فين محلات الجنوط الإستيراد فى بورسعيد يا رجالة ؟

[Moe86]

السلام عليكم
عايز أشترى جنوط 15 إيطالى مستعمل, رحت الحرفيين و كل اللى لاقيته حاجات متبهدلة, أنا سمعت ان بورسعيد فيها جنوط استيراد جامدة و رخيصة, و ناوى أروح الخميس ان شاء الله , ممكن تقولولى أروح لمين و فين ؟
أنا مستعجل علشان عندى فردة عجل بايظة و عايز أنجز الموضوع فى خلال يومين بالكتير
أنا عايز أشترى فرش الألفا روميو 147 كمان, هلاقيه فين ؟
شكرا مقدما

[MOUSTAFA_SAAD]

متابع

[Youssef.Awad]

بصراحة ياباشا ما اعرفش حد بعينه بس منطقة قطع الغيار والعربيات والاكسسوارات فى حتة اسمها الاسكان ودى فى مدخل البلد عند مدخل موقف الاتوبيسات كده

[Moe86]

ألف شكر على الردود, أخبار الطريق و البلد هناك إيه دلوقتى ؟ فى قلق و قافلين الطريق ؟

[MOUSTAFA_SAAD]

ياريت لو روحت هناك واشتريت حاجه تعرفلنا النظام ايه والاسعار عامله ايه

[Youssef.Awad]

ألف شكر على الردود, أخبار الطريق و البلد هناك إيه دلوقتى ؟ فى قلق و قافلين الطريق ؟

الطريق زى الفل اطمن انا هناك مرة كل اسبوعين رايح جاى واوقات اسبوعيا
خلى بالك بس من الطريق وما تزودش السرعة اوى الا فى حتت معينة عشان الاسفلت تعبان فى مناطق معينة والطريق بيبقى زحمة وساعات كتير عليه اعطال واصلاحات
من الشروق لبوابة الاسماعيلية زى الفل دوس براحتك خاصة من شعار المركب لحد الكارتة
بعد الكارتة لحد المنايف ومدخل الاسماعيلية الطريق مش مزبوط اوى وانت رايح بس وانت جاى احسن بكتير لسه متسفلت قريب
من اول الاسماعيلية لحد بورسعيد خلى بالك الطريق كله ملفات وتكاتك وموتسكيلات وبهايم وقرف خاصة لحد القنطرة وكوبرى السلام فوق القناة بعدها بقى لحد كارتة بورسعيد ومدخل البلد احسن شوية
وحاول ما تتأخرش لباليل اوى عشان الطريق اغلبه ضلمة حتى لو منور بعواميد خاصة انك مش حافظة وفيه نقر كتير فى الاسفلت اعمل حسابك
وربنا يسترها معاك وتروح وترجع بالسلامة
اما البلد نفسها فتعبانة اوى مش زى الاول واغلب اللى هناك صينى واسعاره نار مابقاش فيه مستورد نضيف زى الاول
ولو اشتريت ركب هناك وريح دماغك بدل ما يدفعوك وانت خارج بيهم وابقى اتصرف فى الطقم القديم باى سعر واخلص
على فكرة من ساعة الثورة مفيش رادارات كانوا دايما 3 واحد عند المركز الطبى العالمى ك41
والثانى قبل اسماعيلية فى المنايف
والثالث فى الكاب بورسعيد بعد الكارتة

[hko]

متابع

[khaleddapino]

حضرتك بتقول بورسعيد تعبانه من اى اتجاه؟؟

[khaleddapino]

بالنسبه لمحلات الجنوط الاستراد ديه فى منطقه بنك الاسكان اسال عن واحد اسمه الشعبان

[Salamonti]

باشا الراجل مايقصدش حاجة وحشة
هو يقصد الحجات البضاعة بقت تعبانة ومابقاش فيه حاجة نضيفة زي زمان
اقرا بقيت الجملة وافهم الكلام كله على بعضه هاتلاقي مفيش حاجة غلط
وعلى فكرة انا وجهتي الوحية في أي سفرية هي بورسعيد سواء صيف أو شتا
وعندي شقة في بورفؤاد في مساكن أشتوم الجميل ورا مجمع المدارس عند نادي المعلمين

م الآخر يعني لو كان الراجل غلط مكنتش هاسكت
بس هو فعلا مايقصدش حاجة خالص

[bisoolover]

هى فعلا حتة اسمها بنك الاسكان وكلهم هناااك كده بس بووص بقى نصييحة اخوية بجد هنااك لازم تبقى داااخل وانت معلم عليهم فاااهم يعنى انت مش فارقة معاك مش مدلووق عليهم هناك هيقوولك ال 15 ب1200 قوله 600 جنيه وش تخلص 650700 واسمع منى الكلام ده بجد والله وعن تجربة
بالنسبة للاسعار ال13 بيبدا من 300 ل 400
ال 14 بيبدا من 400 ل 550
ال 15 بيبدا من 600 ل800
بس ده طبعا بعد الحركة اللى قولتلك عليها ماشى وربنا يستر طريقك ياريس

[khaleddapino]

باشا الراجل مايقصدش حاجة وحشة
هو يقصد الحجات البضاعة بقت تعبانة ومابقاش فيه حاجة نضيفة زي زمان
اقرا بقيت الجملة وافهم الكلام كله على بعضه هاتلاقي مفيش حاجة غلط
وعلى فكرة انا وجهتي الوحية في أي سفرية هي بورسعيد سواء صيف أو شتا
وعندي شقة في بورفؤاد في مساكن أشتوم الجميل ورا مجمع المدارس عند نادي المعلمين

م الآخر يعني لو كان الراجل غلط مكنتش هاسكت
بس هو فعلا مايقصدش حاجة خالص

لا والله انا قصدى شريف :)

انا بسال علشان اعرف ايه الى اتغير فى بروسعيد و احس بيه بس مش اكتر

طبعا مفيش شك ان بنك الاسكان فى حال خامله مقارنه بالسنين الى فاتت ده غير جمارك الاستثمار الى كانت بترش هوندا كل ساعه على الناس كانت ايام

بالنسبه لمحلات الكماليات فى وسط البلد فى شغلها كل نازل جديد و شغال تمام

انا بس حتفق معاك ان بورسعيد اتملت جنوط صينى بس اكتر الناس الى بتشتريها بتكون تاكسيات

لسه امبارح شايف تاكسى فيرنا مركب 17 صينى و dvdscreeen طب ده تقولو تاكسى ازاى ههههه


و حصل خير بس انا و الله ما فهمتش غلط و لا حاجه و كل حبايب القاهره تنور فى اى وقت عندنا

[Moe86]

الطريق زى الفل اطمن انا هناك مرة كل اسبوعين رايح جاى واوقات اسبوعيا
خلى بالك بس من الطريق وما تزودش السرعة اوى الا فى حتت معينة عشان الاسفلت تعبان فى مناطق معينة والطريق بيبقى زحمة وساعات كتير عليه اعطال واصلاحات

متشكر جدا على التفاصيل دى كلها

بالنسبه لمحلات الجنوط الاستراد ديه فى منطقه بنك الاسكان اسال عن واحد اسمه الشعبان

تمام, لو رحت هعدى عليه ان شاء الله

هى فعلا حتة اسمها بنك الاسكان وكلهم هناااك كده بس بووص بقى نصييحة اخوية بجد هنااك لازم تبقى داااخل وانت معلم عليهم فاااهم يعنى انت مش فارقة معاك مش مدلووق عليهم هناك هيقوولك ال 15 ب1200 قوله 600 جنيه وش تخلص 650700 واسمع منى الكلام ده بجد والله وعن تجربة
بالنسبة للاسعار ال13 بيبدا من 300 ل 400
ال 14 بيبدا من 400 ل 550
ال 15 بيبدا من 600 ل800
بس ده طبعا بعد الحركة اللى قولتلك عليها ماشى وربنا يستر طريقك ياريس

تمام, نفس نظام الحرفيين يعنى

[bisoolover]

شييل بقى صوورة البراادعى دى ممكن

[Youssef.Awad]

حضرتك بتقول بورسعيد تعبانه من اى اتجاه؟؟

تعبانة من اتحاه المنطقة الحرة اللى مكتوبة على نمر عربية حضرتك وبالمقارنة مع من 10 سنين دمار شامل
وده كلام اهل بورسعيد نفسهم مش انا
لما اهل بورسعيد يروحوا يشتروا لبس وجزم وحاجات كتير من برة عشان انضف لأن المستورد اغلبه صينى درجة تالتة ولا تركى باسعار مبالغ فيها
عن نفسى كنت فى تركيا جبت قمصان كلاسيك الواحد ب10 ليرة يعنى 40ج لا غير
اعفن منه شوفته فى شارع الجمهورية ب120ج وكان عليه تخفيض كمان !!!!!!!!!!!!!!!!!

باشا الراجل مايقصدش حاجة وحشة
هو يقصد الحجات البضاعة بقت تعبانة ومابقاش فيه حاجة نضيفة زي زمان
اقرا بقيت الجملة وافهم الكلام كله على بعضه هاتلاقي مفيش حاجة غلط
وعلى فكرة انا وجهتي الوحية في أي سفرية هي بورسعيد سواء صيف أو شتا
وعندي شقة في بورفؤاد في مساكن أشتوم الجميل ورا مجمع المدارس عند نادي المعلمين

م الآخر يعني لو كان الراجل غلط مكنتش هاسكت
بس هو فعلا مايقصدش حاجة خالص

فعلا هو كده
على فكرة انا خاطب من بورسعيد يعنى ما ينفعش اغلط فى بلد مراتى باذن الله