عايز spoiler لعربيه 128 ... ؟

[classboy]

السلام عليكم ورحمه الله وبركاته

أنا عندي 128 ورايح أجدد الون بتاعها ففكرت أجيب أسبويلر وأركبه وأرشه بالمره

فعايز أعرف رايكو في شكله علي العربيه ؟ وأجيبوا منين ؟ وبيلعب تمنه في كام؟

[ASHRAFL2]

فى حدود 70 جنيه مصرى او اكتر وموجود فى التوفيقيه

[classboy]

فى حدود 70 جنيه مصرى او اكتر وموجود فى التوفيقيه

شكرا يا باشا علي ردك

طب محل أسمه أيه في التوفيقيه أصل أنا من المنصوره وهسافر مخصوص

ومقولتليش رأيك أيه في شكله .

[mrghost]

السلام عليكم هتلاقيه فى كل حته وعلى الرصيف كمان فى التوفيقيه اللى هى امتداد شارع رمسيس اوصل رمسيس بس واسأل على التوفيقية هتوصل ان شاء الله وهناك اشكال كتير فى حدو د 80 ل 100 جنية

[ghost13]

سورى بس متزعلش منى السبويلر شاكله وحش على ال 128

[casper1500]

سورى بس متزعلش منى السبويلر شاكله وحش على ال 128

بصراحة معاه حق ,, فيه حاجة بتركب كدة على نهاية شنطة الـ 28 بتكون بلاستيك اسود او فبر دي بيكون شكلها احسن و هتكون ارخص كتيييير و مش هتحتاج رش

[casper1500]

اه نست اقولك الحجات دى كلها بتتباع في المنصورة , هتلاقيها متركزة في الحُسنية

[Ahmed_Elkhateb]

ايه يا جدعان حجات سوده ايه وسبويلر ايه وبتاع اييييييييييه ياعم هات منشر ياعم اللى هو الحديد ده اللى عامل زى بتاع العربيات السبق شكلو جاااااااامد وشيك جدا جدا

[eng_mkhalaf]

أبو 70 جنية فيبر ومش هيتحمل خالص

[medozaed]

احسن واحد الفيبر الاسود الى مابيتدهنش شكله ماشى معا العربيه

[classboy]

شكرا ياجماعه علي الردود بس أنا بتكلم علي الاسبويلر الاسبورت زي ماقال tote man الي موجود في عربيات السباق مش قصدي الاسبويلر الفيبر العادي ده ..

[Ahmed_Elkhateb]

يا جميل ده فى مين جاهز او تروح عند حداد فى الحرفين بيظبطهولك ويجمهولك على مقاس شنطة العربيه وانت بتديلو الألوان اللى تعجبك

[classboy]

يا جميل ده فى مين جاهز او تروح عند حداد فى الحرفين بيظبطهولك ويجمهولك على مقاس شنطة العربيه وانت بتديلو الألوان اللى تعجبك

هوه ده الي انا عايزه .....

بس أنت رأيك أعمله عند حداد ولا جاهز والتكلفه كام في الاتنين لو عندك فكره

ولو في الحرفيين عنوان الراجل أيه ولو جاهز أنا هاجيبه من المنصوره أنشاء الله

[Ahmed_Elkhateb]

لاء هو طبعا هاتو جاهز اصلى طبعا وجميل جدا بالسنبه للسعر مش عارف والله

[samehafez]

انا اسف بس السبويلر ....المفرزض انه مش شكل بس ده لازم يكون بشكل و مواصفات معينة عشان يحسن من ايروديناميكية العربية ...
ده مجرد راي بس طبعا براحتك