محتاج مشوره فى الزينون ارجوكم

[king516]

بعد اذن الخبراء والأساتذه الكبار فى هذا المنتدى الرائع
كنت عايز اركب زينون فى الفوجات لعربيتى اسبرانزا 516
وبدخل كل يوم اشوف مواضيع ومشاركات عن الزينون لكن مبستفدش منها بحاجه
فعايز نصيحه
اجيبهم نوعهم ايه ؟؟؟؟؟؟؟؟؟؟
منين ؟؟؟؟؟؟؟؟
بكام ؟؟؟؟
وارجوكوا تفيدونى لأنى عايز اركبهم ضرورى جدا وكل سنه وانتم طيبين

[king516]

????????????????

[bmw323]

طالما للفوجات متجبش حاجة غالية فى فى التوفيقية بـ250 جنية ومعاة ضمان 6 شهور

[king516]

انا عايز حاجه نضيفه شويه وتكون قويه جدا ومتأثرش على حاله الفوجات نفسها وشكرا لمساعدتك

[evram]

في فيلبس و بوش صيني جامد ايو انا مركب البوش الصيني دة ب 450 كنت جايبة 4300

[king516]

منين يافرام بالظبط بعد اذنك

[evram]

بص هو موجود عند محمد عثمان جو بس جو اسعاروة غاليه زو تعامله وحش استني هرد عليك بليل موجود فين الاسعار

[hazimtahaz]

لو تعرف حد يجبهولك من السعوديه يا باشا ...انا جايب البوش الصيني للفوجات عامل 190 ريال يعني حوالي 285 جينيه....وعلى كلام الكهربائي الي ركبه بيقولي هوا الفينش بتاعه اعلى من الصيني الي انا بركبه (ده قبل ما يعرف انه جي من برا)
بس كده كده انا جربت البوش الصيني ده وزي الفل الحمدلله

[MMIIDDOOALEX]

لو زينزن يبقى اى نوع صينى بس يفضل ان اللمبه تكون قوتها 55 لانها بتدى شكل جامد اووووى بس على فكره الزينون كله شكل بس يعنى مش هيفيدك فى السفر

[theking_med]

لو زينزن يبقى اى نوع صينى بس يفضل ان اللمبه تكون قوتها 55 لانها بتدى شكل جامد اووووى بس على فكره الزينون كله شكل بس يعنى مش هيفيدك فى السفر

الجهاز هوا الي بيبقى 55 w مش اللمبه اللمبه بتتقاس بالكلفن وبيكون المقياس للون الزينون ابيض ثلجي او ازرق غامق وكل الموجود في السوق صيني بس الصيني درجات وانا انصحك باني الجهاز يكون 55 w وهوا سعروا تقريبا بيتراوح من 600 - 800 للخط الواحد

[ahmedaglan]

ياباشا حدد الميزانية علشان نقدر نقولك هتجيب منين واية الافضل ليك
اما لو عايز زينون صينى نضيف عند اربكوم الصينى بتكنولوجية فيليبس ودة 650 والكوري ب 750
ودرجة اللون 6000k
وبالتوفيق ف القرار السليم

[king516]

شكرا جدا جدا ليكوا ياجماعه وانا كنت عامل ميزانيه من 600 ل800 ج بس بشرط انه يكون قوى ويعيش وانا بس عايزه للفوجات مش اكتر يعنى مش عايزع عالى ولا واطى وياريت لو عنوان ارابكوم

[unks]

السلام عليكم : عنوان ارابكوم مدينة نصر . 4عمرات رامو جنب سيتي ستارز