خدعوك فقالوا الباركينج سينسور بكاميرة

[mkamel52]

قمت بتركيب باركينج سينسور بكاميرا إأمبارح بعد الفطار عند سبير كار وكنت مصدق الكلام اللى سمعته من ناس فى الموقع إنه حاجة عظيمة ، لكن مع الأسف النتيجة كانت محبطة بالنسبة لى ، حيث الفكرة تقوم على تركيب شاشة زى شاشة اللابتوب فوق مرايا الصالون وبالتالى المرايا إتلغت ، وعلشان تشوف ورا لازم تشوف من المرايات الجانبية ، أما الرؤيا من خلال شاشة الكمبيوتر المتعلقة فإنسى حيث إن لم أستطيع أن أميز سوى نور العربيات اللى جاية ورايا ، أما بالنسبة للكاميرة فهى تغطى خلف السيارة مباشرة ولا تغطى الأجناب وبالتالى جوانب الإكصدام الخلفى غير متغطية يعنى لو واحد واقف ورا العربية مباشرة من جهة اليمين أو اليسار لن يظهر فى الشاشة ، يعنى مرايا الصالون كانت أحسن ، أنا لسة ماجربتهاش فى النهار لكن بشكل عام النتيجة مش مشجعة بالمرة فأنا فقدت الرؤيا من خلال مرايا الصالون وأيضاً التغطية غير كاملة للخلف وعليك الإعتماد على المرايات الجانبية

[m7mda7md]

طب ما تجرب تحط الشاشه دي فوق او تحت مرايه الصالون.......متهيألي لو امكن فوقيها يبقي فل

[hko]

لو انت طفيت الشاشه هاتشوف زي المرايه بالظبط او ممكن تركب لها حامل علي التابلوه

[mohammedabdallh]

اولا مبروك
ثانيا حضرتك اتاكدت انك مركب كاميرا ليلية علشان الى حضرتك بتتكلم عليها دى كاميرا عادية
واحد صحبى مركبها زى الفل الى هى ليلية وبتجيب من على بعد كمان يعنى حوالى من 5 الى 10 متر وصورتها زى الفل بليل بس التمن مش فاكر وكان جايبها من هنا لا من برة برده معرفشى لما اشوفه هسئله عليها
وحاول تحطها على التبلوة احسن
وكلفتك كام
كان فى واحد صاحبنا هنا فى المنتدى كان جايب الكاميرا الليلية بس ب 175 من غير اى حاجه من التوفيقيه وكان مركبها على شاشة دى فى دى
هحاول اشوفلك اللينك

[mkamel52]

الله يبارك فيك ، انا جبتها من سبير كار فى باب اللوق ب 650 جنيه شاملة التركيب حأحاول أجرب أحطها على التابلوه لكن صعب على أخرم فى التابلوه ، الكاميرة اللى فيها هى كاميرة ليلية والصورة واضحة جداً لكن المشكلة إأن المرايا إتلغت فى النهار والصورة ضعيفة جداً ، بالظبط زى واحد معدى أمام تليفيزيون مطفى فتكون صورته على شاشة التليفيزيون زى الصورة اللى عندى .. صدقنى مقلب

[saddam]

مفيش داعي تتعب نفسك أنا وحده من عربياتي فيها 6 كاميرات ليلية والموضوع بسيط ومفيش داعي تخرم في التابلوه بتاعك أنا جبت حامل الموبايل العادي اللي بيلزق على الزجاج الأمامي ورحت شايل الحامل وركبتو على الشاشات وبقت الشاشات راكبة بالزجاج الأمامي وحاطط 9 شاشات جوه عربيتي ومدياني شكل مركبة فضائية فالموضوع بسيط متشغلش نفسك وإرمي الكاميرا اللي إنت جايبها وروح هات كاميرا ليليلة حتريحك جدا ومحترمة مع تقديري للجميع

[organic_magic]

مفيش داعي تتعب نفسك أنا وحده من عربياتي فيها 6 كاميرات ليلية والموضوع بسيط ومفيش داعي تخرم في التابلوه بتاعك أنا جبت حامل الموبايل العادي اللي بيلزق على الزجاج الأمامي ورحت شايل الحامل وركبتو على الشاشات وبقت الشاشات راكبة بالزجاج الأمامي وحاطط 9 شاشات جوه عربيتي ومدياني شكل مركبة فضائية فالموضوع بسيط متشغلش نفسك وإرمي الكاميرا اللي إنت جايبها وروح هات كاميرا ليليلة حتريحك جدا ومحترمة مع تقديري للجميع

معلش مفهمتش قصد حضرتك كويس انت مركب 6 كاميرات و9 شاشات

طب معلش موزع ال 9 شاشات ازاى جوا العربيه

انتا كدا ظبطت الرويا الخلفيه طب والاماميه ؟ ولا ال6 كاميرات ادام وورا

انا حابب توضحلى الصوره اكتر بعد اذنك

[eppo56]

....................................

-----------------------------------------------
لقد حصلت على انذار مصاحب بوقف اسبوع لمخالفة القاعدة 13
يرجى مراجعة قواعد المنتدى
18-9-2011
2:11 م
مشرف القسم ب10

[Eslam.Elrefaey]

خدعوك فقالوا 6 كاميرات بــ9 شاشات

ر د جااااامد الصراحة بس تقريبا مش قصدوه ال9 شاشات دول للكاميرات بس

المهم فى طريقة احسن من كووووول ده انك تحط الشاشة مكان المرايه عادى والكاميرا شغالة علطول سواء مارش او ماشى عادى وبس

[saddam]

معلش مفهمتش قصد حضرتك كويس انت مركب 6 كاميرات و9 شاشات

طب معلش موزع ال 9 شاشات ازاى جوا العربيه

انتا كدا ظبطت الرويا الخلفيه طب والاماميه ؟ ولا ال6 كاميرات ادام وورا

انا حابب توضحلى الصوره اكتر بعد اذنك

الأخ العزيز أنا عربيتي فيها 9 شاشات موزعة 4 في المخادع ووحده في الدي في دي ذات نفسه و4 في الزجاج الأمامي والأخ .......... ربنا يسامحو ............. أنا بصراحة مليش نفس أرد عليه لأن أنا باخد مواقف من أصحاب العربيات وفي عربيات معينة أنا محبش أختلط بأصحابها لأنهم من طبقة معينة 90% منهم ومن الناس دول إخواني ملاك اللانسر إحنه بس بننقل خبراتنا لصاحب الموضوع أما الناس اللي داخلة تعلق فجزاهم الله خيرا حضرتك تحب تعرف إيه أنا كاميرا راكبة ورا و4 كاميرات للرفارف وكاميرا حاططها فوق أعلى نقطة في حاجة أنا حاططها فوق سقف عربيتي عشان لما أخش في زحمة شديدة زي كوبري أكتوبر ولا حاجة ممكن أشوف من خلالها الصورة كاملة ومسافات بعيدة بس حضرتك سيبك مني أنا عربيتي متطرفة شوية في كمالياتها ودي معمولة أساسا عشان تكون أشيك عربية في جمهورية مصر العربية ودي لسه مخلصتش أساسا إنت طلبك محدد وبسيط ومتسألش كتير شيل الكاميرا اللي جبتها التعبانة وركب كاميرا بحساس ليلي مش غالية تمنها أقل من 200 جنيه وتشيل اللي إنت ركبتو بدل مراية الصالون وتزرعها بمسمارين صغيرين على حامل موبايل وتلزقها على الزجاج الأمامي وبكده حيكون عندك شاشاة متوسطة نص التابلوه ومراياتك كلهم شغالين ودي الطريقة الوحدية اللي صح أو تروح تجيب حاجة تعبانة دي في دي بشاشة وساعتها الكاميرا مش حتديك صورة إلا لما تيجي ترجع ورا أرجو تكون إستفدت والأخ ............. وأنا تحت أمرك ممكن نناقشك ونوريك الدنيا وصلت لفين مع إحترامي وإعتزازي بكل شخص يقدر ويحترم ويعرف قيمة الآخرين

-----------------------------------------------
لقد حصلت على انذار مصاحب بوقف اسبوع لمخالفة القاعدة 13
يرجى مراجعة قواعد المنتدى
18-9-2011
2:18 م
مشرف القسم ب10

[sha3banov]

الأخ العزيز أنا عربيتي فيها 9 شاشات موزعة 4 في المخادع ووحده في الدي في دي ذات نفسه و4 في الزجاج الأمامي .........

ان معجب بردك الوقور جدا !! دا اولا
اما ثانيا : انت بتعرف تسوق ازاى من كثرة الشاشات اللى عندك ؟؟؟؟وعاوزين صور من داخل عربيتك لجل ما يكمل الموضوع .... ونكون شاكرين مهللين ....

[saddam]

ان معجب بردك الوقور جدا !! دا اولا
اما ثانيا : انت بتعرف تسوق ازاى من كثرة الشاشات اللى عندك ؟؟؟؟وعاوزين صور من داخل عربيتك لجل ما يكمل الموضوع .... ونكون شاكرين مهللين ....

حضرتك أنا عربياتي مبنزلش صور ليها بس هي عربيات معروفة جدا في الشارع المصري ورغم كده حضرتك لو معرفتش تشوف عربية من عربياتي صدفة في الشوارع فتتفضل حضرتك على راسي تشرفني في منطقتي في الهرم وأنا أشيللك الغطا وتخش العربية وتشوف الشاشات وأزيدك من الشعر بيت أي حد يركب عربيتي يحس نفسو راكب مركبة فضائية بالليل خصوصا أما تسوقها إزاي فتتعود عليها بعدها حتحس بمتعة ما بعده متعة وتسلية كبيرة بإنك ممكن تعدي من جنب عربية وتشوف اللي بيسوق أو اللي بتسوق في الشاشة عندك جوا من غير متلف رقبتك نواحيهم وأهلا وسهلا بحضرتك

[Elawany13]

طيب معلش وفر علينا المشوار وصورلنا صورة للمركبة الفضائية بتاعتك

[zocor742]

احسن حل للموضوع دة فعلا الحامل وتحط الشاشة عالية ولو الكاميرا مش ليلية مش هتشوف حاجة منها بالنهار الصبح هتبقى حلوة معاك . وتركب الكاميرا فى مكان صح عشان تجيب كل ابعادها
انا جايلى دى فى دى دبل دين من السعودية وجاى معاة كاميرا ليلية
انا لحد دلوقتى مشوفتش اخوة لا فى سوق ولا راكب فى عربية كفاية الرزوليشن بتاع الشاشة , بس هو العيب فى كاميرا الدى فى دى مش بتشتغل غير مع المارش .بس انا لسة مركبتهاش مستنى يجيلى الباركين سينسور الاول واركبهم مع بعض

[saddam]

طيب معلش وفر علينا المشوار وصورلنا صورة للمركبة الفضائية بتاعتك

الموضوع كده دخل من مساعدة لصاحب الموضوع لقضية عند فأنا حختصر عليكم القصة وأعترفلك بللي إنت عاوز توصللو أنا يا سيدي راجل كاذب ومعنديش عربيات أساسا أنا شفت حضراتكم ........ وأنا حبيت.........بيكم رحت عامل ........ عليكم رغم إني راجل خريج علوم إسلامية قسم الشريعة وأحمل درجة الإمتياز في مادة الفقه المقارن بس أنا بقلك أنا كداب ومش حصور أي عربية من عربياتي الوهمية بس عرضي لا زال ساريا أي حد يحب يشرفني بيتي يشوف عربياتي اللي أنا ألفتها ممكن يراسلني على الخاص وإبقو إنتو صوروا ونزلوا على النت خلي الناس تستمتع وتتعلم تصاميم وتعديل السيارات يا إخواني الأحباء

-----------------------------------------------
لقد حصلت على انذار مصاحب بوقف اسبوع لمخالفة القاعدة 13
يرجى مراجعة قواعد المنتدى
18-9-2011
2:18 م
مشرف القسم ب10