استفسار ضروري بخصوص ال fm modulator

[Eng.Mina]

انا برده اللي معايا نوعه انفينيتي وانصحك تجيب النوع ده لاني كنت جايب نوع تاني الاول وقرفني كان بيقطع وساعات تلاقيه مش شغال خالص والانفينيتي ده كان تمنه 80 جنيه وجبت فلاشه 2 جيجا كنجستون ب 60 جنيه والحمد لله كواليتي الصوت كويسه ومالوش اي مشاكل حتي الان لكن بالنسبة للنوع اللي ب17 ده متهيألي حايبقي مش كويس ومقرف وعلي فكرة الانفينيتي بيكون معاه ريموت كونترول ووصلة لل mp3
ياريت بأه ياجماعة ترجعوا لسؤالي وحد يقدر يفيدني يا اما حاضطر اجرب اسيبه في الولاعة علي طول واشوف ايه اللي حايحصل وياريت الاستاذ waleed24ag يقوللي هو بيسيبه في الولاعة علي طول وللا بيشيله لانه معاه نفس نوع الترانسميتر بتاعي

[goodwave]

يا جماعة زي ما الأخت دموع الثلج قالت .... لما العربية تفصل الجهاز بيفصل ولما بتشتغل الجهاز بيشتغل !
في حاجة لاحظتها وهي غن لما بدور العربية ولسة مش مشغل الراديو فالجهاز بيشتغل لوحدة والترك بيبدأ..... أعتقد عندي في عربيتي الجهاز بيفصل مع فصل الدوراة بتاعت العربية.

بالنسبة للجهاز زي الفل وال× إللي قال إنه في زنة فالزنة دية المفروض ما تكونش موجودة اساسا ولازم تظبط الجهاز والراديو مع بعض .... و على فكرة الجهاز فية تظبيط محطات زي الراديو بالظبط.... فلازم تظبط الأتنين.... كان عندى الزنة او ما جبته وبعد التظبيط راحت.

الجهاز في منه أسعار كتيير .... ولكن بيفرق الجودة بس عمر ما سمعت 17 جنية دي!
انا جبته من راديو شاك وعلية ضمان 6 شهور ومعاه ميمور كارد 512 هدية ب 130 جنية .... عيبه الوحيد إنه مفيهوش حجارة بطارية) علشان يحفظ التراك لما العربية تبطل..... الإسترخاص في الحاجات دية غير محبذ نهائي وخصوصا لو العربية جديدة .... مثلا الشريط إللي بيتحط في الكاسيت وب 8 جنية ده ممكن يبهدل الهيد.

حضرتك ممكن تستخدم محرك البحث على المنتدى وحتلاقي أكتر من موضوع وصور عن ال MP3 FM Modulator

[waleed24ag]

بالنسبه للاخ مينا انا عمري ما بشيل الجهاز من مكانه لانه هو بيفصل و يشتغل مع العربيه بس طبعا العيب الوحيد انه موش بيقف علي التراك الي انت سايبه عليه طول ما العربيه شغاله هو شغال و علي فكره جهاز الجود ويف برده كويس بس متهيالي انه مفيش فرق بينه و بين الانفينيتي الانواع دي كويسه

[Eng.Mina]

متشكر اوي ياجماعة علي سرعة الرد وتعاونكوا معايا انتوا فعلا ونعم الاخوة

[aliabutaleb]

تسلم ايدك يا مينا على الصورة

[Eng.Mina]

العفو يا alijandroo انت تأمر انا كان نفسي اصورلك الترانسميتر بتاعي بس للاسف ماعنديش كاميرا ديجيتال فلقيت الصورة دي علي النت قلت تأدي الغرض

[wael6]

عندى مشكلة فى الصوت خاصة بام بي ثري الولاعه بيفصل عند اى هزه للعربيه والكهربائي بيقولى كهربة العربية عاليه ومش هتنفع معاك هل ده له حل ام لا مع العلم انى جربت 3 ام بي ثري ونفس النتيجه والجديد كمان انى كنت بشغل التلفون على شريط ام بي ثري وبقا بيفصل زى ام بي ثري الولاعه (( هل كهربة العربية ممكن توطى شوية وتتظبط الولاعه وطقم الصوت ولا توطيتها هيأثر على سحبها )) ارجو الافادة