سؤاااااااااااال بخصوص كتاوت النووور !!!

[MoodA]

دلوقتي يا جماعه انا عندي الفنوس مكون من جزئين, جزء فيه عدسه وده بينور مع الواطي و جنبه جزء من غير عدسه و ده بينور ف العالى, وانا بركب الفوانيس الكهربائي جاب حاجه اسمها سيليكونة نور وركبها وعمل ف النور العالى العدسه واللى جنبها الاتنين ينورو وقالى عشان النور يظبط معاك اوي هتحتاج كتاوت نور
دلوقتى بقى السؤال, انا هجيب كتاوت للعالى وللواطي ؟؟؟؟ ولا اييه النظام بالظبط ؟؟؟ هو قالى انت هتحتاج 2 واحده لكل فانوس
عااايز حد يفهمني الموضوع ده بالله عليكم مع العلم انى هغير اللمض اللى عندي اللى هي 55w وهجيب 100w

[MoodA]

هو الحوار عويص اوي كده ولا ايه يا جماعه ؟؟؟؟؟؟؟؟؟؟؟؟؟؟؟ هههههههههه

[eldell]

مهو حضرتك الكتاوت ديه علشان لما تجيب ال100 وات مش تسيح الضقفيره والا دراع النوووور يعنى وظيفته مقوى يعنى هتحتاج لكل لمبه كتاوت ويارب اكون افادتك

[MoodA]

يعني يا باشا دلوقتي كل فانوس هركبله 2 كتاوت ؟؟؟؟؟؟؟؟؟؟؟ عشان كل فنوس هيكون فيه لمبتين 100 واحده للواطي و التانيه للعالى
صح كده ولا انا فاهم غلط
وشكرا على مرورك

[ahmedaglan]

صح ياباشا هتركب كتاوت لكل لمبتين

[MoodA]

صح ياباشا هتركب كتاوت لكل لمبتين

ههههههههههه معلش يا باشا يظهر الصيام مأثر عليا شويا استحملني ههههههههههههههه
يعني كل كل فانوس (مكون من لمبتين 100) هيتركبله واحدة كتاوت ؟؟؟؟ ولا لكل فانوس هركب 2 كتاوت واحده للعالى و التانييه للواطي ؟؟؟؟؟؟؟؟

[m7mda7md]

الليله كلها يا باشا يمين و شمال و فوق و تحت 2 كتاوت...يعني كل فانوس كتاوت ...التوتال 2 كتاوت مش 4

[MoodA]

طب والنبي انت برنس ههههههههههههه ربنا يخليك يا باشا
طب معندكش فكره يعني الكتاوت دي تقدر تتحمل جهد قد ايه عشان متتحرقش ؟؟؟؟ اصل مثلا ف العالى مثلا كل فنوس هيضرب 200w فكنت عايز اسأل عن موضوع التحمل ده اصلي سمعت انها بتتحرق و كده
ولو تعرف نوع ابن ناس و محترم كده ياريت متبخلش علينا

[eldell]

الليله كلها يا باشا يمين و شمال و فوق و تحت 2 كتاوت...يعني كل فانوس كتاوت ...التوتال 2 كتاوت مش 4

+1111111111111 كل فانوس كتاوت واحده

[m7mda7md]

تحت أمرك يا باشا و لو حبينا نتفلسف و نتحنجل شويه هنقول النور العالي كتاوت و النور الواطي كتاوت مش كل فانوس كتاوت زي ما قولتلك فوق و بردو التوتال 2 مش 4...النوع ال انا مجربه و شغال علي لمض تنجسرام 140/100 نوع تركي اسمه elo علبته اصفر ف اسود ب 20 او 25 مش فاكر و الحمد لله معملش حاجه معايا بس اهم حاجه الميه متجيش ناحيته عشان ممكن يعلق.تبقي انت طافي النور من الدراع بس النور شغال و عموما حلها بسيط بتشيل غطا الكتاوت و تخبطه خبطه خفيفه بإيدك او ترفع الريشه بتاعته بأي حاجه هيرجع طبيعي

[MoodA]

تسلملى يا غالى ربنا يخليك
طب معلش سؤال اخير, انا كنت مع الكهربائي من شويه بقوله هجيب كتاوت تيواني (عشان فى واحد هنا لسه مركبهم يعني) قاللى لا وحشين طب هجيب تركي لا وحشين, وراسه و الف سيف اجيب المستوردين دول بتوع العربية البيجو و بيقولى دول اقوى حاجه وهم اللى هيظبطو
هل الكلام اللى بيقولو ده صحيح ولا بيهتش عليا ولا ايه ؟؟؟؟؟
يعني التيواني دي تمام و شغاله ولا اي كلام ؟

[m7mda7md]

مقدرش افتي بصراحه بس التركي شغال تمام الحمد لله

[MoodA]

طيب تمااام يا باشا ربنا يكرمك انا قلت استفسر بس يمك يكون حد عنده فكره