تغير لمبات الافيو

[bekatcho]

النور عندى ضعيف جدا كنت عايز اغير اللمبات بس مش عايز العب فى الضفائر ولا اى حاجة
يعنى عايز اغير لمبات وبس من غير اى حاجة

فقولولى اية اللمبات الى اجيبها ومش محتاجة اغير كتاوت ولا ضفائر ولا اى حاجة

[MoodA]

osram night breaker or philips extreme power

[bekatcho]

دى قوتهم كام وعاملين كام

[MoodA]

ال night breaker كان الطقم عامل 120 جنيه من التوفيقيه من 20 يوم بالظبط
اما ال extreme مش عارف بصراحه
و الاتنين قوتهم 55/60w
ولكن ال night breaker نورها ابيض شويه و تديك 90% اضاءة اقوى اما ال extreme power بتديك 80% اضاءة زيادة والاتنين بيركبو من غير كتاوت او لعب ف كهربة العربية تماما

[bekatcho]

طيب ما انا الى راكب عندى نفس القوة دى
انا عايز حاجة اقوى من غير لعب
يعنى انا سئلت الناس قالولى لو ركبت لمبات 200/120

مش هتحتاج تغير اى حاجة وهتبقى قوية معاك
ياترى الكلام دة صحيح ولا

[MoodA]

بص يا باشا اللمض الفابريكه بتاعت العربيه بتكون نازلة 55 يعني اي لمض اعلى منها هتحتاج تركبلها كتاوت عشان تزودلك الاضاءة وتطلع كل قوتها

[bekatcho]

طيب يا باشا تغيير الكتاوت دة ياثر فى اعادة بيع العربية؟
الى انا عرفته ان تغيير الضفائر هوا الى ياثر فى البيت لكن الكتاوت تاثر ولا لا
وياترى اقدر اركبها انا بنفسى ولا محتاجة اروح لحد يركبهالى

[MoodA]

لا ياباشا متأثرش خاااااااالص على بيع العربية متقلقش دي مجرد حاجه بس عشان تزود قوة الاضائة وتديها القوه المطلوبه عشان تقووووم صح
بس يفضل يعني تركب نوع نضيف و تركبها عند كهربائي محل ثقه و يكون شاطر

[bekatcho]

طيب تمام كدة شكرا ليك يا مودة انا هنزل اشوف لمبات 200/120 واجيب الكتاوت واركبها

[MoodA]

مبروك مقدما يا باشا و ابقى قولنا بقى عملت ايه

[bekatcho]

هوا انا غيرت اللمبات ب 200/120
والراجل عمل توصيلة من الكشافين للكتاوت الجديدة وماخلاش حاجة باينة فى العربية الى هيفتح الكبوت مش هيشوف حاجة
والنور بقى اقوى شوية
بس مش عارف ليه النور برضة مش حاسس انه الضعف 3 مرات
حاسس انه اقوى من الاول بس مش بالنسبة

[bekatcho]

هحاول اطلع على طريق واشوف النور عامل ازاى او اشوف طريق رايح جاى بليل عشان اقدر احكم بالظبط على حسب مشكلتى القديمة
هيا كلفتنى بالظبط 150 جنية
90 جنية طلبات والراجل اخد 60 جنية لنفسه عشان هوا الى جابلى السلك
ياترى كدة كويس ولا غالى ولا اية
هوا كان طالب 80 وخلصت معاه على 60

[bekatcho]

واللمبات الى انا مركبها h4
ياترى كويسة ولا اية

[Waleedclub]

واللمبات الى انا مركبها h4
ياترى كويسة ولا اية

اتش 4 دا نوع اللمبة علشان تتحددها تركب علي انهي عربيه لكن ماركتها ايه فليبس اوسرام و لا نوعها ايه و قوتها كام كلفن 4800 ولا5800 ولا اكتر و الكتاوت نوعه ايه معلش اسئلة كتير صحيح عربيتك ايه و خبا الكاتاوت فين
تحياتي

[bekatcho]

بص يا باشا اللمض تريفا المانى
وبصراحة انا مش عارف هيا كام كلفن لانى ماليش فى الحاجات دى اوى
هيا العلبة مكتوب عليها بالظبط
h4
200/120 cp
12v p43t
nr : 1613
100/90w

والكتاوت جبتها نوع تركى
وعربيتى نوعها شيفرولية افيو
والراجل بصراحة شغله نضيف لو فتحت الكبوت مش هتشوف اى حاجة من الى عملها مخبى كل حاجة
حته الكتاوت مركبها ورا الاكصدام على طول تحت الفانوس بحيث ان الفانوس وهوا متركب مخبيها

بس انا عايز اعرف هوا انا انضحك عليا فى ال 60 جنية ولا هوا حقه 60 جنية :d