اريد تظبيط عربيتي لمن لديه افكار او خبرة

[Amr_Azab]

العربية سكودا فابيا 2002

الصورة



عايز اظبط العربية بس مش عارف اعمل ايه بالظبط فياريت لو حد عنده افكار وممكن يدلني

انا مش عايز اعمل حاجات مكلفة جدا يعني الموتور عندي حالته ممتازة جدا فمش محتاج اسقط مكنة

كل اللي محتاجه تعديلات في المعقول ولو حاجة غالية اوي ممكن اعملها واحده واحده ان شاء الله فياريت افكركوا معاية اكون شاكر جدا ....

[ultraHERO]

u need to get first new black rims may be 15-16" ok then u can think bout body kits and led tail lights just this will make it awesome and good luck

[Amr_Azab]

شكرا يا باشا علي الاقتراحات الجميلة بس بالنسبة لموضوع الجنوط انا فعلا حعمله لكن 14 لاني حسب ما سمعت لو الجنط زاد عن كده حيضر العفشة
بالنسبة للبودي كيت فانا سألت كتير بس للآسف موصلتش لحد كويس في اسكندرية
ونفس الكلام للفوانيس مش لاقي فوانيس معدلة رياضية او حد يكون بيعدل الفوانيس نفسها في اسكندرية

[hko]

هو الجنط الاستوك بتاع الفابيا 14 يبقي ركب 15 عادي واعمل الكبوت والسقف كاربون وبالنسبه للفوانيس في عضو هنا اسمه smsm_nabawy من اليكس بيعمل فوانيس ليدات وشغله نضيف وحنين في الاسعار وخليه يعملك الفوانيس ادام سموك مع بدي كيت حلو كده تبقي العربيه تمام

[Mandible]

عربية شكلها نضيف اوي ماشاء الله ربنا يباركلك فيها

[Amr_Azab]

عربية شكلها نضيف اوي ماشاء الله ربنا يباركلك فيها

شكرا يا باشا ربنا يخليك

[graffittiii]

أقتراحات :
لون أبيض يبقي سقف كاربون أساسي .... الكبوت بلاش أسود هيخلي ال face look قافل أوي ...
وجنوط 15 مش هتفرق معاك ف الثبات يبقي خليك ف 14 ...

سؤال بقي : العربية دي عاملة إيه معاك .... بفكر ف الفابيا جديا ...

[Amr_Azab]

موضوع السقف الكربون ده انا فعلا حعمله بيدي شكل جامد اوي وانشاء الله الجنوط قريبا
بالنسبة للعربية فهي ممتازة جدا بصراحة نعومة وثبات وانا عن نفسي عجباني جدا جدا وطبعا لو بتفكر فيها فأنا انصحك بشدة بس ابعد عن الـ1200 cc عشان سمعت ان فيها مشاكل كتير خليك في الـ 1000cc اوالـ 1400cc
حسب راحتك بس طبعا ال1000 موفرة جدا جدا في البنزين

[ashraf_emara]

ربنا يباركلك فيها ويكفيك شرها

[Amr_Azab]

امين يا رب
شكرا يا باشا