هل كده اتنصب على معقولة الكواكس ب 45 جنيه؟؟؟؟؟؟؟؟

[iwantes350]

السلام عليكم ورحمة الله وبركاته
ازيكم يا شباب
انا النهاردة نزلت مشوار وانا بمون بنزين لقيت محل داخل البنزينة نفسها عندو كل انواع المنظفات بتاعت ارمور اول
المشكلة انى سئلت على الوكس قالى موجود وكان النوع ده

وقالى انه امريكي وهو بالفعل امريكي ولكن صدمنى بالسعر وهو 45 جنيه وانا قبل كده اشتريت واحد Abro وكان ب 20 جنيه
هل ده كويس ولا الابرو احلى وكمان الستاير الكبس بتاعت الكورولا 2003 ب 160 جنيه ههههههههههههه
غريبة بجد
وسالته عن الوكس بتاع ارمور اول قالى الشركة بطلت تنزل ههههههههههههههه انا سكرت من الضحك وكمان ملمع الطابلوه ب 30 جنيه والصغير 15 وان جبته من بره ب 9 جنيه
على فكرة انا رجعته هههههههه
بس هل هو كويس ولا لا انا اسف على الاطالة

[A.Saad]

الماركة دى نازلة من شركة قتديل نفس توكيل الارمور
محدش شكر فيها

[abo_hosni]

الشركة بطلت تنزل؟ يا أخي البياعن دول عازين الحرق. لما حد يقول لي كده أقول له "يعني مش عندك و خلاص، قول مش عندي"
أنا كنت باستخدم واكس ميدو أبو خمسة جنيه و كان بيقضي مرة واحدة و متعب جدا في توزيعه على العربية، بعدين جربت نوع armor all أمريكي كان 35 جنيه و هو أفضل من كل النواحي، أسهل في الشغل، الحماية لفترة أطول + عملت العربية بيه أربع مرات و لسه ما خلصش
الستاير الكبس كده غالية. أنا جايب للنص الوراني عندي بـ 80 جنيه و مستغلهم كمان، ممكن يخلصوا على 65

[m7mda7md]

ازيك يا باشا...ايه الاسعار النار دي؟ انت روحت عند ايمن حرز ولا ايه؟هو اسعاره غاليه بس مش للدرجه دي

[_Ahmed_casper_]

يا جماعه دى استخدامها ازاى؟

[iwantes350]

ازيك يا باشا...ايه الاسعار النار دي؟ انت روحت عند ايمن حرز ولا ايه؟هو اسعاره غاليه بس مش للدرجه دي

الحمد لله
اه فعلا هو ايمن حرز ال........... مش عايز اكمل
ومش عارف ليه اورجينال كل ما اروح عنده الاقيه قافل
هل هو قفل خالص ولا ايه ؟؟
والف شكر لكل اللى رد على
وانا سالت على الستاير الكبس بره عند واحد اسمه جنرال كانت ب 85 جنيه

[iwantes350]

ازيك يا باشا...ايه الاسعار النار دي؟ انت روحت عند ايمن حرز ولا ايه؟هو اسعاره غاليه بس مش للدرجه دي

الحمد لله
اه فعلا هو ايمن حرز ال........... مش عايز اكمل
ومش عارف ليه اورجينال كل ما اروح عنده الاقيه قافل
هل هو قفل خالص ولا ايه ؟؟
والف شكر لكل اللى رد على
وانا سالت على الستاير الكبس بره عند واحد اسمه جنرال كانت ب 85 جنيه

[m7mda7md]

بس ايمن كانت اسعاره عاليه آه بس مش كده خالص و مش كل حاجه عنده كانت غاليه ده غير ان انضف حاجه تلاقيها عنده و تاخدها و انت مغمض.بس الظاهر إتغير بعد ما حط اليفط ههههههههههههههههههههه...ايوه فعلا اوريجينال مش عارف ايه حكايته كذا مره اروح عنده الاقيه قافل..ده لو فضل قافل كده منعرفش نعيش من غيره هههههههههههههههههههه.هو كمان بصراحه حاجته نضيفه جدا

[iwantes350]

بس ايمن كانت اسعاره عاليه آه بس مش كده خالص و مش كل حاجه عنده كانت غاليه ده غير ان انضف حاجه تلاقيها عنده و تاخدها و انت مغمض.بس الظاهر إتغير بعد ما حط اليفط ههههههههههههههههههههه...ايوه فعلا اوريجينال مش عارف ايه حكايته كذا مره اروح عنده الاقيه قافل..ده لو فضل قافل كده منعرفش نعيش من غيره هههههههههههههههههههه.هو كمان بصراحه حاجته نضيفه جدا

انا مستغرب اوى من ايمن ده بيقولى ملمع الكاوتش ب 35 جنيه وده السعر العادى والفوم بتاع القماش بردو ب 35 و الوكس ب 45 ههههه
شفت المصيبة السودا يا معلم
النهاردة نزلت مخصوص عشان اجيب حاجات للعربية قلت اروح اورجينال ولقيته قافل والنهاردة كان الحد بس سئلت الراجل اللى جمبه قالى انه خلاص قفل ومش هيفتح تانى
قلت اشوف حد تانى لقيت واحد فاتح قلتله عايز واكس قالى ايه يعنى ايه ده منديش ومعرفش ؟؟؟؟؟؟؟؟؟؟؟

[ramyraby]

على فكرة اغلب المحلات في البنزينة بتكون غالية جدا حتى الشبسي والكانز