ماهو الكوريك المناسب لل 128 ؟؟

[aif]

السلام عليكم
اجيب كوريك شكله ايه لل 128 يا تري التمساح .. ولا زي بتاع الياباني والكوري ( علي شكل معين ) ولا زي بتاع الشاهين ( عامودي ) ... انا اول مرة اتعامل مع ال 128 ايه الانسب ليها .... ويا ريت لو حد يعرف الانواع والاسعار .... واماكن الشراء ... انا باشوف محلات في احمد سعيد .. لكن ما اشتريتش قبل كدة من هناك حاجات زي كدة ....النصيحة يا إخواني
الف شكر مقدما يا رجاله

[theking2690]

متهيألى التمساح هيبقى مناسب ليها و هو فى حدود 70 جنيه

[tarekkasaby]

انا عندى الفابريكه اللى هوه العامودى بيركب فى جنب العربيه و ممتاز و ميزته انه موفر جدا فى المساحه فى الشنطه

[thegoodhacker]

انصحك تجيب كوريك التمساح لانه بينفع مع اي عربية و استخدامه سهل جدا

[Karim_Monir]

العامودي كويس بس لو مزنوقة العربية مش هاتعرف تتعامل
التمساح كويس وبيشيل 2 طن بس حجمة كبير بس سهل في الرفع قوي مش محتاج قوة
الاطول عمرة الباكم القصير التخين ده ده عمرة طويل فعلا بس مش سريع زي التمساح
خليك في اتمساح وليه شنطتة

[aif]

شكرا يا رجاله للرد والاهتمام :)

[hazem_khidr]

التمساحه يا احمد باشا احسن حاجه
اينعم حياخد مساحه من الشنطه بس جميل و مريح و سهل المدام تستعمله لو اتزنقت
لا تلجم العربيه و انت بترفع و لا تخاف يحك في الباب زي بتاع الشاهين.
بيعمل 70 او 75 جنيه اخره
ربنا يستر و ما يكنش زاد.
لو كنت قولت من شهرين بالضبط كان عندي كوريك ال 132
ايطالي اصلي و بالختم بتاع فيات و مكنتش بفرط فيه بس اديته لواحد صاحبي عزيز عليا اوي

[aif]

التمساحه يا احمد باشا احسن حاجه
اينعم حياخد مساحه من الشنطه بس جميل و مريح و سهل المدام تستعمله لو اتزنقت
لا تلجم العربيه و انت بترفع و لا تخاف يحك في الباب زي بتاع الشاهين.
بيعمل 70 او 75 جنيه اخره
ربنا يستر و ما يكنش زاد.
لو كنت قولت من شهرين بالضبط كان عندي كوريك ال 132
ايطالي اصلي و بالختم بتاع فيات و مكنتش بفرط فيه بس اديته لواحد صاحبي عزيز عليا اوي

ربنا يكرمك يا حازم .....كلك واجب وذوق