أحترس من ستيكر السقف بياكل البوية

[ashouhdy]

الرجاء عدم وضع اى نوع من انواع الاستيكر على السقف حيث انها عند ازالتها تقوم بأزالة طبقة الورنيش الميتالك وتترك السقف بهتاااااان جدا

[M.Mostafa80]

سؤال قبل ما اقول لحضرتك أذا كان فعلا شالت الطبقه ولا لأ
هل حضرتك مسحت السقف كويس من اثر الاصق من خلال فوطه ببنزين لأن أحتمال كبير يكون اللى متسب فى ان السقف بهتان هو بواقى ماده الاصق وعمتا لو مش متأكد جرب فى حته صغيره كدا الأول وشوف هل فى فرق ولا لأ

[ashouhdy]

جربت بنزين

كمبوند

بوليش

مفيش فايدة

فعلا اخدت طبقة الورنيش اللى بتلمع الميتالك

الرجاء الحرص والحذر

[theking2690]

هو مش استيكر السقف بس هو اى استيكر بيتحط على الجسم بتاع العربية و بتسيبه مدة طويلة و شكرا لتنبيهك و كان المفروض اللى ركبلك الاستيكر ينبهك على الموضوع ده

[m_love4me]

مده طويله دى ال مقصود بيها قد ايه

انا لسه لازق استيكر على العربيه بتاعتى

من اسبوعين

ايه الوضع :d

[mahmoud_afifi]

شكرا على التنبيه يا شهدي باشا
مش انت كنت حاطت الاستيكر ده في الفيرنا ؟

[eldell]

مشكور جدا على اهتمامك بس ده على السقف بس والا اى جزء من العربيه ؟

[ashouhdy]

السقف ... لما شيلتة شال طبقة الورنيش .... لازم يتشال بمياة سخنة

[Moe86]

شكرا على التحزير أنا كنت بفكر أعمله, حد جرب نوع إستيكر نظيف مش بيعمل المشكلة دى ولا كله زى بعضه؟

[mada_76]

ده انا كنت ناوي انزل اركبه على الكبوت عشان الطريق الدائري بهدل ام الكبوت بتاعي خالص وخصوصا ان عربيتي لونها اسود .
طيب وبعدين مافيش حل ولا ايه ؟؟؟؟؟
والف شكر للتحذير يا باشا

[Moe86]

جاتلى فكرة
عارفين الشمع wax اللى بيتحط على العربية و بعدين يتشال فيسيب مكانه طبقة رقيقة جدا تحمى العربية من التراب و تخليها تلمع ؟ (طبعا لمدة محدودة)

إية اللى يحصل لو حطينا الwax دة و نسيبه ينشف (هو بينشف بسرعة) و نسيبه و نلزق اللزق الكاربون فوقه ؟؟

يعنى يبقى طبقة حماية فى النص

[zonfuly]

انا سألت واحد قالي ركب نوع لزق الماني ولما تشيله لازم يتشال بطريقه معينه قلتله ازاي قالي انتا لو ركبته عندي وحبيت تشيله جبهالي عشان لازم اسخنه انا واشلهولك

[tarekmomo]

لو حطينا شمع اللزق مش هيمسك كويس
دة كنت نازل اعمل العربية بعد العيد

[Ahmed Nasser]

هو تقريبا عمل كدة من الشمس