منين أجيب الدواسات الاصليه للعربيه ؟

[mahmoud_afifi]

السلام عليكم

من كذا سنه كنت في هايبر وان في 6 اكتوبر وكان في قسم اكسسوارات عربيات عندهم دواسات معموله مخصوص لأنواع بعينها وعليها علامة العربيه.

مش لاقيها دلوقتي, عاوز اعرف اجيبها منين ؟ خاصة انها بتكون على المقاس بالظبط بتاع العربيه وكمان عليها العلامه وشكلها شيك.

[Salamonti]

متهيألي ممكن تلاقي حاجة زي كده في سبير كار اللي عند وزارة الداخلية

[mahmoud_afifi]

متهيألي ممكن تلاقي حاجة زي كده في سبير كار اللي عند وزارة الداخلية

انا كنت دورت في سبير كار فرع التجمع الخامس مالقتش فيه. مش عارف هلاقي في الفرع الي حضرتك بتقول عليه ولا لأ
متشكر على رد حضرتك

[Ayman-Ahmed]

انا بدور على دواسات برده ولقيت فى شارع دمشق دواسات من اول 70 لحد 150 جنيه وعلى كلام البياعين صينى وتايوانى.بس مفيش بعلامات العربيات ولكن فيه المتبطن والجلد واللونين.

ومستنى لما اشوف فرع قريب لمارسو واسال على الاسعار عنده لان خامتهم ممتازة بالصراحة.

[mahmoud_afifi]

انا بدور على دواسات برده ولقيت فى شارع دمشق دواسات من اول 70 لحد 150 جنيه وعلى كلام البياعين صينى وتايوانى.بس مفيش بعلامات العربيات ولكن فيه المتبطن والجلد واللونين.

ومستنى لما اشوف فرع قريب لمارسو واسال على الاسعار عنده لان خامتهم ممتازة بالصراحة.

اولا متشكر على رد حضرتك

انا الي محتاجه من الدواسه الاصليه انها بتبقى متفصله على القد بالظبط زي في الصور دي

[Ayman-Ahmed]

اولا متشكر على رد حضرتك

انا الي محتاجه من الدواسه الاصليه انها بتبقى متفصله على القد بالظبط زي في الصور دي

لا شكر على واجب.وكدة بقى يبقى بندور على حاجة واحدة ولو نزلت النهاردة هبص على شارع دمشق لاننى عرفت فرع لمارسو قريب من هناك وهاقولك لو لقيت عنده اللى انت عاوزه.

طيب هى بتفرق فى موديل العربية يعنى النترا 2010 غير اى موديل تانى ولا مش فارقة.

[mahmoud_afifi]

لا شكر على واجب.وكدة بقى يبقى بندور على حاجة واحدة ولو نزلت النهاردة هبص على شارع دمشق لاننى عرفت فرع لمارسو قريب من هناك وهاقولك لو لقيت عنده اللى انت عاوزه.

طيب هى بتفرق فى موديل العربية يعنى النترا 2010 غير اى موديل تانى ولا مش فارقة.

في الحقيقه مش عارف هتفرق ولا لأ. بس غالبا الفرق بين موديلات الالنترا سواء 2005 أو 2007 أو 2012 مش كبير من حيث المساحه الداخليه وبالتالي ممكن تنفع لكله. ان شاء الله نلاقيها وأنا برضه هدور عليها.

جزاك الله خير

[Ayman-Ahmed]

سالت شركة مارسو وقالوا معندهمش ولكن يوفق دواسات ويقص ويظبط على قد ما يقدروا..ايه رايك؟

والمصنع لسة هيشتغل يوم الخميس وفرعهم الرئيسى شغال فى الوايلى-شارع بورسعيد.

[mahmoud_afifi]

سالت شركة مارسو وقالوا معندهمش ولكن يوفق دواسات ويقص ويظبط على قد ما يقدروا..ايه رايك؟

والمصنع لسة هيشتغل يوم الخميس وفرعهم الرئيسى شغال فى الوايلى-شارع بورسعيد.

لو القص والتظبيط مش هيبوظ شكل الدواسات ويبقى على المقاس يبقى حلو. وأنا طبعا واثق في ذوق حضرتك بما إن احنا عاوزين نفس الحاجه

هو مصنع يعني بيفصل ولا ايه عشان مش فاهم معلش :)

ولو ممكن برضه تقولي شارع بورسعيد ده فين عشان انا مش قد كده في وسط البلد

الف شكر لحضرتك ومعلش هنتعبك

[Ayman-Ahmed]

لو القص والتظبيط مش هيبوظ شكل الدواسات ويبقى على المقاس يبقى حلو. وأنا طبعا واثق في ذوق حضرتك بما إن احنا عاوزين نفس الحاجه

هو مصنع يعني بيفصل ولا ايه عشان مش فاهم معلش :)

ولو ممكن برضه تقولي شارع بورسعيد ده فين عشان انا مش قد كده في وسط البلد

الف شكر لحضرتك ومعلش هنتعبك

الف شكر لثقتك يا افندم.

ومبيفصلوش وده اللى فهمته لما كلمته فى التيلفون ولكن كلامه معايا كان ان ممكن المصنع يقدر يقص من اللى موجود عندهم ويوفق على المقاسات اللى عنده واللى عندك فى العربية.

النهاردة لفيت لفة فى التوفيقية ولقيت دواسات اشكال وانواع واغلاهم ب 85 جنيه وخامة جلد محترمة جدا.

سالت على حاجة مقصوصة لهيونداى او اى عربية وملقتش وسالت ممكن حد يفصل قالوا لا لان المكنة بتطلع خط كامل ولكن السروجى ممكن يعملك جلد عادى وطبعا يقصد جلد فرش للارضية.

الخلاصة بعد لف وسوال كذا واحد فى شارع دمشق و التوفيقية ان اللى على النت المتفصل للعربية صعب تلاقيه هنا.

اللى انا عملته وريحت نفسى بعد اللف اننى قيست الارضية او المساحة اللى محتاجها تتغطى وجبت دواسة على مقاسها ب 75 جنيه.

ولو حابب ابعتلك على الخاص تيلفون مارسو وتسالهم براحتك وبتفاصيل اكتر.

شارع بورسعيد قريب من كوبرى القبة او غمرة.لو تعرف توصل للمكانين دول.

[mahmoud_afifi]

الف شكر لثقتك يا افندم.

ومبيفصلوش وده اللى فهمته لما كلمته فى التيلفون ولكن كلامه معايا كان ان ممكن المصنع يقدر يقص من اللى موجود عندهم ويوفق على المقاسات اللى عنده واللى عندك فى العربية.

النهاردة لفيت لفة فى التوفيقية ولقيت دواسات اشكال وانواع واغلاهم ب 85 جنيه وخامة جلد محترمة جدا.

سالت على حاجة مقصوصة لهيونداى او اى عربية وملقتش وسالت ممكن حد يفصل قالوا لا لان المكنة بتطلع خط كامل ولكن السروجى ممكن يعملك جلد عادى وطبعا يقصد جلد فرش للارضية.

الخلاصة بعد لف وسوال كذا واحد فى شارع دمشق و التوفيقية ان اللى على النت المتفصل للعربية صعب تلاقيه هنا.

اللى انا عملته وريحت نفسى بعد اللف اننى قيست الارضية او المساحة اللى محتاجها تتغطى وجبت دواسة على مقاسها ب 75 جنيه.

ولو حابب ابعتلك على الخاص تيلفون مارسو وتسالهم براحتك وبتفاصيل اكتر.

شارع بورسعيد قريب من كوبرى القبة او غمرة.لو تعرف توصل للمكانين دول.

اولا ألف مبروك على الدواسات الجديده وإن شاء الله تكون الي في بالك :)

أنا عندي دواسات الى حد ما قريبه من المقاسات بس مش متظبطه عليها عشان فيها حوض و واخده شكل مستطيل في حين ان الارضيه فيها بروزات ! وعشان كده كنت بدور على زي الي بنشوفه على النت

وللأسف كده مش هحتاج أروح مارسو, احتمال اخلي حد معرفه يشوفهالي من السعوديه ولا حاجه. أو احتمال اشوفهم من على النت بس هتقف عليا غاليه

أنا متأسف جدااااااا على تعبك معايا أستاذ أيمن. جزاك الله كل خير :)

[bisoolover]

ايه رايك فى الطقم ده يمشى موكيت ويمشى دوااسة كاوتش ؟؟ ايه رايك ؟

[Ayman-Ahmed]

اولا ألف مبروك على الدواسات الجديده وإن شاء الله تكون الي في بالك :)

أنا عندي دواسات الى حد ما قريبه من المقاسات بس مش متظبطه عليها عشان فيها حوض و واخده شكل مستطيل في حين ان الارضيه فيها بروزات ! وعشان كده كنت بدور على زي الي بنشوفه على النت

وللأسف كده مش هحتاج أروح مارسو, احتمال اخلي حد معرفه يشوفهالي من السعوديه ولا حاجه. أو احتمال اشوفهم من على النت بس هتقف عليا غاليه

أنا متأسف جدااااااا على تعبك معايا أستاذ أيمن. جزاك الله كل خير :)

ولا تعب ولا حاجة يا استاذ محمود.ومعلش كان نفسى اساعدك اكتر من كدة.وفعلا الدواسات هتقف عليك من برة غالية حبتين.

ولو العملية لقيتها صعبة اوى يبقى اعمل زى ما عملت.انزل بالمتر وقيس المساحة فى العربية وانزل اشترى اقرب حاجة للعربية ويستحسن اكبر من المساحة اللى عندك عشان تقص فيها براحتك.

[mahmoud_afifi]

ايه رايك فى الطقم ده يمشى موكيت ويمشى دوااسة كاوتش ؟؟ ايه رايك ؟

هو حلو بس هحتاج أقص منه الجزء الي على الشمال فوق عشان في جزء بلاستيك بارز.
ولو قصيت منه هيبوظ شكلها

[mahmoud_afifi]

ولا تعب ولا حاجة يا استاذ محمود.ومعلش كان نفسى اساعدك اكتر من كدة.وفعلا الدواسات هتقف عليك من برة غالية حبتين.

ولو العملية لقيتها صعبة اوى يبقى اعمل زى ما عملت.انزل بالمتر وقيس المساحة فى العربية وانزل اشترى اقرب حاجة للعربية ويستحسن اكبر من المساحة اللى عندك عشان تقص فيها براحتك.

ألف شكر لذوق حضرتك :)
اصل الفكره اني اخاف اجيب دواسات وبعد لما أقصها يطلع شكلها وحش ويبقى رميت الفلوس في الارض.
وكمان مش أكيده حكاية اني اجيبها من بره. الناس تضحك عليا
هدور تاني وربنا يسهل ان شاء الله