هو مش مفروض اني هفيم ورا بس يبقي مفروض ارخص من اني لو هفيم العربية كلها و لا هو بيبعلي الفرخ كله و استخدم منه اللي انا عايزه؟

تاني سؤال ... اللي مش ضد الخدش ده و حش و لا مش فارقه اخليني فيه و خلاص؟ و فيه كام درجة منه؟

التالت.... الاسعار ديه كويسة و لا اشوف عند حد تاني ..... و لا اركب ازاز غامق احسن بأه ؟ و يتكلف كام....


انا عايز اركبه لسبب اني كل يوم لامؤاخذة في الكلمة قفايا بيتحرق من الشمس في الوقفة علي الدائري.....

اسف اني طولت في الاسئلة ...... و اتمني المساعدة و لو باجاية بعض الاسئلة...

جزاكم الله خيرا

[man_66666661]

بس يا باشا انا مفيم الزجاج الخلفى و2 زجاج الباب الخلفى من الفاميه الى ضد الخدوش ودرجة جميلة زى بتاعه الفابريكه عند السباعى - صلاح الدين وعمله 130 جنيه واسال على واحد راجل عند اسمه كيمو هو ده احسن واحد بيفيم عنده

[osama.m]

انت تقصد 10 ولا 100 !!
انا لسة مفيم البابين اللي قدام ب 25 جنية

[eng.m7md.ali]

مكتبة ابراهيم سعرها حراق اوي بس بصراحة شغل نضيف اوي

[pirlo2000]

انت تقصد 10 ولا 100 !!
انا لسة مفيم البابين اللي قدام ب 25 جنية

100 يا باشا!تخيل!

[pirlo2000]

بس يا باشا انا مفيم الزجاج الخلفى و2 زجاج الباب الخلفى من الفاميه الى ضد الخدوش ودرجة جميلة زى بتاعه الفابريكه عند السباعى - صلاح الدين وعمله 130 جنيه واسال على واحد راجل عند اسمه كيمو هو ده احسن واحد بيفيم عنده

فين السباعي في صلاح الدين ياباشا؟

قريب من ميدان الجامع؟

[ahmad_luca]

انت تقصد 10 ولا 100 !!
انا لسة مفيم البابين اللي قدام ب 25 جنية

الاسعار فعلا فل الحدود دى
يعنى من 20 ل 40 جنيه
العربيه كلها ماعدا الزجاج الامامى كان ب 60 و اعتقد فيه اقل من كده كمان

[foxpowerdesign]

بصراحة انا بسمع ارقام و لا فى الخيال
انا مفيم العربية لكها الاربعة يعنى الجانبين و الخلفى كلهم مع بعد ب 15ج فقط لا غير و فايمت لاblack ب15 و رجعت شلته و ركبت dark black ب 15 جنيه و بس

[ahmad_luca]

بصراحة انا بسمع ارقام و لا فى الخيال
انا مفيم العربية لكها الاربعة يعنى الجانبين و الخلفى كلهم مع بعد ب 15ج فقط لا غير و فايمت لاblack ب15 و رجعت شلته و ركبت dark black ب 15 جنيه و بس

انت راجل برنس

بس ممكن تفرق فى حجم الازاز . معرفش الصراحه اوى
بس متوصلش فعلا للارفام الوهميه اللى مكتوبه

بس 15 دى انت جايب مل الاخر من اللى بيركبلك

[pirlo2000]

فين بأه الاقي الاسعار الحلوة ديه؟

[ahmad_luca]

فين بأه الاقي الاسعار الحلوة ديه؟

بص يا افندم
صراحه انا مش مركب عندى فاميه بس اصحاب كتير مركببين و واحد صاحبى لسا من كام اسبوع مركب الاربعه الجانبين و الخلفى ب 60 فى محل فى مدينه نصر مش عارفو بالظبط هسألو و اقولك مكانو بالظبط
بس اكيد هتلاقى فل التو فيقيه ناس كتير رخيصه عن كده
حضرتك حتا جرب تسأل محل او محلين فى اى حتا اكيد مش كل المحلات حراميه
هوا الفاميه مش هيتكلف اكتر من 20 تمنو و 20 تركيب + 20 عدم خبره ( ال 60 دى عشان مدينه نصر )
و ال15 جنييه دى اعتقد صعبه غير لو انت قديم فل الحوار و عارف محلات متعامل معاها قبل كده او تعرف صاحب المحل

200 جنيه دي ممكن يتفيم بيها اتوبيس

[foxpowerdesign]

هو المحل اللى بتكلم عليه موجود فى العاشر و هو طبيعى بيركب الفاميه مابين 40 الى 60 حسب الشغل
بس انا قايله انى بعرف اركب الفاميه و قديم فى الحاجات ديت لان والدتى عندها مكتب دعاية و إعلان و تجهيز محلات
فأنا مصمم جرافيكس و مواقع و بلزق فاميه على شبابيك و بلزق فينيل فقديم و عارف الحاجات ديت بتتكلف كام
فالراجل لسه فاتح من بعد الثورة و انا زبونه و هو شيخ محترم و الشغل ماشى معاه تمام

و ممكن حضرتكم تسألونى ليه مش بيفم بنفسى لأنى لازم يكون حد معايا يمسك الفاميه عشان مش يلزق و يطلع بايظ - عشان عندنا فى العاشر الشوارع واسعة و الهوا شديد فمش بعرف اعمله لوحدى و معنديش حد يمسكه معايا و التراب ممكن يلزق مع الفينيل و يبوظ فبروح للراجل يعملهولى احسن و كمان الهواء عنده مش شديد و حواليه شجر من الناحيتين فبيقلل الهواء و كمان انا بمسك معاه الفاميه فى تركيبه و بعاين عليه

و انا عارف انى طولت على حضراتكم و بتأسف انى طولت عليكم مرة تانية

[Moe86]

بس فعلا فيه فاميه اسمه ضد الخدش, أنا شوفته بعد التركيب بيبقى مافيش فيه علامات تماما و الازاز بيبان كأنه متلون كدة طبيعى, أنا سمعت ان الرولة ب 200 جنيه تقريبا و تكفى عربيتين (إزاز خلفى + شباكين ورا)

[Bassem Taha]

الراجل اللي بيقول 100 جنية للزجاج الخلفي بس أحب اقوله ان الراجل اشتغله احلى اشتغاااااااااااااااااااااله
والفامية فعلاً سهل جداً و سهل جداً انك تعمله انا فيمت عربيتي الاربع ابواب بـ 15 جنية ودي مش اسعار محلات دي سعر رول الفامية
وشلت الفامية و رجعت حطيته تاني يعني فيمت مرتين و بــ 30 جنية بسسسسسس

نصيحة مني يا جماعة اعملوا انتوا الفامية و متخلوش حد يضحك عليكما

وده فيديو للتوضيح

[youtube]http://www.youtube.com/watch?v=1irE-PLVxzE[/youtube]


YouTube - ‪Tint Car Windows - Installing the Window Film‬‏

[ahmed_h_g]

أنا مفيم الخلفى عند ابراهيم من حوالى سنتين بفاميه ضد الخدش بحوالى 60 جنيه
هو فعلا" ضد الخدش وأنضف بكتير من الفاميه العادى اللى بيتلكك