تقريبا الازاز الجانبي جالو شلل!!

[Shehab1337]

بصو يا رجالة, انا الازاز بتاعي اللي في الجمب متخربش جامد اوي هوا و الازاز اللي الناحية التانيا انما الاتنين الورا لأ.

الصبح اشطة مش بيدايقني غير شكله انما بليل مبشوفش منه كويس كانه فاميه P: و المصيبة ان انا عايز اركب فاميه فمش هاينفع طبعا.

ده من ايه ده؟ و هل الازاز ممكن يتعالج؟

ودي صورة, مش واضح الخربيش اوي يعني عاشان مكنش بليل, علي الساعة 6 المغرب.



Uploaded with ImageShack.us

[a7madramadan]

ليا واحد صاحبي عنده نفس المشكلة في انتظار اصحاب الخبرة

[zegzaag]

بص يا صديقي
خدوش القزاز انواع ودرجات
لو خدوش هتطلع غالبا بتكون الخدوش الي واخده لون ومش عميقه يعني سطحيه
انا المساحات لما باظت حكت القزاز رايح جاي كتير وملهاش علاج لان قالي ان الخدش الي فيها عميق
هي الخدوش دي من مكنة القزاز مش كده ؟
عالعموم انزل أسأل عند اي محل قزاز وشوف كده ان شاء الله تطلع انا حاسس انها حاجه بسيطه

[a7madramadan]

الموجودة على القزاز بتاع حضرتك يعتبر scuffing موش scratching يعني يعتبر تجاريح من الشفة الي بتقفل على القزاز من تحت هتحتاج تغيرها و تروح لواحد بتاع قزاز هيعالجلك القزاز ان شاء الله ...... يحوز لو في بعض الخطوط اعمق نسبيا القزاز هيروق بس هيفضل أثر للخطوط دي

ده نتيجة الي عمله صاحبي لسه مكلمة النهاردة العشاء ....

[Shehab1337]

رحت لبتاع ازاز قال لي ان الازاز الجانبي اصلا ضعيف فلو اتعالج هيبئي اضعف, قالي اشتري جديد احسن عاشان الفرق مش كبير.