ايه حكايه الزينون في اسكندريه

[fooz843]

كل سنه وانتوا طيبين وربنا يستر يوم 9-9 انا مش عارف البلد رايحه فين يا جدعان حنخاف نودي العيال المدارس تاني ولا ايه ده شكلهم مش حيروحوا المدارس اصلا والله يا جماعه الواحد مش خايف علي نفسه المشكله في الاطفال الصغيرين والله الاولاد بيسالوني حيحصل ايه يوم الجمعه مش عارف اقول ايه المهم
نزلت امبارح عزبه سعد عندنا في اسكندريه عشان اجيب زينون للنوبيرا بتاعتي فوجئت باسعار غريبه الناس تقولي كله صيني ومعظمه نوع اسمه باي زينون والاسعار كلها من2000الي 2500مش عارف ايه ده حاجه غريبه وكل واحد يقولي مفيش فيليبس والسوق كله في مصر صيني يا ريت حد اسكندراني يفيدنا يا جدعان عن الاسعار والانواع ولا نروح القاهره ونخلص وياريت لو حد يدلنا علي محلات نضيفه للاكسسورات والكماليات في اسكندريه عشان نعرف نلف ونجيب حاجه كويسه

[hamoelgn]

ازاى يا باشا انا مركبه للنوبيرا بتاعتى عالى وواطى من عند سعيد نصار ب 500 جنيه خلى بالك فى نصابين كتير واى استفسار انا موجود

[MuhamedNabil]

هو السعر ٢٠٠-٢٥٠ و لا ٢٠٠٠-٢٥٠٠ عشان الاسعار دى كلمة نصب قليلة عليها يمكن اصدهم على اطقم
الاسعار تبدا من ٢٨٠ - ٤٥٠-٥٠٠ بالكتير ده بالنسبة للصينى
الفيليبس الاصلى و الاسرام ١١٠٠+
يمكن اصدهم على العدسات بس برده غالية جدا انت شوفت شكل العلبة

[smsm_nabawy]

2000

بص هما في عزبة سعد نصابين أه !! :)) لكن مش قوي كده !!!!!!

كده يبقى أتهبلوا ! 2000 أيه دول ،،هما بيسقطوا موتور ؟؟؟؟؟

[osama.m]

اكتر سعر سمعتة في عزبة سعد كان 500
2000 دا هبل
عند سعيد نصار ب 500 جايبة لاوكتافيا

[magyver]

هههههههههههههه
هتلاقيها غلطة كتااااابية بس

[dado_256]

ينفع زينون يركب فى فيلشيا ؟؟

[ahmedzizo131]

ينفع زينون يركب فى فيلشيا ؟؟

بسم الله الرحمن الرحيم
الزينون يركب على اية عربية و ميقلش لاا لكن المقم تخترع نون اللمض اللى تركيب عندك h??

[Moe86]

هو اية اللى جاب الزينون لمظاهرات الجمعة للمدارس ؟!

[sharpen]

واحد كل يوم يروح يحشش مع صاحبه ويعمل دماغ
وهو نازل الكلب بتاع صاحبه ف الجنينة
يهوهو عليه يتخض يفوق ويضيع الدماغ
كل يوم يعمل الدماغ ينزل، الكلب يهوهوو، يتخض يفوق
...
... ... فقال لصاحبه أنا مش هجيلك تاني، الكلب ده كل يوم يضيعلي الدماغ
...قاله بسيطة، إحنا نرميله حتة حشيش
وفعلا الكلب كل حتة الحشيش وإتسنجف وعمل دماغ

جه المعلم نزل شاف الكلب كده فقرب جمب ودنه وقال هوو هوو
الكلب إتخض
قاله شفت؟ عشان تعرف إنها حركه زبالة:d :

[fooz843]

هو اية اللى جاب الزينون لمظاهرات الجمعة للمدارس ؟!

يا سيدي المنتدي بتاعنا مشاركه في معلومات السيارات وكمان مشاركه اجتماعيه فهو منتدي اجتماعي نشارك بعض خوفنا علي بلدنا وعلي مجتمعنا و

[zocor742]

الاسعار دية عالية جدا على الصينى
لان الفليبس مجبش التمن دة اصلا

[SoFiMaN]

انا عايز فيليبس ((اصلي)) للميجان .. الاقي فين في اسكندرية ؟

[smsm_nabawy]

انا عايز فيليبس ((اصلي)) للميجان .. الاقي فين في اسكندرية ؟

مش حتلاقي أصلي،، ممكن تروح بقا لتوكيل فيليبس ،ن و تسأل هناك و ههما يطلبوها ليك !!
بس انا مش فاكر هوا كان فين هنا !!

[SoFiMaN]

مش حتلاقي أصلي،، ممكن تروح بقا لتوكيل فيليبس ،ن و تسأل هناك و ههما يطلبوها ليك !!
بس انا مش فاكر هوا كان فين هنا !!

طيب انا كلمت عمرو ديزاين و قالي عنده صيني بضمان سنة سعره 500 جنيه.. ايه رأيك يا باشا؟ و تعرف حد تاني ولا ايه الاخبار عشان لو كده هعدي اجيبه بالليل ان شاء الله.