انا محتار بين الكاميرا الخلفية و الحساسات الخلفية؟؟!!

[aymanshebl]

بسم الله الرحمن الرحيم

كل عام و انتم بخير

انا محتار بين الكاميرا الخلفية و الحساسات الخلفية انهى احسن فى مجال الرجوع للخلف و كمان فى نوع حساسات من غير تخريم فى الاكصدام موجود فى الموقع ده careps.tk

فياريت تفيدونى


وشكرا و السلام عليكم و رحمة الله و بركاته

[Ahmed Selim]

الكاميرا أحسن فى رأيي..........بس لو أتعودت عليها هتحس أن ناقصك حاجة لو مش موجودة.

اللى فى الموقع مش عارف بيشتغل أزاى و مش هقدر أفيدك فيه.

[king516]

بص يااستاذى انا مركب الكاميرا عندى فى الأسبرانزا عشان الشنطه عاليه الى حد ما وطبيعه شغلى واعمالى بتخلينى ادخل فى حتت ومناطق لايعلمها الا الله وحده فعشان كده ركبتها لكن بص :

لو هتركب كاميرا :

يلزمك وجود dvd سواء بقى كان مرايه او شماسه او تابلوه ( فبريكه العربيه ) يركب عليها الكاميرا وبدون اى مشاكل اطلاقا وهتفيدك جدا جدا

لوهتركب حساسات :

مش محتاج كل ده لكن الكامير افيد

ولو قولتلى على نوع عربيتك هجيبلك الحل والخلاصه بالصور لأن عندى صور جميع اجهزه الدى فى دى لجميع الموديلات الحديثه

[aymanshebl]

بص يااستاذى انا مركب الكاميرا عندى فى الأسبرانزا عشان الشنطه عاليه الى حد ما وطبيعه شغلى واعمالى بتخلينى ادخل فى حتت ومناطق لايعلمها الا الله وحده فعشان كده ركبتها لكن بص :

لو هتركب كاميرا :

يلزمك وجود dvd سواء بقى كان مرايه او شماسه او تابلوه ( فبريكه العربيه ) يركب عليها الكاميرا وبدون اى مشاكل اطلاقا وهتفيدك جدا جدا

لوهتركب حساسات :

مش محتاج كل ده لكن الكامير افيد

ولو قولتلى على نوع عربيتك هجيبلك الحل والخلاصه بالصور لأن عندى صور جميع اجهزه الدى فى دى لجميع الموديلات الحديثه

شكرا لرد حضرتك
الحمد لله انا معايا بفضل من ربنا النترا 2011 الشكل القديم

[bondjames]

شكرا لرد حضرتك
الحمد لله انا معايا بفضل من ربنا النترا 2011 الشكل القديم

طبعا كاميرا

[horas3000]

انا شخصيا جربت الاتنين و استريحت للسنسور اكتر

[king516]

شوف الصور دى واتفرج لأن الألنتر احسن عربيه يركبلها الجهاز : وقولى ايه رأيك

[king516]

والأجهزه تشتغل الكاميرا الخلفيه عليهم عادى جدا وتبينلك الشارع كله من وراك وتشغل كل الأمكانيات اللى فى بالك وانا مجرب فى عربيتى وعربيات اصحابى وكان من هم النترا 2010

[saddam]

الأخ العزيز ريح بالك جدا وإختصر المسافات وكثرة الفتوى وإعمل الصح والإثنين لا غنى عنهم الحساس أنت محتاج دايما تبص عليه عشان تشوف فاضل أد إيه سم لغاية متخبط في الجسم اللي وراك أما الكاميرا مفيدة جدا جدا جدا بشرط تكون بها حساس ليلي ثم السينسور بيعطل عدساته كثيرا فدايما لازم تشتري جهازين وكل جهاز يحتوي 4 عدسات حتحسب سنة بالكتير حتلاقي 3 منهم أو 2 على الأقل لازم يتغيروا بس عشان الكاميرا تنجح عندك إعمل زيي أنا مشغلها على طول مش بس في حالة الرجوع للخلف بشاشة منفصلة لوحدها ملصوقة بالزجاج الأمامي بحامل شبه حامل الموبايل ومرتاح جدا وبقالي فترة طويلة مبصضيتش ورايه والإثنين لا غنى عنهم والإثنين على فكرة بسعر متقارب هو الفرق بس في الشاشة فقط مع إعتزازي

[egytamer]

طيب لو ممكن سؤال هلي جودة الكاميرا بتكون كويسة فممكن استخدمها بدل المرايات وانا ماشي في الطريق وهل تنفع بالليل ولا بليل مش هتبين اي حاجة.

[saddam]

طيب لو ممكن سؤال هلي جودة الكاميرا بتكون كويسة فممكن استخدمها بدل المرايات وانا ماشي في الطريق وهل تنفع بالليل ولا بليل مش هتبين اي حاجة.

أنا مركب شاشة نظيفة وكاميرا نظيفة ومعدتش أستخدم المرايات إلا للتسلية فقط بس إنتبه لازم الكاميرا يكون فيها حساس ليلي شرط أساسي عشان في كاميرات عادية أي كلام وبصراحة الكاميرات في مصر من وجهة نظري ضرورة وليست كماليات ياما الواحد بيرجع ورا يلاقي وراه عيل ولا حاجة أقصر من العربية ساعتها كنت حتقول يا ريت اللي جرى ما كان وحصلت معايه مرة وبسبب الكاميرا ربنا ستر

[aymanshebl]

أنا مركب شاشة نظيفة وكاميرا نظيفة ومعدتش أستخدم المرايات إلا للتسلية فقط بس إنتبه لازم الكاميرا يكون فيها حساس ليلي شرط أساسي عشان في كاميرات عادية أي كلام وبصراحة الكاميرات في مصر من وجهة نظري ضرورة وليست كماليات ياما الواحد بيرجع ورا يلاقي وراه عيل ولا حاجة أقصر من العربية ساعتها كنت حتقول يا ريت اللي جرى ما كان وحصلت معايه مرة وبسبب الكاميرا ربنا ستر

طيب ممكن اسال حضرتك جبت الكاميرا و الشاشة منين و بكام و هل هى شاشة بس ولا دى فى دى و شكرا

[king516]

ادخل على المركز اليابانى فى ميدان الحجاز هيعجبك جدا جدا جدا وتلاقى رد لكل استفساراتك لأنى كنت محتار زيك كده وهما بأمانه ناس محترمه وفهمىن شغلهم غير انهم وكلاء لماركات متيره زى كلاريون وبيونير

[saddam]

طيب ممكن اسال حضرتك جبت الكاميرا و الشاشة منين و بكام و هل هى شاشة بس ولا دى فى دى و شكرا

بص ركز معايه أنا عربيتي فيها دي في دي شاشة وتاتش وأغلى حاجة في مصر بس قلنا ونعيد تاني مش صح تركب الكاميرا على المرشدين بس لازم المحترف يركب شاشة دائمية ومستقلة للكاميرا الخلفية والشاشات أنواع يا صحبي بتبتدي عندك من 120 جنيه لغاية 1500 جنيه وأنا في عربيتي 9 شاشات من 1500 جنيه كنت عاملهم قبل منفلس بسبب الثورة وأم 120 جنيه دي زي بتاعت التكسي والتكاتك أما أنا ركبت فين فأنا ركبت عند أدريان في المطبعة الهرم بس هل يا ترى حيعملولك شغل بمستوى شغلي فأنا معرفش بس هم كويسين ومحترمين في الفرع ده غير فروعهم التانية مش أد كده وربنا يوفقك وتعمل الصح وسلامات أنا لسه شاري العربية رقم 5 في مجموعتي الخاصة وحروح أركب حساسات وكاميرا وشاشات وشوية إفتكاسات وربنا يسهلها على الكل

[ahmedsamy90]

نصيحة بلاش الباركينج سنسور و خليك فى الكاميرا أحسن
الباركينج سنسور بيخرب شكل الإكصدام و لو رصيف واطى شوية مش هيلقطه ..... لأن هوا بيلقط الأجسام اللى قدام الحساس مباشرة خط مستقيم لا يمين و لا شمال ........ و بيبوظ مع الوقت .
ميزته الوحيدة انه رخيص شوية عن الكاميرا و الشاشة.
- ممكن أفضل تجيب مرايا بلوتوث و توصل عليها الكاميرا أحسن.
و القرار ليك فى الآخر....