تجليد الاوكتافيا

[midoabokhadra]

اية رايكم ياجماعة انا معايا اوكتافيا a4 سيلفر
بفكر ف التجليد هل اعمل الكبوت ولا السقف ولا السقف بس ولا اية الاشيك ف الموضوع دة مع العلم اني مش مركب جنوط بس مفيم

[Bassem Taha]

السقف بس شيك أوي وكمان علشان متلفتش نظر المرور

[ahmed_h_g]

السقف فقط لا غير
نصيحه متبوظش شكل العربيه خليها بقيمتها

[caboo_1]

كان زمان اقولك ماشى انما دوقتى لا ..كل من هب ودب بيحطها حتى التاكسى

[eddy]

انا كنت بفكر اعمل كده لكن لئيت تاكسى عاملها .... قلت شكراااااااااااااااااا

[Ahmed.Fahmy]

التكاسى دلوقتى بقت بتعمل حاجات جامده جدا عشان اللى راكبينها شباب
كتيير اوى بشوف تاكسى مفيم ومركب ديفل وجنوط وفايبر وستيكر كاربون فايبر وزينون وكل دا مع بعض :)

[Bassem Taha]

كان زمان اقولك ماشى انما دوقتى لا ..كل من هب ودب بيحطها حتى التاكسى

وايه يعني كل واحد حر و مش معنى ان التكسيات عملوها يبقى بقت وحشه ومينفعش نعملها طيب ما التاكسيات بيحطوا فيها طقم صوت وفرش جلد هل معني كده ان الحاجات دي بقت وحشه و شعبي ؟؟؟ المهم انت هتعملها ازاي فين روح الابداع عند كل واحد فينا

انا كنت بفكر اعمل كده لكن لئيت تاكسى عاملها .... قلت شكراااااااااااااااااا

برده

التكاسى دلوقتى بقت بتعمل حاجات جامده جدا عشان اللى راكبينها شباب
كتيير اوى بشوف تاكسى مفيم ومركب ديفل وجنوط وفايبر وستيكر كاربون فايبر وزينون وكل دا مع بعض :)

بالظبط

[midoabokhadra]

أصلي يا رجالة
شكرا جدا ع الاهتمام

[caboo_1]

اسفين على سوء الفهم
على العموم الكبوت بيتعمل ب 70 جنية كاربون و60 اسود مط

[Bassem Taha]

اسفين على سوء الفهم
على العموم الكبوت بيتعمل ب 70 جنية كاربون و60 اسود مط

طيب ممكن يا استاذذ كابو تقولنا اسم الرول بتاع الاستيكر ده ايه ؟؟
علشان انا بحب اعمل حاجتي بنفسي
بفكر اجيب المقاس المناسب من الاستيكر و اعمله انا

[fny81]

انا كمان بفكر اعمل الموضوع ده على الكبوت بيبقى جامد بس فى اسود شوفته جواه مقلم على رمادى خفيف كده شكله جامد اوى ، بس مش عارف هيبقى فيه مشاكل مع المرور و بعدين بيتعمل اطرف الالأكصدام الأمامى معاه من تحت بيبقى تحفه ، بالنسبه لسواقين التاكسى انا اوقات باخد منهم افكار جامده بيبقوا عاملنها و و كل واحد له دماغه و زوقه

[midoabokhadra]

انا شوفت اوكتافيا a4سيلفر عامل الجلد دة على السقف
ومن اول القايم اللي جنب الازار اللي ورا كدا الخط دة لحد المراية اللي قدام شكله جامد

[engahmedsamy]

السقف طبعا

[midoabokhadra]

??????

السقف طبعا

[Ahmed.Fahmy]

شكرا لصاحب الموضوع على الفكرة
انا عملت الكاربون دا على الكبوت وعلى الشبكة وطلع جاااااااااااااااامد جدا وغير الشكل خالص واهم شئ الحماية