ورق العدادات

[kreka]

يا جماعه انا شفت ناس هنا فالمنتدى عملوا مواضيع عن تعديل ورق عداداتهم ... المهم انا كلمت الكهربائى قالى انه ممكن يفكلى العدادات ويغيرلى اللمبات عشان ضعفت ..... فانا عايز اغير الورق بحاجه زى اللى الأعضاء بيعدلوها ويعملى النور من تحت زى العربيات الجديده

يريت تفيدونى يا شباب

[kreka]

يعنى 31 مشاهده ومحدش فدنى ؟؟ طب فين الناس اللى كانت عامله ورق العدادات ؟؟؟؟؟؟؟؟؟؟؟؟؟؟؟

[ahmedzizo131]

بسم الله الرحمن الرحيم
يا ربت توضحلم نوع عربيتك فى الاول

[organic_magic]

انت معاك عربيه ايه نوعها - الموديل ؟؟؟

[kreka]

انا عربيتى بولونيز موديل 88

مش دى الفكره .... انا ممكن أطبع شكل العدادات اللى انا عايزها ... انا عايز اعرف ايه نوع الورق اللى أطبع عليه وازاى اعمل فيه ألوان لما أشغل نور التابلوه من تحته تظهر ؟؟

[organic_magic]

لا اعلم

[dado_256]

فكره حلوه اوى وهتغير من شكل العداد بس ازاى الطريقه ؟؟

[kreka]

فكره حلوه اوى وهتغير من شكل العداد بس ازاى الطريقه ؟؟

انا اللى فدماغى انى اغير الورق الموجود بورق تانى وتكون الإضائه بتاعته من ورا بدل الأصليه اللى من الجنب اللى مش بشوف منها حاجه
بس انا عايز ورق يكون معتم .... ويكون فيه فتحات للأرقام مضيئه


حد عنده فكره أعملها ازاى ؟؟؟؟؟؟؟؟؟؟؟

[fmesiha]

اولا فكرة ان الورق يكون معتم و فيه فتحات صعبة لان صعب تعمل الفتحات مظبوط و هيبقى شكلها وحش
في رأيي انك ممكن الديزاين على الكمبيوتر للاجزاء المعتمة و الاجزاء المنورة يعني هيبقى ماسك و تطبعة عند حد عنده راوتر على ورق فينيل تقيل و يتلزق على بليكسي جلاس على شكل العدادات و كده بقى عندك المنور و المظلم ساعتها بقى اطبع الشكل اللي يعجبك بالالوان اللي تعجبك على ورق كوشيه مط و حطه فوقيه هيديك الشكل اللي انت عاوزه.
انا اسف اني فاشل في الشرح لو في حاجه مش واضحة قولي

[ahmedzizo131]

بسم الله الرحمن الرحيم
علما اعتقد ان العداد فى البلونيز صاج

[kreka]

اولا فكرة ان الورق يكون معتم و فيه فتحات صعبة لان صعب تعمل الفتحات مظبوط و هيبقى شكلها وحش
في رأيي انك ممكن الديزاين على الكمبيوتر للاجزاء المعتمة و الاجزاء المنورة يعني هيبقى ماسك و تطبعة عند حد عنده راوتر على ورق فينيل تقيل و يتلزق على بليكسي جلاس على شكل العدادات و كده بقى عندك المنور و المظلم ساعتها بقى اطبع الشكل اللي يعجبك بالالوان اللي تعجبك على ورق كوشيه مط و حطه فوقيه هيديك الشكل اللي انت عاوزه.
انا اسف اني فاشل في الشرح لو في حاجه مش واضحة قولي

معلش ايه البليكسى جلاس ؟؟ وايه الورق الكوشيه المط ؟؟
موضوع الطباعه دا اكيد ان شاء الله هلقيه عند اى حد بتاعه مراكز الطباعه الهندسيه

بسم الله الرحمن الرحيم
علما اعتقد ان العداد فى البلونيز صاج

اى .... تقصد ان ورا الورق صاق ؟؟ يا رب اكون فهمت غلط

[fmesiha]

البليكسي جلاس او بيسموه اكليريك بليكسي جلاس زي الصورة دي


اكيد انت عارفه بيتباع كتير و رخيص
لو انت قريب من شبرا ممكن اوصفلك مكان حد بيبيعه

و لما دورت لقيت موضوع ممكن يقربلك الفكرة هتلاقيه هنا
هو الفرق هيبقى انه عنده ورق العداد اللي ورا في اجزاء سوده و اجزاء شفافة انت زي ما ahmedzizo131 بيقول ان اللي عندك صاج فمش هيبين الاضائة علشان كده قولتلك تستخدم البليكسي جلاس و يكون رفيع قوي و تقصه نفس الشكل و تلزق عليه اللزق الفينيل اللي فيه الفتحات فيديك ان يكون اجزاء معتمة و اجزاء شفافة تعدي النور.

و بعدها اطبع شكل العدادات اللي يعجبك على ورق خفيف و حطه على الجزؤ اللي عملته قبل كده فالنور اللي معدي من فتحات الفنيل عند الارقام هيعدي واضح من الورق الخفيف و في نفس الوقت الورق ده هيبقى عليه التصميم اللي انت عاوزه.

و في حل اسهل لو عاوز تروش العدادات بس و مفيش تصميم معين في دماغك انك تجيب حاجه زي اللي في الصورة دي بس انا مش عارف في منها لعربيتك ولا لأ بتاعت الفيرنا و الانوس كانت عامله 250 ج على ما افتكر.








ارجو اني اكون قدرت اوضح كلامي شوية.

[kreka]

شرح جامد وشكرا على التوضيح يا باشا ..... هشوف الكهربائى الأول وأشرحله اللى فدماغى لو هينفع يعمله هنفذه ان شاء الله